రోజుకో యాపిల్ పండు తింటే డాక్టర్‌ దగ్గరకు వెళ్లే పనే లేదంటారు.. ఇది పలు వ్యాధులను దూరంగా ఉంచుతుంది. అందుకే రోజుకో యాపిల్ తినండని వైద్యులు చెబుతుంటారు.
అయితే యాపిల్ తినకూడని వారు కూడా కొందరు ఉన్నారని మీకు తెలుసా..? ఎందుకంటే యాపిల్ కొందరి ఆరోగ్యానికి హానికరం..
ఆపిల్‌లో విటమిన్ సి, పొటాషియం, డైటరీ ఫైబర్ వంటి అవసరమైన విటమిన్లు, ఖనిజాలు ఉన్నాయి. ఇది మాత్రమే కాదు, ఇందులో క్వెర్సెటిన్, కాటెచిన్, క్లోరోజెనిక్ యాసిడ్ వంటి యాంటీఆక్సిడెంట్లు పుష్కలంగా ఉన్నాయి.
కొంతమందికి యాపిల్ తినడం వల్ల అలర్జీ రావచ్చు. ముఖ్యంగా ఓరల్ అలర్జీ సిండ్రోమ్ ఉన్నవారు యాపిల్‌ను ఎక్కువగా తీసుకుంటే.. నోటిలో, గొంతులో, చర్మంలో దురద లేదా వాపు రావచ్చు.
చాలా యాపిల్స్ తినడం ముఖ్యంగా దాని పై తొక్క తినడం అపానవాయువు, గ్యాస్ లేదా కడుపు తిమ్మిరికి కారణమవుతుంది.
యాపిల్స్ కొద్దిగా ఆమ్లంగా ఉంటాయి.. కాబట్టి ఎక్కువ యాపిల్ తినడం వల్ల యాసిడ్ రిఫ్లక్స్ లేదా కడుపు నొప్పి వస్తుంది.
యాంటిహిస్టామైన్లు, యాంటీబయాటిక్స్ వంటి కొన్ని ఔషధాల శోషణకు యాపిల్ రసం ఆటంకం కలిగిస్తుంది. అదే సమయంలో, ఆపిల్ తిన్న తర్వాత ముల్లంగి, పుల్లని పండ్లు, ఊరగాయలు తినకుండా ఉండాలి.
ఈ రోజుల్లో ఆపిల్ తోపాటు.. అనేక రకాల పండ్ల సాగులో అలాగే పండటం కోసం రసాయనాలను ఎక్కువగా ఉపయోగిస్తున్నారు. అలాంటివి తీసుకున్నా.. కానీ, శుభ్రంగా కడిగి తినాలని.. నిపుణులు చెబుతున్నారు.