వారెవ్వా బిగ్ బాస్.. బుక్ మై షోలో ఆ సినిమా టికెట్ కొన్న నాగార్జున..!
Prudvi Battula
21 February 2025
తనతో సినిమాలు చేసినా.. చేయకపోయినా టాలెంట్ ఉంటే చాలు వెంటనే వెనకేసుకొస్తుంటాడు నాగార్జున. ఇటీవల అమ్మ రాజశేఖర్ సినిమాకు ఇలాంటి సాయమే చేసాడు.
అమ్మ రాజశేఖర్ తెరకెక్కించిన సినిమా 'తల'. ఈ చిత్రంతో ఆయన తనయుడు అమ్మ రాగిన్ రాజ్ హీరోగా పరిచయం అయ్యాడు. అంకిత నస్కర్ హీరోయిన్గా నటించింది.
రోహిత్, ఎస్తేర్ నోరన్హ,ముక్కు అవినాష్, సత్యం రాజేష్, అజయ్, విజ్జి చంద్రశేఖర్, రాజీవ్ కనకాల, ఇంద్రజ తదితరులు ఇతర కీలక పాత్రల్లో నటించారు.
శ్యామ్ కే నాయుడు సినిమాటోగ్రఫీ అందించిన ఈ చిత్రానికి ధర్మతేజ సంగీత దర్శకుడు. తల సినిమా ఫిబ్రవరి 14న విడులైంది.
ప్రమోషన్స్ కూడా బాగానే చేసారు మేకర్స్. ఇక కింగ్ నాగార్జున బుక్ మై షోలో ఈ సినిమా ఫస్ట్ టికెట్ను కొనుగోలు చేశారు.
ఆయన ఈ చిత్ర ట్రైలర్ను చూసి మెచ్చుకున్నారు. రాగిన్ రాజ్ పెద్ద హీరో అవుతాడని ఆశీర్వదించారు. అమ్మ రాజశేఖర్ డైరెక్షన్ చాలా ఇంట్రెస్టింగ్గా ఉందని కితాబునిచ్చారు.
అమ్మ రాజశేఖర్తో తన మొదటి పరిచయాన్ని గుర్తు చేసుకుని ఈ సినిమా తప్పకుండా విజయం సాధించాలని ఆకాక్షిస్తూ.. నిర్మాత శ్రీనివాస్ గౌడ్కు ఆల్ ద బెస్ట్ చెప్పారు.
బుక్ మై షోలో నాగార్జున తల మూవీ ఫస్ట్ టికెట్ కొనడం ఈ సినిమా సాధించబోయే పెద్ద విజయానికి చిహ్నం అని దర్శకుడు అమ్మ రాజశేఖర్ ఈ సందర్భంగా ఆనందాన్ని వ్యక్తం చేశారు.