ఏపీ మీదుగా వందే స్లీపర్.. ఇకపై ఆ రూట్ ఏడున్నర గంటలే.!

వీటి ఆక్యుపెన్సీ రేషియో ఆధారంగా కొత్త సర్వీసులను ప్రారంభించాలని రైల్వేశాఖ భావిస్తోంది. అందులో భాగంగానే త్వరలోనే వందేభారత్ స్లీపర్ రైళ్లను అందుబాటులోకి తేనుందట. 

వందేభారత్ స్లీపర్ తొలి విడతలోనే సికింద్రాబాద్ - పూణే మధ్య అందుబాటులోకి రానుంది. ఈ వందేభారత్ స్లీపర్‌ను తొలి విడత ఖరారులో తెలుగు రాష్ట్రాలకు కేటాయించేలా నిర్ణయం జరిగింది. 

దీంతో రద్దీ మార్గంగా ఉన్న సికింద్రాబాద్ - పూణే మార్గంలో కేటాయించాల్సిందిగా అధికారులు కోరారు. ఈ మేరకు దక్షిణ మధ్య రైల్వే నుంచి రైల్వే బోర్డు ప్రతిపాదనలు కోరింది. 

ఈ మార్గంలో ప్రస్తుతం సూపర్ ఫాస్ట్ సర్వీసులు నడుస్తున్నాయి. ప్రయాణీకుల నుంచి వస్తున్న డిమాండ్ మేరకు ఈ మార్గంలో వందేభారత్ స్లీపర్ కేటాయిస్తే ఆక్యెపెన్సీ పెరుగుతుందని అధికారులు నివేదిక ఇచ్చారు.