World Facts: ఆ దేశంలో లావుగా ఉండటం చట్ట విరుద్ధం.. శిక్షలు కూడా వేస్తారట.. అదెక్కడో తెలుసా?

ప్రపంచంలోని ఆయా దేశాలలో కొన్ని వింతైన, విచిత్రమైన చట్టాలు ఉన్నాయి. ఆ చట్టాలు తెలిస్తే.. ఇది నిజంగానే అలా ఉందా అనే సందేహం రాకుండా మానదు.

World Facts: ఆ దేశంలో లావుగా ఉండటం చట్ట విరుద్ధం.. శిక్షలు కూడా వేస్తారట.. అదెక్కడో తెలుసా?
Faty
Shiva Prajapati

|

Nov 23, 2022 | 7:00 AM

ప్రపంచంలోని ఆయా దేశాలలో కొన్ని వింతైన, విచిత్రమైన చట్టాలు ఉన్నాయి. ఆ చట్టాలు తెలిస్తే.. ఇది నిజంగానే అలా ఉందా అనే సందేహం రాకుండా మానదు. అలాంటి ఒక విచిత్రమైన చట్టం జపాన్‌లో ఉంది. ఇది చాలా విచిత్రమైనది. జపాన్ ప్రజలు ఎందుకు లావుగా కనిపించడం లేదని మీరు ఎప్పుడైనా ఆలోచించారా ? అంతెందుకు, అందరూ సన్నగానే ఎందుకు ఉంటారు? దీని వెనుక కారణం ఏంటి? అని ఎప్పుడైనా ఆలోచించారా? దీనికి కారణం జపాన్ చట్టం. ఈ చట్టం ఆ దేశ ప్రజలు లావుగా ఉండేందుకు అంగీకరించదు. జపాన్‌లో, అధిక శరీర బరువు కలిగి ఉండటం అంటే లావుగా ఉండటం చట్టవిరుద్ధం.

జపాన్ దేశంలోని ఈ వింత చట్టం కారణంగా.. ప్రపంచంలోనే అతి తక్కువ ఊబకాయం రేటు ఇక్కడ మాత్రమే కనిపిస్తుంది. చట్టంతో పాటు జపాన్ ప్రజల ఆహారం, అక్కడి రవాణా వ్యవస్థ కూడా ప్రజలు సన్నబడడంలో కొంతమేర పాత్ర పోషిస్తున్నాయి. ఇక్కడి ప్రజల ఆహారంలో చేపలు, కూరగాయలు, బియ్యం ఉన్నాయి. అంతే కాకుండా ప్రజా రవాణా కోసం ఎక్కువ దూరం నడవడం, నడక సంస్కృతి వల్ల ప్రజలు ఊబకాయం బారిన పడరు. జపాన్‌లో అమల్లో ఉన్న ఈ వింత చట్టం గురించి ఇప్పుడు మనం తెలుసుకుందాం.

ఊబకాయం గురించి తీసుకొచ్చిన చట్టాన్ని ఏమంటారు?

జపాన్‌లో ఊబకాయం గురించి తీసుకొచ్చిన చట్టాన్ని ‘మెటాబో లా’ అంటారు. దీనిని జపాన్ ఆరోగ్య, కార్మిక మరియు సంక్షేమ మంత్రిత్వ శాఖ 2008లో ప్రవేశపెట్టింది. ఈ చట్టం ద్వారా, 40 నుంచి 74 సంవత్సరాల మధ్య వయస్సు గల పురుషులు, మహిళల నడుము వార్షిక కొలత తీసుకుంటారు. స్త్రీల నడుము పరిమాణం 33.5 అంగుళాలు పురుషులకు ఇది 35.4 అంగుళాలు ఉండాలి.

జపాన్‌లో ఈ చట్టాన్ని ఎందుకు తీసుకొచ్చారు?

జపాన్‌లో వృద్ధుల జనాభా ఎక్కువగా ఉన్నందున మెటాబో చట్టం తీసుకొచ్చారు. వీటన్నింటిని చూసుకోవాల్సిన బాధ్యత ప్రభుత్వంపై ఉంది. ఇలాంటి పరిస్థితుల్లో ఊబకాయం వల్ల ఎవరైనా మధుమేహం వంటి వ్యాధుల బారిన పడకూడదని ప్రభుత్వం భావిస్తోంది. ఇది జరిగితే, చికిత్సకు చాలా ఖర్చు అవుతుంది. అందుకే ఈ చట్టం తీసుకొచ్చారు.

లావుగా ఉన్నందుకు శిక్ష ఏంటి?

అయితే, జపాన్‌లో ఊబకాయానికి అధికారిక శిక్ష లేదు. దానికి బదిలు వేరే పనిష్మెంట్లు ఉన్నాయి. ఇవి ప్రజలను సన్నగా చేస్తాయి. ఎవరైనా లావుగా ఉంటే సన్నబడటానికి వెంటనే క్లాస్ తీసుకుంటారు. లావుగా ఉన్న వ్యక్తి పని చేసే సంస్థతో అతన్ని ఒంటరిగా వదిలేయండి, కొన్ని సామాజిక ఆంక్షలు ఉంటాయి. అది వారిని మానసికంగా ఒత్తిడిని పెంచుతాయి. ఫలితంగా.. వారు లావు కాకుండా సన్నగా ఉండేందుకు దోహదపడుతుంది.

ఇవి కూడా చదవండి

మరిన్ని అంతర్జాతీయ వార్తల కోసం ఈ లింక్ క్లిక్ చేయండి..

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu