16 August 2023
Pic credit - Instagram
అక్టోబర్ 5 నుంచి నవంబర్ 19 వరకు భారత్‌లో వన్డే ప్రపంచకప్ జరగనుంది. చాలా మంది అభిమానులు స్టేడియంలో కూర్చుని మ్యాచ్‌ను ఆస్వాదించాలనుకుంటున్నారు.
టికెట్ బుకింగ్ ఇంకా ప్రారంభం కాలేదు. ఆగస్టు 25 నుంచి వన్డే ప్రపంచకప్ టిక్కెట్ల విక్రయం ప్రారంభం కానుంది.
టిక్కెట్లను బుక్ చేసుకోవడానికి అభిమానులు cricketworldcup.com/registerలో నమోదు చేసుకోవాలి. అలాగే బుక్‌మై షో నుంచి కూడా టిక్కెట్లను బుక్ చేసుకోవచ్చు.
టిక్కెట్లను బుక్ చేసుకోవడానికి, అభిమానులు ముందుగా ఐసీసీ వెబ్‌సైట్‌లో నమోదు చేసుకోవాలి. అందులో పేరు, చిరునామా, దేశం తెలియజేయాల్సి ఉంటుంది.
భారత మ్యాచ్‌ల టిక్కెట్ల విక్రయం ఐదు దశల్లో జరుగుతుంది. అలాగే టీమ్ ఇండియా టిక్కెట్ల విక్రయం కూడా ఆగస్టు 25 తర్వాత ప్రారంభమవుతుందని ఐసిసి తెలిపింది.
ఆగస్ట్ 30 నుంచి భారత్ ప్రాక్టీస్ మ్యాచ్‌ల కోసం అభిమానులు టిక్కెట్లు కొనుగోలు చేయవచ్చు.
అదే సమయంలో ప్రదాన మ్యాచ్‌ల టిక్కెట్ల విక్రయం ఆగస్టు 31 నుంచి ప్రారంభమవుతుంది. ఈ రోజున చెన్నై, పుణె, ఢిల్లీలో విక్రయాలు జరగనున్నాయి.
సెప్టెంబర్ 1 నుంచి ధర్మశాల, లక్నో, ముంబయిలో జరిగే మ్యాచ్‌ల విక్రయం ప్రారంభం కాగా, బెంగళూరు, కోల్‌కతాలో జరిగే మ్యాచ్‌ల టిక్కెట్లు ఒకరోజు తర్వాత విక్రయించనున్నారు.
ప్రపంచకప్‌లో అత్యంత కీలకమైన భారత్-పాక్ మ్యాచ్ టిక్కెట్ల విక్రయం సెప్టెంబర్ 3 నుంచి ప్రారంభం కానుంది. సెమీ-ఫైనల్, ఫైనల్ మ్యాచ్‌ల టిక్కెట్ల విక్రయం సెప్టెంబర్ 15 నుంచి ప్రారంభమవుతుంది.