జగన్ అన్న సీఎం అయితే మేమంతా సీఎంలమే..
వైఎస్ జగన్ ముఖ్యమంత్రి అయితే తామంతా ముఖ్యమంత్రులం అయినట్టే అని వ్యాఖ్యానించారు వైసీపీ ఎమ్మెల్యే రోజా. అమరావతిలో సీఎం జగన్ను కలిసిన అనంతరం మీడియాతో మాట్లాడిన రోజా… జగన్ను సీఎం చేయడానికే తాము ఇంతకాలంగా పని చేశామని అన్నారు. తాను అలక వహించినట్టు మీడియాలో వస్తున్న వార్తల్లో ఎలాంటి నిజం లేదని రోజా స్పష్టం చేశారు. రాజన్న రాజ్యం తీసుకురావడానికి తామంతా కలిసి కష్టపడ్డామని అన్నారు. మీడియాలో పలు వార్తలు రావడం వల్ల తన అభిమానులు బాధపడ్డారని […]
వైఎస్ జగన్ ముఖ్యమంత్రి అయితే తామంతా ముఖ్యమంత్రులం అయినట్టే అని వ్యాఖ్యానించారు వైసీపీ ఎమ్మెల్యే రోజా. అమరావతిలో సీఎం జగన్ను కలిసిన అనంతరం మీడియాతో మాట్లాడిన రోజా… జగన్ను సీఎం చేయడానికే తాము ఇంతకాలంగా పని చేశామని అన్నారు. తాను అలక వహించినట్టు మీడియాలో వస్తున్న వార్తల్లో ఎలాంటి నిజం లేదని రోజా స్పష్టం చేశారు. రాజన్న రాజ్యం తీసుకురావడానికి తామంతా కలిసి కష్టపడ్డామని అన్నారు. మీడియాలో పలు వార్తలు రావడం వల్ల తన అభిమానులు బాధపడ్డారని ఆమె అన్నారు. ఎమ్మెల్యేగా తమకు తమ నియోజకవర్గం అభివృద్ధే ముఖ్యమన్న రోజా… వైసీపీ ప్రభుత్వం అమలు చేయబోయే నవరత్నాలను సమర్థవంతంగా ప్రజల్లోకి తీసుకెళతామని వ్యాఖ్యానించారు.
అంతకుముందు మంత్రి పదవి రాకపోవడంతో అసంతృప్తితో ఉన్నారని ప్రచారంలో ఉన్న రోజా… అమరావతి వచ్చి సీఎం జగన్తో ప్రత్యేకంగా సమావేశమయ్యారు. కేబినెట్లో కుల సమీకరణాల వల్లే తనకు మంత్రి పదవి రాలేదని ఈ సమావేశానికి ముందు అభిప్రాయపడ్డారు. తనకు నామినేట్ పోస్టు ఇస్తారన్న వార్తల్లో వాస్తవం లేదని అన్నారు. తనను అమరావతి రావాలని ఎవరూ పిలవలేదని… తాను సీఎం జగన్ను కలుసుకునేందుకు వచ్చారని అన్నారు.