బాలకృష్ణ హోస్ట్‌గా వ్యవహరిస్తున్న ‘అన్‌స్టాపబుల్ సీజన్ 4’కు హీరో అల్లు అర్జున్ గెస్ట్‌గా వచ్చారు. ఆహా ఓటీటీలో గత అర్థరాత్రి నుంచి ఇది స్ట్రీమింగ్ అవుతోంది.
ఈ షో‌లో తన పర్సనల్ లైఫ్, సినీ లైఫ్, ఇష్టాయిష్టాలకు సంబంధించిన పలు ప్రశ్నలకు బన్నీ సూటిగా సమాధానమిచ్చారు.
వర్తమాన హీరోల్లో తనకు విజయ్ దేవరకొండ, నవీన్ పొలిశెట్టి, సిద్ధూ జొన్నలగడ్డ, విశ్వక్‌సేన్, అడివిశేష్‌లు ఇష్టమని చెప్పారు.
వారందరూ బాగా నటిస్తున్నారని.. వారిలో ఒకరి పేరే చెప్పాలంటే మాత్రం సిద్ధూ పేరు చెబుతానన్నారు పుష్ప రాజ్.
అల్లు అర్జున్‌కు ఫ్యావరేట్ హీరోయిన్ ఎవరన్న ప్రశ్న కూడా బాలకృష్ణ నుంచి ఎదురయ్యింది. రష్మిక, పూజా హెగ్డేలో ఎవరితో పనిచేయడం ఇష్టమని బాలకృష్ణ ప్రశ్నించారు.
దీనిపై అల్లు అర్జున్ స్పందిస్తూ.. తాను ఏ సినిమా చేస్తే.. ఆ మూవీ యూనిట్ తనకు ఫేవరేట్‌గా చెప్పారు. ప్రస్తుతం పుష్ప 2 చేస్తున్నందున రష్మికనే తన ఫేవరేట్‌గా సమాధానమిచ్చాడు.
మరి దర్శకులు త్రివిక్రమ్, సుకుమార్‌లో ఎవరిష్టమన్న బాలయ్య ప్రశ్నకు కూడా అల్లు అర్జున్ సమాధానమిచ్చారు.
ముందే చెప్పినట్లు ఇప్పుడు చేస్తున్న మూవీ యూనిట్ తనకు ఇష్టమని.. సుకుమార్ తన ఫేవరేట్‌గా అల్లు అర్జున్ సమాధానమిచ్చాడు.
తెలుగు సినిమా ఇండస్ట్రీలో మీకు ఎవరు పోటీ..ప్రభాస్.. మహేశ్ బాబా? అన్న ప్రశ్నకు అల్లు అర్జున్ సమాధానమిస్తూ.. తనకు తానే పోటీగా పేర్కొన్నారు. తాను అందరినీ గౌరవిస్తానని అన్నారు.