పుష్ప2 సినిమా విడుదలకు సమయం దగ్గరపడుతోంది. డిసెంబర్‌ 5వ తేదీన పుష్ప2 చిత్రాన్ని విడుదల చేసేందుకు చిత్ర యూనిట్ సన్నాహాలు చేస్తోంది.
ఇందులో భాగంగానే సినిమా ప్రమోషన్స్‌లో వేగాన్ని పెంచింది. ఈ క్రమంలోనే ఆదివారం ట్రైలర్‌ను పెద్ద ఎత్తున విడుదల చేసేందుకు సిద్ధమవుతున్నారు. బిహార్‌లోని పాట్నాలో గాంధీ మైదాన్‌లో ట్రైలర్‌ను విడుదల చేస్తున్నారు.
ట్రైలర్ లాంచ్‌ ఈవెంట్‌కు ఏకంగా 25000 మంది హాజరవుతున్నారు. దీనిబట్టే పుష్ప2 క్రేజ్‌ ఎలా ఉందో అర్థం చేసుకోవచ్చు. ఇక పుష్ప2 ట్రైలర్ రికార్డులను తిరగరాస్తుందా అన్న చర్చ మొదలైంది.
24 గంటల్లో అత్యధికంగా వ్యూస్‌ సాధించిన ట్రైలర్‌గా ఇప్పటి వరకు ట్రిపులార్‌ రికార్డు దక్కించుకుంది. అయితే ఈ రికార్డును పుష్ప2 బ్రేక్ చేస్తుందా అన్ని అంశం తెరపైకి వచ్చింది.
ట్రిపులార్‌ 24 గంటల్లో 1.24 మిలియన్ల లైక్స్‌ వచ్చిన ఈ సినిమా టాలీవుడ్‌ మోస్ట్‌ లైక్డ్‌ ట్రైలర్‌గా ఆల్‌ టైమ్‌ రికార్డు క్రియేట్ చేసిన విషయం తెలిసిందే.
అలాగే వ్యూస్‌ పరంగా చూస్తే గుంటూరు కారం ట్రైలర్‌కు 24 గంటల్లో 37.68 మిలియన్ల వ్యూస్‌తో మొదటి స్థానంలో నిలిచింది. దీంతో ఇప్పుడు పుష్ప ఈ రెండు రికార్డులను బ్రేక్ చేస్తుందా అన్న ఆసక్తి పెరిగింది.
ఇదిలా ఉంటే పుష్ప2 ట్రైలర్ రిలీజ్‌ కోసం భారీగా ఏర్పాట్లు చేశారు. తెలుగు రాష్ట్రాల నుంచి కూడా ఫ్యాన్స్‌ పెద్ద ఎత్తున పట్నా చేరుకుంటున్నారు. దీంతో గాంధీ మైదానం చుట్టుపక్కల హోటల్స్‌ అన్నీ ఫుల్‌ అయినట్లు సమాచారం.
ఇక ట్రైలర్ లాంచ్‌ ఈవెంట్‌లో భోజ్పూరి నటి అక్షర సింగ్ స్పెషల్ పెర్ఫార్మెన్స్ ఇవ్వనుంది. ఈ విషయాన్ని చిత్ర యూనిట్ సోషల్ మీడియా వేదికగా అధికారికంగా తెలిపింది.