విజయ్ దేవరకొండ – అనసూయ ల మధ్య వివాదం ఉంది అని అంతా అనుకుంటారు. నిజానికి విజయ్.. అనసూయని పేరు పెట్టి నెగిటివ్ కామెంట్ చేసిన సందర్భం ఒక్కటి కూడా లేదు
అర్జున్ రెడ్డి టైం నుండి అనసూయ విజయ్ దేవరకొండ పై నెగిటివ్ కామెంట్స్ చేస్తూ వస్తోంది. ఆ సినిమాలో ఓ డైలాగ్ పై అనసూయ అభ్యంతరం వ్యక్తం చేసింది.
దీంతో విజయ్ దేవరకొండ ఫ్యాన్స్ ఆమెను ట్రోల్ చేశారు. అక్కడితో ఆమె అలా వదిలేస్తే బాగుండేది. ఆ తర్వాత కబీర్ సింగ్ టైంలో మళ్లీ కెలికింది.
తర్వాత విజయ్ దేవరకొండ నిర్మాణంలో వచ్చిన మీకు మాత్రమే చెప్తా అనే సినిమాలో నటించింది. దీంతో వారి మధ్య వివాదం ముగిసింది అనుకుని ఆ విషయాన్ని వదిలేశారు.
కానీ లైగర్ రిలీజ్ రోజున మళ్లీ విజయ్ దేవరకొండని, అర్జున్ రెడ్డి సినిమాని గుర్తు చేసి మళ్లీ విమర్శలు చేసింది. దీంతో ఆమె పై మళ్లీ ట్రోలింగ్ జరిగింది. అయినా ఆమె తగ్గలేదు.
ఫైనల్ గా విమానం ప్రీ రిలీజ్ ఈవెంట్లో మానసిక ప్రశాంతత కోసం ఆ విషయాన్ని వదిలేస్తున్నట్లు .. ఆ ఇష్యుకి ఫుల్ స్టాప్ పెడుతున్నట్టు చెప్పుకొచ్చింది.
అంతా బాగానే ఉంది కదా అనుకుంటే.. ఈరోజు ఖుషి ట్రైలర్ లాంచ్ లో ఓ సీనియర్ జర్నలిస్ట్ ఈ విషయం పై విజయ్ ను ప్రశ్నించాడు. విజయ్ కూడా అలాంటిది ఏమీ లేదు అంటే సరిపోయేది.
కానీ గొడవ చేసే వాళ్ళనే అడగాలి అంటూ సమాధానం ఇచ్చాడు. దీంతో సదరు జర్నలిస్ట్ ఈ విషయాన్ని మళ్లీ కెలికినట్టు అయ్యింది. ఒక్కటైతే కన్ఫర్మ్ . విజయ్ కి ఈ ఇష్యూతో సంబంధం లేదు.
అతను ఈరోజు ఉన్న స్థాయికి అనసూయ పై నెగిటివ్ కామెంట్స్ చేయాల్సిన అవసరం లేదు. విజయ్ కూడా అలాంటి వ్యవహారాన్ని సీరియస్ గా తీసుకోలేదు.