Breaking News
  • విశాఖ: సింహాద్రి అప్పన్నస్వామికి స్వర్ణ తులసీ దళాలు సమర్పణ. రూ.25 లక్షలు విలువైన 50 స్వర్ణ తులసీ దళాలు సమర్పించిన బోకం శ్రీనివాసరావు దంపతులు. గతంలోనూ పలు కానుకలు సమర్పించిన శ్రీనివాసరావు.
  • అమరావతి: ఓఎన్‌జీసీ, గెయిల్‌ అధికారులతో మంత్రి పెద్దిరెడ్డి భేటీ. మత్స్యకారులకు చేయూతనివ్వాలని కోరిన పెద్దిరెడ్డి రామచంద్రారెడ్డి. కార్పొరేట్‌ రెస్పాన్స్‌బిలిటీ కింద 2శాతం చెల్లించాలని కోరిన మంత్రి. గతంలో రూ.150 కోట్లు ఇస్తామని ఓఎన్‌జీసీ, గెయిల్‌ అంగీకారం. బకాయిలు రూ.82.12 కోట్లు వెంటనే చెల్లించాలని కోరిన పెద్దిరెడ్డి. ఆయిల్ నిక్షేపాల వెలికితీత సమయంలో మత్స్య సంపదకు నష్టం కలుగకుండా జాగ్రత్తలు తీసుకోవాలని సూచన.
  • తిరుపతి: మీడియాతో మాజీ సీఎం కిరణ్‌ కుమార్‌రెడ్డి చిట్‌చాట్‌. పీసీసీ చీఫ్‌ పదవి మీడియా ఊహగానాలేనన్న కిరణ్‌కుమార్‌రెడ్డి. పీసీసీ చీఫ్‌ పదవిపై అంతగా ఆసక్తి లేదన్న మాజీ సీఎం. తాజా రాజకీయాల తీరుపై తీవ్ర అసంతృప్తి. తాను తిరుపతిలో తెలుగు మహాసభలను ఘనంగా నిర్వహించానన్న కిరణ్‌. చిత్తూరు జిల్లాలో తాను ప్రారంభించిన తాగు, సాగు నీరు ప్రాజెక్టు కొనసాగించకపోవడం పట్ల ఆవేదన. తిరుపతిలో అంతర్జాతీయ స్టేడియం నిర్మించకపోవడంపై అసంతృప్తి.
  • సైదాబాద్‌ పీఎస్‌లో అక్బరుద్దీన్‌పై కేసునమోదు. అక్బరుద్దీన్‌పై క్రిమినల్‌ కేసు నమోదు చేయాలని సైదాబాద్‌ పోలీసులను ఆదేశించిన నాంపల్లి కోర్టు. భారత దేశ సార్వభౌమత్వాన్ని సవాల్‌ చేసిన అక్బరుద్దీన్‌. న్యాయవాది కరుణసాగర్‌ ఫిర్యాదుతో కేసునమోదు.
  • గుంటూరు: దుర్గి మండలం ధర్మవరంలో జనసేన నేతల పర్యటన. బోనబోయిన శ్రీనివాస్‌యాదవ్‌ ఆధ్వర్యంలో కార్యకర్తలకు పరామర్శ. గ్రామంలో తిరునాళ్ల సందర్భంగా పోలీసులు, గ్రామస్తుల మధ్య ఘర్షణ. గురజాల డీఎస్పీ శ్రీహరిని కలిసిన జనసేన నేతలు. గొడవతో సంబంధం లేని వారిని కేసుల నుంచి తొలగించాలని విజ్ఞప్తి. గురజాల సబ్‌జైలులో ఉన్న ధర్మవరం జనసైనికులకు పరామర్శ.
  • తూ.గో: రాజమండ్రి దగ్గర పురాతన హెవలాక్‌ బ్రిడ్జిని పరిశీలించిన ఎంపీ మార్గాని భరత్‌, టూరిజం ఎండీ ప్రవీణ్‌కుమార్‌. హెవలాక్‌ బ్రిడ్జిని పర్యాటక కేంద్రంగా తీర్చుదిద్దనున్న ప్రభుత్వం. వాకింగ్‌, సైక్లింగ్‌ ట్రాక్‌, ఫుడ్‌బజార్‌, ఫ్యాషన్‌ బజార్లకు ఏర్పాటు. 40 అడుగుల మేర ట్రాక్‌ ఏర్పాటు చేయాలని కోరిన ఎంపీ. త్వరలో పనులు ప్రారంభిస్తామన్న ఎండీ ప్రవీణ్‌కుమార్‌.

లవర్స్ ఇంటర్వ్యూ.. మధ్యలో యువరాజ్ ఏమడిగాడబ్బా.?

Yuvraj Singh crashes Ben Cutting interview with fiancee Erin Holland at Global T20 Canada, లవర్స్ ఇంటర్వ్యూ.. మధ్యలో యువరాజ్ ఏమడిగాడబ్బా.?

సిక్సర్ల వీరుడు యువరాజ్ సింగ్.. ఇటీవల అంతర్జాతీయ క్రికెట్‌కు వీడ్కోలు పలికిన సంగతి తెలిసిందే. ఆన్- ఫీల్డ్‌లో బౌలర్లకు చుక్కలు చూపించే యువరాజ్.. ఆఫ్ ది ఫీల్డ్‌లో ఆటగాళ్లతో నవ్వుతూ ఆటపట్టిస్తుంటాడు. అప్పుడప్పుడూ ఆటగాళ్లతో ప్రాంక్స్ కూడా చేస్తూ ప్రేక్షకులను ఎంటర్టైన్ చేస్తాడు. సరిగ్గా అలాంటి సంఘటన తాజాగా జరుగుతున్న గ్లోబల్ టీ20లో చోటు చేసుకుంది.

టొరంటో నేషనల్స్‌కు కెప్టెన్‌గా వ్యవహరిస్తున్న యువరాజ్.. ఆ జట్టు ఆటగాడు బెన్ కటింగ్‌ను యాంకర్ ఎరిన్ హాలండ్ ఇంటర్వ్యూ చేస్తున్నప్పుడు పానకంలో పుడకలా మధ్యలో వచ్చి జోకులతో నవ్వులు తెప్పించాడు. దీనిలో ఏముందని అనుకోవద్దు.. ఆ ఇంటర్వ్యూ చేస్తున్న యాంకర్.. స్వయంగా బెన్ కట్టింగ్ లవర్ కావడం విశేషం. అందుకే యువరాజ్ వచ్చి ‘మీ పెళ్ళెప్పుడు చెప్పండి’ అంటూ అడిగి క్షణాల్లోనే మాయమయ్యాడు. లవర్స్ మొదట ఖంగుతిన్నా.. ఆ తర్వాత వాళ్ళు కూడా ఈ జోక్ ఆస్వాదించారు. ఇకపోతే ఈ వీడియో సోషల్ మీడియాలో వైరల్ అవుతుండగా.. యాంకర్ ఎరిన్ హాలండ్ దానిని రీ-ట్వీట్ చేస్తూ.. ‘యువరాజ్.. మా పెళ్ళికి నిన్ను తప్పకుండా పిలుస్తాం’ అని పేర్కొంది.