వెల్లుల్లి చేసే మేలు తల్లి కూడా చేయదు..! నిజమేంతో తెలుసా?
TV9 Telugu
16 February 2024
వెల్లుల్లి తీసుకోవడం వల్ల ఆరోగ్యానికి ఎంతో మేలు కలుగుతుంది. ఇందులో శరీరానికి కావాల్సిన పోషకాలు ఎక్కువగా ఉంటాయి.
వెల్లుల్లి జ్యూస్‌తో అధిక బరువు సమస్య నుంచి బయటపడవచ్చు. అలాగే శరీరంలో కేలరీలను బర్న్‌ చేయడంలో ఎంతో సహాయపడుతుంది.
జీర్ణవ్యవస్థను కూడా మెరుగుపరచడంలో వెల్లుల్లి ఎంతో ఉపయోగపడుతుంది. ఆకలి నియంత్రిచడంలో కూడా వెల్లుల్లి మేలు చేస్తుంది.
చెడు కొలెస్ట్రాల్‌ ను తగ్గించడంలో వెల్లుల్లి మేలు చేస్తుంది. ఖాళీ కడుపుతో ఈ వెల్లుల్లి రసం తీసుకోవడం కొలెస్ట్రాల్‌ లెవెల్స్‌ అదుపులో ఉంచుతుంది.
వెల్లుల్లిలో యాంటీ మైక్రోబయల్‌, యాంటీ వైరల్‌ గుణాలు ఉంటాయి. పరగడుపున వెల్లుల్లి జ్యూస్‌ తీసుకోవడం వల్ల కాలేయం, మూత్రపిండాల సమస్యలు కూడా తగ్గుతాయి.
వెల్లుల్లి జ్యూస్‌ తీసుకోవడం వల్ల శరీరానికి, చర్మానికి ఎంతో సహాయపడుతుంది. చర్మ కాంతిని పెంచుతుంది. వెల్లుల్లిలో యాంటీ బాక్టీరియల్‌, యాంటీ ఫంగల్‌ లక్షణాలు ఉంటాయి.
సీజనల్‌గా వచ్చే ఫ్లూ, దగ్గు, జ్వరం వంటి వ్యాధులకు వెల్లుల్లి జ్యూస్‌ ఎంతో సహాయపడుతుంది. వెల్లుల్లిలోని యాంటీ ఆక్సిడెంట్‌ లక్షణాలు రక్తంలో షుగర్ లెవెల్స్‌ను కంట్రోల్‌ చేస్తుంది.
జీర్ణ సమస్యలతో ఇబ్బంది పడుతున్నవారికి వెల్లుల్లి ఎంతో మేలు చేస్తుంది. జీర్ణ ఎంజైమ్‌ల ఉత్పత్తిలో వెల్లుల్లి ఉపయోగపడుతుందని ఆరోగ్యనిపుణులు చెబుతున్నారు.