US President Joe Biden: ‘BA5 వేరియంట్’ బారిన పడిన ప్రెసిడెంట్ జో బిడెన్.. సెల్ఫ్ క్వారంటైన్ లో చికిత్స
'జో' ఓమిక్రాన్ కు చెందిన BA5 వేరియంట్ బారిన పడిన లక్షణాలు కన్పిస్తున్నాయని పేర్కొన్నారు. SARS-CoV-2 వేరియంట్ అని.. వేగంగా ఈ వేరియంట్ వ్యాపించే అంటువ్యాధి అని చెప్పారు.
US President Joe Biden: అమెరికా ప్రెసిడెంట్ జో బిడెన్ రెండురోజుల క్రితం కరోనా వైరస్ (Corona Virus) బారిన పడిన సంగతి తెలిసిందే. అయితే జో కు ఏ వేరియంట్ ( Variant) సోకిందో తెలుసుకోవడం కోసం.. వైరస్ నమూనాను సీక్వెన్సింగ్ కోసం పంపారు. తాజాగా ప్రిలిమినరీ సీక్వెన్సింగ్ ఫలితాలు వచ్చాయని జో బడెన్ వైద్యుడు డాక్టర్ కెవిన్ ఓ’కానర్ చెప్పారు. అంతేకాదు కెవిన్ మాట్లాడుతూ..జో ఓమిక్రాన్ కు చెందిన BA5 వేరియంట్ బారిన పడిన లక్షణాలు కన్పిస్తున్నాయని పేర్కొన్నారు. SARS-CoV-2 వేరియంట్ అని.. వేగంగా ఈ వేరియంట్ వ్యాపించే అంటువ్యాధి అని చెప్పారు. బిడెన్ ముక్కు కారడం, దగ్గు , శరీరం నొప్పులు వంటి సాధారణ లక్షణాలతో బాధపడుతున్నారని.. అస్సలు శ్వాస తీసుకోవడంలో ఇబ్బంది లేదు” అని డాక్టర్ చెప్పారు. ఆయన పల్స్, రక్తపోటు, శ్వాసకోశ రేటు సాధారణ స్థితిలో ఉన్నాయని పేర్కొన్నారు. ప్రస్తుతం జో బిడెన్ వైట్ హౌస్‌లో సెల్ఫ్ క్వారంటైన్ లో ఉంది చికిత్స తీసుకుంటున్నారు. అక్కడ నుంచే పాలన సాగిస్తున్నట్లు తెలుస్తోంది.
ఒమిక్రాన్ కు చెందిన సబ్ వేరియంట్ BA.5 గత సంవత్సరం చివరలో వెలుగులోకి వచ్చింది. ప్రస్తుతం నైటెడ్ స్టేట్స్‌లో 75-80 శాతం కరోనా కేసులు ఈ వైరస్ వే ఉన్నాయి. మరోవైపు మంకీ ఫాక్స్ వైరస్ కేసులు కూడా వెలుగులోకి వస్తూ ఆందోళన కలిగిస్తున్నాయి.
మరిన్ని అంతర్జాతీయ వార్తల కోసం ఇక్కడ క్లిక్ చేయండి..
