‘బిగ్బాస్ 4’ ఎంట్రీపై నటి క్లారిటీ
బుల్లితెరపై బిగ్బాస్ 4 హంగామా ప్రారంభం కానుంది. సెప్టెంబర్ 6న బిగ్బాస్ 4వ సీజన్ ప్రారంభం కాబోతున్నట్లు ఇప్పటికే అధికారిక ప్రకటన వచ్చేసింది.
Bigg Boss 4 Telugu: బుల్లితెరపై బిగ్బాస్ 4 హంగామా ప్రారంభం కానుంది. సెప్టెంబర్ 6న బిగ్బాస్ 4వ సీజన్ ప్రారంభం కాబోతున్నట్లు ఇప్పటికే అధికారిక ప్రకటన వచ్చేసింది. ఈ క్రమంలో ఇప్పటికే కంటెస్టెంట్లను ఫైనల్ చేసుకున్న నిర్వాహకులు, కరోనా నేపథ్యంలో వారిని క్వారంటైన్లో ఉంచారు. కాగా ఈ సీజన్లో పాల్గొనబోయే వారి పేర్లలో నటి కల్పిక గణేష్ పేరు వినిపించింది. ఈ సీజన్లో ఆమె హౌజ్లో సందడి చేయబోతున్నట్లు వార్తలు వచ్చాయి. తాజాగా వాటిపై ఆమె స్పందించారు. ఈ రియాలిటీ షోలో ఎప్పటికీ నన్ను చూడబోరు అంటూ కల్పిక తెలిపారు. దీంతో భవిష్యత్లో కూడా తాను ఈ షోలో పాల్గొనబోనని కల్పికా క్లారిటీ ఇచ్చేశారు.
ఇదిలా ఉంటే ఈ సీజన్లో మొత్తం 15 మంది కంటెస్టెంట్లు పాల్గొనబోతున్నట్లు తెలుస్తుండగా.. అందులో పలువురి పేర్లు ప్రముఖంగా వినిపిస్తున్నాయి. ఆ లిస్ట్లో లాస్య మంజునాథ్, జబర్దస్త్ అవినాష్, గంగవ్వ, అమ్మా రాజశేఖర్, సింగర్ నోయల్, నటి మోనాల్ గుజ్జార్, యూట్యూబర్లు దేత్తడి హారిక, మెహబూబా దిల్ సే, యాంకర్ అరియానా గ్లోరీ, బుల్లితెర నటి తనూజా పుట్టస్వామి, టీవీ నటుడు సయ్యద్ సోహైల్, కరాటే కళ్యాణి, సూర్య కిరణ్, రఘు మాస్టర్ పలువురి పేర్లు వినిపిస్తున్నాయి. మరి ఇందులో ఎవరెవరు పాల్గొనబోతున్నారు..? బిగ్బాస్ ఎంటర్టైన్మెంట్ ఎలా ఉండబోతుంది..? తెలియాలంటే మరో ఆరు రోజులు ఆగాల్సిందే. కాగా ఈ సీజన్కి కూడా అక్కినేని నాగార్జున వ్యాఖ్యతగా వ్యవహరించబోతున్న విషయం తెలిసిందే.
Read More: