Breaking News
  • తూ.గో: పెద్దాపురంలో దారుణం. యర్రా శివశంకర్‌ అనే వ్యక్తిపై నగేష్‌ కత్తితో దాడి. పరిస్థితి విషమం, కాకినాడ ప్రభుత్వాస్పత్రికి తరలింపు.
  • అమరావతి: ఈ రోజు ప్రజాస్వామ్యాన్ని ఖూనీచేశారు. ప్రలోభాలకు లొంగలేదనే మండలి రద్దు తీర్మానం చేశారు. సెలెక్ట్‌ కమిటీ అంటే జగన్‌కు ఎందుకంత భయం. ఇన్‌సైడర్‌ ట్రేడింగ్‌పై ఎందుకు విచారణ జరపలేదు -ఎమ్మెల్సీ బచ్చుల అర్జునుడు.
  • మద్దాల గిరిని ఆర్థికంగా బెదిరించి పార్టీలోకి లాక్కున్నారు.
  • 11 మంది భారతీయ మత్స్యకారులను బంధించిన శ్రీలంక. ఒక పడవను స్వాధీనం చేసుకున్న శ్రీలంక నేవీ సిబ్బంది.
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 8 గంటల సమయం. 16 కంపార్ట్‌మెంట్లలో వేచివున్న భక్తులు. ఈ రోజు శ్రీవారి హుండీ ఆదాయం రూ.3.02 కోట్లు. ఈ రోజు శ్రీవారిని దర్శించుకున్న 44,366 మంది భక్తులు.
  • సూర్యాపేట జిల్లా కలెక్టర్‌ అమోయ్‌ కుమార్‌ బదిలీ. అమోయ్‌ కుమార్‌ను రంగారెడ్డి జిల్లాకు బదిలీ చేస్తూ ఉత్తర్వులు. నేరేడుచర్ల ఇంచార్జి కమిషనర్‌ మహేందర్‌రెడ్డి సస్పెన్షన్‌. తహశీల్దార్‌ రాంరెడ్డికి ఇంచార్జి బాధ్యతలు. కేవీపీ ఓటు విషయంలో అధికారుల తీరుపై ప్రభుత్వం చర్యలు.

నాపై ఎలాంటి కుట్రలు జరగడం లేదు

, నాపై ఎలాంటి కుట్రలు జరగడం లేదు

‘కేజీఎఫ్‌’తో దేశవ్యాప్తంగా మంచి క్రేజ్‌ను సంపాదించుకున్న కన్నడ నటుడు యశ్‌కు ప్రాణహాని ఉందని, ఆయనను ఎవరో చంపేందుకు కుట్రలు పన్నుతున్నారని ఇటీవల పలు కన్నడ మీడియాల్లో వార్తలు హల్‌చల్ చేశాయి. దాంతో ఆయన అభిమానులు, కుటుంబీకులు ఆందోళన చెందుతున్నారు. ఈ నేపథ్యంలో ఆ వార్తలపై యశ్ క్లారిటీ ఇచ్చారు.

నన్నెవరూ చంపాలనుకోవడం లేదు. నేను బెంగళూరు ఏసీపీతో కూడా మాట్లాడను. నాపై ఎలాంటి కుట్ర జరగడం లేదు. ఇలాంటి వదంతుల వల్ల ముందు ముందు ఎలాంటి సంఘటనలు జరుగుతాయోనని భయంగా ఉంది. ఎవరైనా ఓ గ్యాంగ్‌స్టర్ అరెస్ట్ అయ్యాడంటే నా లైఫ్‌కు రిస్క్ ఉందని అనేస్తున్నారు. నేనేం గొర్రెను కాదు. ఎవడుపడితే వాడు వచ్చి నరికేయడానికి. నా సామర్థ్యం ఏంటో నాకు తెలుసు. అసలు ఈ విషయాలన్నీ మీడియాకు ఎవరు చేరవేస్తున్నారో నాకు తెలీడం లేదు. మున్ముందు ఇలాంటి సంఘటలు జరిగితే మన కన్నడ పరిశ్రమపై చెడు ప్రభావం పడుతుంది అంటూ యశ్ పేర్కొన్నారు.