Breaking News
  • విశాఖలో లైట్‌మెట్రోకు డీపీఆర్‌లు రూపొందించాలని ఆదేశాలు. ఏఎంఆర్సీని ఆదేశిస్తూ ఉత్తర్వులు జారీ. 79.91 కిలోమీటర్ల మేర లైట్‌మెట్రోకు ప్రతిపాదనలు. డీఎంఆర్సీ, రైట్స్, యూఎంటీసీ నుంచి సలహాలు తీసుకోవాలని ఆదేశం. 60.2 కి.మీ. మోడ్రన్‌ ట్రామ్‌ కారిడార్స్ ఏర్పాటుకు డీపీఆర్‌లు. డీఎంఆర్సీ, రైట్స్, యూఎంటీసీల నుంచి డీపీఆర్‌లు ఆహ్వానించాలని ఆదేశం.
  • నిర్భయ దోషులను విడివిడిగా ఉరితీయాలంటూ.. సుప్రీంకోర్టులో పిటిషన్‌ దాఖలు చేసిన కేంద్ర హోంశాఖ. ఇప్పటికే తీర్పును రిజర్వ్‌ చేసిన సుప్రీంకోర్టు ధర్మాసనం. రేపు తీర్పు ఇవ్వనున్న జస్టిస్‌ భానుమతి నేతృత్వంలోని.. ముగ్గురు న్యాయమూర్తుల ధర్మాసనం.
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 5 గంటల సమయం. ఈరోజు శ్రీవారి హుండీ ఆదాయం రూ.2.67 కోట్లు. సాయంత్రం వరకు శ్రీవారిని దర్శించుకున్న 46,448 మంది భక్తులు.
  • విశాఖ: పాయకరావుపేటలో హెటిరో ఉద్యోగి ఒంటెద్దు రాజు ఉరి వేసుకుని ఆత్మహత్య, మృతుడు తూ.గో.జిల్లా పెదపట్నం లంక వాసి.
  • ఢిల్లీ చేరుకున్న ట్రంప్‌ దంపతులు. ఎయిర్‌పోర్ట్‌లో ట్రంప్‌ దంపతులకు ఘనస్వాగతం. ఐటీసీ మౌర్య హోటల్‌లో ట్రంప్‌ దంపతుల బస. ఢిల్లీలో భారీగా భద్రతా ఏర్పాట్లు. ట్రంప్‌ బస చేసిన హోటల్‌ దగ్గర పటిష్ట భద్రత.

బాబుకు థ్యాంక్స్ చెప్పిన జగన్

YS Jagan speech in Assembly, బాబుకు థ్యాంక్స్ చెప్పిన జగన్

నాలుగోరోజు ఏపీ అసెంబ్లీ సమావేశాలు వాడీవేడీగా జరిగాయి. ఇవాళ్టి చర్చల్లో భాగంగా ఏపీ ప్రభుత్వం ప్రవేశపెట్టబోతోన్న ఇంగ్లీష్ మీడియం బోధనపై అధికార, విపక్షాల ఎమ్మెల్యేల మధ్య మాటల యుద్ధం జరిగింది. ముఖ్యంగా సీఎం జగన్, ప్రతిపక్షనేత చంద్రబాబు నాయుడు ఒకరిపై మరొకరు విమర్శలు కురిపించుకున్నారు. ఇక చివరకు ఇంగ్లీష్ మీడియం బోధనకు ప్రతిపక్ష నేత చంద్రబాబు మద్ధతు తెలపడంతో.. దానిపై స్పందించిన సీఎం జగన్ ఆయనకు థ్యాంక్స్ చెప్పారు.

ఈ సందర్భంగా జగన్ మాట్లాడుతూ.. ఇంగ్లీష్ మీడియంపై సామాజిక వర్గ దాడి చేశారని, పేదవాడికి ఇంగ్లీష్ చదువు అందకూడదని యుద్ధం చేశారని ఆరోపించారు. తాము ఇంగ్లీష్ మీడియం పెట్టాలని నిర్ణయం తీసుకున్నప్పుడు చంద్రబాబు తుగ్లక్ చర్యలతో పోల్చలేదా..? అంటూ ప్రశ్నించిన జగన్.. తెలుగులో చదివితే ఉద్యోగాలు రావా అంటూ బాబు అన్నారని గుర్తుచేశారు. ఆ తరువాత ప్రజల్లో స్పందన చూసి వారు యూటర్న్ తీసుకున్నారని దుయ్యారబట్టారు. పేదవారికి ఇంగ్లీష్ మీడియం అందించాలన్నదే ప్రభుత్వ తాపత్రయమని.. రైటు టు ఇంగ్లీష్ ఎడ్యుకేషన్ అని గర్వంగా చెబుతున్నామని ఈ సందర్భంగా జగన్ చెప్పుకొచ్చారు. ఏదేమైనా మొత్తానికి ఇంగ్లీష్ మీడియం బోధనకు చంద్రబాబు మద్ధతిచ్చినందుకు థ్యాంక్స్ అంటూ జగన్ తెలిపారు. కాగా అధికార, విపక్ష పార్టీ నేతల మాటల యుద్ధం నేపథ్యంలో ఏపీ అసెంబ్లీ శుక్రవారానికి వాయిదా పడింది.

Related Tags