Telugu News World Ten people died in a stabbing incident in Canada Telugu news
Canada: కత్తిపోట్లతో వణికిపోయిన కెనడా.. ఇద్దరు ఆగంతకుల దుశ్చర్య.. పది మంది మృతి
కెనడా(Canada) రక్తసిక్తమైంది. విరుచుకుపడుతున్న కత్తిపోట్లతో చిగురుటాకులా వణికిపోయింది. ఈ ఘటనల్లో 10 మంది మృతి చెందారు. మరో 15 మందికి గాయాలయ్యాయి. సస్కాచెవాన్‌ ప్రావిన్సులో ఈ ఘటనలు జరిగినట్లు,,
కెనడా(Canada) రక్తసిక్తమైంది. విరుచుకుపడుతున్న కత్తిపోట్లతో చిగురుటాకులా వణికిపోయింది. ఈ ఘటనల్లో 10 మంది మృతి చెందారు. మరో 15 మందికి గాయాలయ్యాయి. సస్కాచెవాన్‌ ప్రావిన్సులో ఈ ఘటనలు జరిగినట్లు అధికారులు గుర్తించారు. 13 ప్రాంతాల్లో సేమ్ సీన్స్ రిపీట్ అయినట్లు నిర్ధరించారు. ఆ ప్రాంతాల్లో అక్కడకక్కడ పడి ఉన్న మొత్తం 10 మంది మృతదేహాలను గుర్తించామని పోలీసులు వెల్లడించారు. ఊహించని ఘటనలో అధికారులు అప్రమత్తమయ్యారు. ఆ ప్రాంతంలో ఎమర్జెన్సీ విధించారు. ఇద్దరు గుర్తు తెలియని వ్యక్తులు ఈ దారుణానికి పాల్పడుతున్నట్లు పోలీసులు అనుమానిస్తున్నారు. ప్రజలు అప్రమత్తంగా ఉండాలని సూచించారు. అత్యవసరమైతే తప్ప బయటకు రావద్దని, వచ్చినప్పుడు రక్షణ చర్యలు పాటించాలని కోరారు. కొందరిని లక్ష్యంగా చేసుకుని, మరికొందరపై ఆకస్మాత్తుగా దాడి చేసినట్లు భావిస్తున్నారు. గాయపడిన వారిని ఆస్పత్రికి తరలించి చికిత్స అందిస్తున్నారు. వీటిపై స్పందించిన కెనడా ప్రధాని జస్టిస్ ట్రూడో.. ఈ దాడులు భయంకర, హృదయవిదారకమైనవని అన్నారు. స్థానిక అధికారులతో సమీక్ష చేస్తున్నారు. ఎవరూ భయపడవద్దని సూచిస్తున్నారు.
The attacks in Saskatchewan today are horrific and heartbreaking. I’m thinking of those who have lost a loved one and of those who were injured.
ఈ ఘటనకు సంబంధించి మొదటి కాల్ ఉదయం 5.40 గంటలకు వచ్చింది. ఆ తర్వాత వరుసగా పలు చోట్ల నుంచి కత్తిపోటు దాడులు జరిగాయని ఫోన్లు వచ్చాయి. కొంత మంది బాధితుల లక్ష్యంగా ఈ దాడి జరిగి ఉంటుంది. నిందితులు ఇద్దరు అయి ఉంటారని భావిస్తున్నాం. ప్రజలు అప్రమత్తంగా ఉండాలి. అపరిచితులకు దూరంగా ఉండాలి. పరిచయం లేని వారికి లిఫ్ట్ ఇవ్వకూడదు.
