Breaking News
  • గుంటూరు: చిలకలూరిపేటలో జేఏసీ నిరసన దీక్ష. దీక్షను ప్రారంభించిన మాజీ మంత్రి ప్రత్తిపాటి పుల్లారావు. రాష్ట్ర ప్రభుత్వం దుర్మార్గంగా వ్యవహరిస్తోంది-ప్రత్తిపాటి. నాపై, నారాయణపై ఎస్సీ,ఎస్టీ కేసులు పెట్టారు. కోర్టులో ఈ ప్రభుత్వానికి పరాభవం తప్పదు-ప్రత్తిపాటి.
  • అమరావతి: ఏపీలో నిరంకుశ పాలన నడుస్తోంది-కొల్లు రవీంద్ర. మండలి చైర్మన్‌ షరీఫ్‌పై మంత్రుల వ్యాఖ్యలు సరికాదు. సీఎం జగన్‌కు ప్రజలే బుద్ధి చెబుతారు-మాజీ మంత్రి కొల్లు రవీంద్ర.
  • విశాఖ: తహశీల్దార్‌ కార్యాలయాల్లో ఏసీబీ తనిఖీలు. సబ్బవరం, భీమిలి తహశీల్దార్‌ కార్యాలయాల్లో సోదాలు.
  • ప.గో: 13 జిల్లాలు అభివృద్ధే సీఎం జగన్‌ ఆశయం-సామినేని ఉదయభాను. అధికార వికేంద్రీకరణ, అభివృద్ధి వికేంద్రీకరణ రెండూ జరగాలి. మండలి చైర్మన్‌ బిల్లులను సలెక్టు కమిటీ పంపడం సరికాదు. దీనివల్ల రాష్ట్ర అభివృద్ధి ఆలస్యం అవుతుంది-సామినేని ఉదయభాను.
  • అమరావతి: సా.4 గంటలకు గవర్నర్‌తో భేటీకానున్న చంద్రబాబు. మండలిలో జరిగిన పరిణామాలపై గవర్నర్‌కు ఫిర్యాదు చేయనున్న బాబు. అమరావతిని రాజధానిగా కొనసాగించాలని విజ్ఞప్తి. మండలి చైర్మన్‌పై మంత్రులు, వైసీపీ సభ్యుల తీరుపై ఫిర్యాదు. మండలి రద్దు, రాజధాని అంశం, మీడియాపై కేసులను.. గవర్నర్‌ దృష్టికి తీసుకెళ్లనున్న చంద్రబాబు.

వైసీపీలోకి రావాలనుకునే వారికి జగన్ డెడ్‌లైన్

, వైసీపీలోకి రావాలనుకునే వారికి జగన్ డెడ్‌లైన్

అమరావతి: ఎన్నికలు దగ్గరపడుతున్న వేళ ఏపీ ప్రతిపక్షనేత వైఎస్ జగన్ పక్కా ప్రణాళికను వేసుకున్నారు. ఇటు తన పార్టీలో ఉండే వారిని నొప్పించకుండా.. అటు తమ పార్టీలోకి వచ్చే వారిని నిరూత్సాహపరచకుండా ఉండేందుకు ఆయన చాలా జాగ్రత్తలు తీసుకుంటున్నారు. ఈ నేపథ్యంలో వచ్చే ఎన్నికల్లో సీటు కావాలనుకొని తన పార్టీలోకి రావాలనుకుంటున్న ఫిరాయింపుదారులకు జగన్ డెడ్‌లైన్ పెట్టినట్లు తెలుస్తోంది. ఫిబ్రవరి 20 తరువాత తన పార్టీలో చేరబోయే వారికి రానున్న ఎన్నికల్లో టికెట్ ఇవ్వబోనని జగన్ స్పష్టం చేశారట. దీంతో ఆ లోపే వైసీపీలో చేరాలని కొందరు ఆశావాహులు ప్రయత్నిస్తున్నట్లు సమాచారం.

కాగా ఈ నెల 20 తరువాత జగన్ లండన్‌కు వెళ్లనున్నారు. అక్కడ తన పెద్ద కుమార్తె వర్షా రెడ్డితో గడపనున్న జగన్.. ఐదారు రోజుల తరువాత రాష్ట్రానికి తిరిగి రానున్నారు. ఆ తరువాత ఎన్నికల పనుల్లో పూర్తిగా మునిగిపోనున్న జగన్.. ముందుగా అభ్యర్థులను ఖరారు చేయాలని భావిస్తున్నారట. ఈ నేపథ్యంలో ఈ నెల 20తరువాత వచ్చే ఫిరాయింపుదారులకు సీటు ఇవ్వకూడదని జగన్ నిర్ణయం తీసుకున్నారట. ఇదిలా ఉంటే టీడీపీ నుంచి దాదాపు 20మంది వైసీపీలోకి వచ్చేందుకు సిద్ధంగా ఉన్నట్లు సమాచారం.