నేచురల్ స్టార్ నాని ప్రస్తుతం తెలుగులో వరుస సినిమాలలో నటిస్తూ ఎంతో బిజీగా ఉన్నారు. నాని చివరిగా దసరా అనే సినిమా ద్వారా పాన్ ఇండియా స్థాయిలో ప్రేక్షకుల ముందుకు వచ్చారు.
ఈ సినిమా ఎంతో మంచి సక్సెస్ అందుకోవడంతో ఈయన తన తదుపరి సినిమాల షూటింగ్ పనులలో ఎంతో బిజీగా ఉన్నారు.
తాజాగా దుల్కర్ సల్మాన్ హీరోగా నటిస్తున్న కింగ్ ఆఫ్ కొత్త సినిమా ఈనెల 24వ తేదీ విడుదల కానున్న నేపథ్యంలో ప్రీ రిలీజ్ వేడుకల్లో నాని సందడి చేశారు.
ఈ కార్యక్రమంలో భాగంగా నేచురల్ స్టార్ నాని దుల్కర్ సల్మాన్ గురించి మాట్లాడుతూ పలు విషయాలను తెలియజేశారు.
నాని మాట్లాడుతూ పాన్ ఇండియా సినిమా అనే పదం నాకు నచ్చదని తెలిపారు. కానీ నాకు తెలిసిన అసలైన పాన్ ఇండియా స్టార్ అంటే దుల్కర్ సల్మాన్ అని తెలిపారు.
ఆయన కోసం అన్ని భాషల దర్శకులు కథలను సిద్ధం చేసుకుంటున్నారు అంటూ నాని ఈ సందర్భంగా తెలియజేశారు.
ఇకపోతే నాని చేసిన ఈ వ్యాఖ్యలపై టాలీవుడ్ పాన్ ఇండియా స్టార్ హీరోలు అయినటువంటి ప్రభాస్ ఎన్టీఆర్ అల్లు అర్జున్ రామ్ చరణ్ అభిమానులు తీవ్రస్థాయిలో మండిపడుతున్నారు.
దుల్కర్ సల్మాన్ మాత్రమే అసలైన పాన్ ఇండియా స్టార్ హీరో అయితే మరి వీరంతా ఎవరు అంటూ నాని చేసిన వ్యాఖ్యలపై ఈ హీరోల ఫ్యాన్స్ తీవ్ర స్థాయిలో మండిపడుతున్నారు.