Canada: హిందూ దేవాలయంపై దాడి.. గోడలపై ఖలిస్థానీ నినాదాలు.. సంచలనంగా మారిన ఘటన
కెనడాలోని స్వామినారాయణ మందిరం గోడలపై ఖలిస్థానీ నినాదాలు రాసి ఉండడం కలకలం సృష్టించాయి. బోచసన్వాసి అక్షర్ పురుషోత్తం స్వామినారాయణ దేవాలయం గోడలపై గుర్తు తెలియని దుండగులు మంగళవారం...
కెనడాలోని స్వామినారాయణ మందిరం గోడలపై ఖలిస్థానీ నినాదాలు రాసి ఉండడం కలకలం సృష్టించాయి. బోచసన్వాసి అక్షర్ పురుషోత్తం స్వామినారాయణ దేవాలయం గోడలపై గుర్తు తెలియని దుండగులు మంగళవారం దాడి చేశారు. ఇండియాకు వ్యతిరేకంగా నినాదాలు చేశారు. ఈ ఘటన స్థానికంగా సంచలనం కలిగించింది. దీనిని భారత హై కమిషన్ తీవ్రంగా పరిగణించింది. కెనడా అధికారులతో విచారణ జరిపి, బాధ్యులపై చట్టపరమైన చర్యలు తీసుకోవాలని డిమాండ్ చేసింది. భారతదేశం పట్ల ఉన్న వ్యతిరేక భావనతో స్వామినారాయణ్ మందిరాన్ని అపవిత్రం చేశారని మండిపడింది. దీనిని తీవ్రంగా ఖండిస్తున్నట్లు ఆగ్రహం వ్యక్తం చేసింది. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది. ఆలయ గోడలపై ఖలిస్తానీ నినాదాలు రాసి ఉన్న వీడియోలు ఇంటర్నెట్ లో చక్కర్లు కొడుతున్నాయి. ఇటీవలి కాలంలో హిందూ దేవాలయాలను లక్ష్యంగా చేసుకుని ఇటువంటి సంఘటనలు నిత్యకృత్యమయ్యాయని భారతీయ సంతతికి చెందిన కెనడా పార్లమెంటు సభ్యుడు చంద్ర ఆర్య విమర్శించారు. మందిరాన్ని విధ్వంసం చేయడాన్ని అందరూ ఖండించాలని.. కెనడియన్ హిందూ దేవాలయాలు ఈ తరహా విద్వేషపూరిత చర్యలను ముమ్మరం చేసిందిని ఆరోపించారు.
టొరంటోలోని BAPS స్వామి నారాయణ్ మందిరంలో జరిగిన విధ్వంసక చర్యతో నేను ఆందోళనకు గురయ్యాను. సాంస్కృతిక, విశ్వాసాల సమాజంలో జీవిస్తున్నాం. ఇక్కడ ప్రతి ఒక్కరూ సురక్షితంగా భావిస్తారు. అకారణంగా వారు ఎవరి వల్ల బాధ పడాల్సిన అవసరం రాకూడదు.
– సోనియా సిద్ధూ, బ్రాంప్టన్ సౌత్ ఎంపీ
మరిన్ని అంతర్జాతీయ వార్తల కోసం
