ఐపీఎల్ చరిత్రలోనే అరుదైన సీన్.. ఇలాంటి అరంగేట్రం మరోసారి జరగలే
TV9 Telugu
20 November 2024
IPL 2025కి ముందు మెగా వేలం నవంబర్ 24-25 తేదీలలో సౌదీ అరేబియాలోని జెడ్డాలో జరుగుతుంది. ప్రపంచ వ్యాప్తంగా అంతా మెగా వేలంలపైనే కన్నేశారు.
ఈ వేలంలో ఐపీఎల్‌లో అత్యుత్తమ స్పెల్‌తో రికార్డు సృష్టించిన ఆటగాడు కూడా కనిపించనున్నాడు. అన్ని జట్లు ఈ ప్లేయర్‌పై కన్నేశాయి.
ఐపీఎల్‌లో అత్యుత్తమ స్పెల్ బౌలింగ్ చేసిన బౌలర్ వెస్టిండీస్‌కు చెందిన అల్జారీ జోసెఫ్. ఐపీఎల్ అరంగేట్రంలోనే ఈ ఘనత సాధించాడు.
అల్జారీ జోసెఫ్ ఐపీఎల్ 2019 సందర్భంగా ముంబై ఇండియా తరపున ఆడుతూ అరంగేట్రం చేశాడు. ఈ మ్యాచ్‌లో చరిత్ర సృష్టించి, అందర్నీ ఆకట్టుకున్నాడు.
అల్జారీ జోసెఫ్ తన తొలి ఐపీఎల్ మ్యాచ్‌ని సన్‌రైజర్స్ హైదరాబాద్‌తో ఆడాడు. ఈ మ్యాచ్‌లో ముంబై ఇండియన్స్ విజయకేతనం ఎగురవేసింది.
అల్జారీ జోసెఫ్ 3.4 ఓవర్లలో కేవలం 12 పరుగులిచ్చి 6 వికెట్లు పడగొట్టాడు. అల్జారీ జోసెఫ్ మినహా ఏ బౌలర్ కూడా ఐపీఎల్ అరంగేట్రంలో ఇన్ని వికెట్లు తీయలేకపోయాడు.
ఐపీఎల్‌లో ఒక మ్యాచ్‌లో 6 వికెట్లు తీసిన ముగ్గురు బౌలర్లలో అల్జారీ జోసెఫ్ కూడా ఉన్నాడు. అతను కాకుండా, సోహైల్ తన్వీర్, ఆడమ్ జంపా మాత్రమే దీన్ని చేయగలిగారు.
అల్జారీ జోసెఫ్ నవంబర్ 20న తన 28వ పుట్టినరోజు సెలబ్రేట్ చేసుకుంటున్నాడు. ఐపీఎల్ వేలంలో అతను ఈ పుట్టినరోజు బహుమతిని పొందవచ్చు. ఈసారి తన బేస్ ధర రూ.2 కోట్లుగా ఉంచుకున్నాడు.