Big Jake: గిన్నిస్ రికార్డుల్లోకి ఎక్కిన గుర్రం ఇకలేదు.. ఇంతకీ దాని ప్రత్యకత ఏంటో తెలుసా..?
ప్రపంచంలోనే అత్యంత ఎత్తయిన గుర్రంగా ‘గిన్నిస్’ రికార్డ్స్కెక్కిన బెల్జియన్ జాతి గుర్రం బిగ్ జాక్ తుదిశ్వాస విడిచింది . అమెరికాలోని విస్కాన్సిన్ రాష్ట్రం కొలంబియా కౌంటీలోని...
ప్రపంచంలోనే అత్యంత ఎత్తయిన గుర్రంగా ‘గిన్నిస్’ రికార్డ్స్కెక్కిన బెల్జియన్ జాతి గుర్రం బిగ్ జాక్ తుదిశ్వాస విడిచింది . అమెరికాలోని విస్కాన్సిన్ రాష్ట్రం కొలంబియా కౌంటీలోని పోయ్నెట్టి గ్రామంలో ఓ గుర్రపు శాలలో మృతి చెందింది. ప్రస్తుతం బిగ్ జాక్ వయసు 20 ఏళ్లు. కాగా, రెండు వారాల క్రితం ఆ గుర్రం అనారోగ్యం కారణంగా మరణించిందని దాని యజమాని జెర్రీ గిల్బర్ట్ భార్య వలీషియా గిల్బర్ట్ తెలిపారు. ఇక బిగ్ జాక్ 6.10 అడుగులు ఎత్తు, 2.1 మీటర్లు పొడవు ఉండేది. దాని బరువు 1,136 కిలోలు అంటే 2,500 పౌండ్లు అన్నమాట. దీంతో బతికున్న వాటిలో ప్రపంచంలోనే అత్యంత ఎత్తైయిన గుర్రంగా బిగ్ జాక్ గతంలో గిన్నిస్ బుక్ ఆఫ్ రికార్డ్స్ల్లోకి చోటు దక్కించుకుంది. నబ్రాస్కాలో పుట్టిన బిగ్ జాక్ పుట్టినప్పుడు దాని బరువు 109 కిలోలు అంటే 240 పౌండ్లు. సాధారణంగా బెల్జియన్ జాతి గుర్రాలు 100 నుంచి 140 పౌండ్ల బరువుతో పుడుతాయట. కానీ తన గుర్రం అసాధారణంగా 100 పౌండ్ల అధిక బరువుతో పుట్టిందని జెర్రీ గిల్బర్ట్ వెల్లడించారు. అంతేకాకుండా బిగ్ జాక్ జ్ఞాపకంగా ఇంతకాలం అది నివసించిన స్టాల్ను ఖాళీగా ఉంచుతామని జెర్రీ గిల్బర్ట్ పేర్కొన్నారు. స్టాల్ బయట ఒక ఫలకం ఏర్పాటు చేసి దానిపై బిగ్ జాక్ పేరుతోపాటు బొమ్మ వేయిస్తామని తెలిపారు. ఈ ప్రత్యేకతల కారణంగా బిగ్ జాక్ చనిపోయిందన్న వార్త ఇప్పుడు ప్రపంచాన్ని చుట్టేస్తోంది.
Also Read: తగ్గేదేలే.. ఫిట్నెస్ విషయంలో దుమ్ములేపుతున్న విరాట్