నీళ్లు తాగినా గొంతు పొడిగా ఉండడానికి కారణాలు..

26 August 2023

చాలా మంది నీళ్లు తాగిన తర్వాత కూడా గొంతు పొడిబారడం వంటి సమస్యలను ఎదుర్కోవాల్సి వస్తుంది. అప్పుడు వాంతులు, తల తిరగడం వంటి సమస్యలు కూడా వస్తాయి.

నీరు తాగిన తర్వాత కూడా మీ గొంతు పొడిగా ఉంటే, దానిని నిర్లక్ష్యం చేయకండి. ఎందుకంటే దాని వెనుక చాలా కారణాలు ఉండవచ్చు.

నీరు తాగిన తర్వాత కూడా గొంతు పొడిగా ఉంటే అప్పుడు ఏం జరుగుతుంది.. ఎలాంటి సమస్యలు వస్తాయి..? అనేవి తెలుసుకోండి..

గొంతు పొడిబారడానికి డీహైడ్రేషన్ కారణం కావచ్చు. మీ శరీరం డీహైడ్రేషన్ కు గురైనప్పుడు శరీరం అవసరమైనంత లాలాజలాన్ని ఉత్పత్తి చేయదు.

అటువంటి పరిస్థితిలో పొడి గొంతు వంటి సమస్యను ఎదుర్కోవలసి ఉంటుంది. అందువల్ల నీరు తాగిన తర్వాత కూడా ఈ సమస్య ఉంటే వెంటనే వైద్యుడిని సంప్రదించండి.

రాత్రిపూట నోరు తెరిచి నిద్రించడం వల్ల లాలాజలం, తేమ ఆరిపోతుంది. దీంతో నోరు, గొంతు పొడిగా ఉంటుంది. గురక, అలసట వంటి సమస్యలు కూడా ఉండవచ్చు.

జ్వరం లేదా కాలానుగుణ అలెర్జీలు కూడా పొడి గొంతుకు కారణమవుతాయి. కాబట్టి నీరు తాగిన తర్వాత మీ గొంతు పొడిగా అనిపిస్తే అది కాలానుగుణ అలెర్జీలకు సంకేతం.

ఈ సమయంలో ముక్కు కారడం, తుమ్ములు, దురద, దగ్గు వంటి సమస్యలు కూడా ఉండవచ్చు. దీని కారణంగా నోటి ద్వారా శ్వాస తీసుకున్నా.. గొంతు కూడా పొడిబారిపోతుంది.