Breaking News
  • హైదరాబాద్‌: బేగంపేటలో గుర్తుతెలియని వ్యక్తి అనుమానాస్పద మృతి. ఓ అపార్ట్‌మెంట్‌ సమీపంలో రక్తపు మడుగులో ఉన్న మృతదేహం. పోలీసులకు సమాచారం ఇచ్చిన స్థానికులు.
  • నిర్మల్‌: బైంసాలో కంది రైతుల అరిగోస. ఎలాంటి సమాచారం లేకుండా కొనుగోళ్లను నిలిపివేసిన అధికారులు. ఈరోజు తేదీతో టోకెన్‌ ఇచ్చిన అధికారులు. కొనుగోలు కేంద్రానికి కందులు తీసుకొచ్చిన రైతులు. కొనుగోళ్లు లేకపోవడంతో కందులను తిరిగి తీసుకెళ్తున్న రైతులు.
  • హైదరాబాద్‌: నేరెడ్‌మెట్‌లో దారుణం. మైనర్‌ బాలికపై ఫోటోగ్రాఫర్‌ అఘాయిత్యం ఫోటోకోసం వెళ్లిన మైనర్‌ బాలికపై సలీం అత్యాచారం. అరుచుకుంటూ స్టూడియో బయటికి పరుగులు తీసిన బాలిక. పోలీసులకు ఫిర్యాదు చేసిన బాలిక.
  • నెల్లూరు మున్సిపల్‌ కార్యాలయంలో ఏసీబీ సోదాలు. పలు శాఖలకు సంబంధించిన ఫైళ్లను తనిఖీ చేస్తున్న అధికారులు.
  • భద్రాచలం సబ్‌జైలులో రిమాండ్‌ ఖైదీ ఆత్మహత్యాయత్నం. బాత్‌రూమ్‌ రేకుతో చేయి కోసుకున్న ప్రవీణ్‌కుమార్‌. ఆస్పత్రికి తరలించిన జైలు అధికారులు.
  • డబుల్‌ బెడ్‌రూం ఇళ్ల పేరుతో మోసం చేస్తున్న ముఠా అరెస్ట్‌. యాదాద్రి భువనగిరిజిల్లాః భువనగిరిలో ప్రేమ జంట ఆత్మహత్యాయత్నం. ప్రియుడి మృతి, ప్రియురాలి పరిస్థితి విషమం, ఆస్పత్రికి తరలింపు. ఈ నెల 16న ప్రేమ వివాహం చేసుకున్న స్వామి, ఉమారాణి. వలిగొండ మండలం జంగారెడ్డిపల్లికి చెందినవారిగా గుర్తింపు.

రోజాకు మరో కీలక పదవి?

, రోజాకు మరో కీలక పదవి?

వైసీపీ ప్రతిపక్షంలో ఉన్నప్పుడు పార్టీ వాయిస్‌ను ఎమ్మెల్యే రోజా ఎంతలా వినిపించిందో మనందరికీ తెలిసిందే. అయితే వివిధ సమీకరణాల వల్ల ఆమెకు సీఎం జగన్ కేబినెట్‌లో చోటు దక్కలేదు. పార్టీకి ఆమె అందించిన సేవలు గుర్తుంచుకున్న జగన్..  రోజాకు కీలకమైన ఏపీఐఐసీ చైర్మన్ బాధ్యతలు అప్పగించారు.  ఇదిలా ఉంటే తాజాగా ఆమెకు మరో కీలకమైన పదవీ బాధ్యతలు అప్పగించాలనే భావనలో సీఎం ఉన్నట్టు సమాచారం.

వైసీపీ అధికారంలోకి రావడంలో కీలక భూమిక పోషించిన ఆ పార్టీ నవరత్నాల హామీలను నెరవేర్చేందుకు జగన్ పక్కా ప్రణాళికతో ముందుకు సాగుతున్నారు. ప్రమాణ స్వీకార సభలో కూడా మేనిఫెస్టోను దైవంలా భావిస్తానని..అదే తనకు బైబిల్, ఖురాన్, భగవద్గీత అని చెప్పారు. ఈ క్రమంలోనే రోజాకు నవరత్నాల అమలుకు సంబంధించి కీలక బాధ్యతలు కట్టబెడతారని టాక్ వినిపిస్తోంది. ప్రభుత్వానికి అత్యంత కీలకమైన నవరత్నాల అమలుకు మంత్రి వర్గంలో అవకాశం దక్కని నేతలకు ఆ ఛాన్స్ అభించేలా చూస్తానని జగన్‌ చెప్పినట్టు సమాచారం. ఇందుకోసం ప్రత్యేక కమిషన్ వేసి దానికి చైర్ పర్సన్ రోజాను నియమిస్తారని… ఇందులోనే సీనియర్ ఐఏఎస్ అధికారి శ్రీలక్ష్మికి కూడా స్థానం ఉంటుందనే ఊహాగానాలు బలంగా వినిపిస్తున్నాయి.

Related Tags