New Zealand MP: ప్రసవ వేదనతో ఆసుపత్రికి సైకిల్ తొక్కుతూ వెళ్లి.. పండంటి పాపకు జన్మనిచ్చిన ఎంపీ.. వైరల్ స్టోరీ
New Zealand MP: పురిటి నొప్పులొస్తున్నా సైకిల్ మీద ఆస్పత్రికి వెళ్లి న్యూజిలాండ్ కు చెందిన ఎంపీ జూలీ అన్నె మళ్ళీ వార్తల్లో నిలిచారు. ఈ విషయాన్నీ జూలీ స్వయంగా తన సోషల్ మీడియా..
New Zealand MP: పురిటి నొప్పులొస్తున్నా సైకిల్ మీద ఆస్పత్రికి వెళ్లి న్యూజిలాండ్ కు చెందిన ఎంపీ జూలీ అన్నె మళ్ళీ వార్తల్లో నిలిచారు. ఈ విషయాన్నీ జూలీ స్వయంగా తన సోషల్ మీడియా ద్వారా పంచుకున్నారు. ఎంపీ జూలీ పురిటి నొప్పులొస్తున్నా బిడ్డ పుట్టడం కోసం సైకిల్పై ఆసుపత్రికి వెళ్లడం నెటిజన్ల దృష్టిని ఆకర్షించింది. ఇప్పుడే కాదు ఈ ఎంపీ జూలీ అన్నే జెంటర్ గతంలో తన మొదటి బిడ్డ, కొడుకు పుట్టిన సమయంలో కూడా ఇలాగే చేశారు
తనకు రెండోసారి బిడ్డపుట్టిన విషయాన్నీ సోషల్ మీడియాలో షేర్ చేస్తూ.. ఆదివారం ఉదయం 3.04 గంటలకు మేము మా కుటుంబం సరికొత్త సభ్యురాలికి స్వాగతం పలికామని చెప్పారు. అంతేకాదు తాను లేబర్ పెయిన్స్ వస్తున్న సమయంలో సైకిల్ తొక్కాలని నిజంగా అనుకోలేదు.. అయితే అలా అనుకోకుండా జరిగిందని చెప్పారు.
తాను హాస్పిటల్కి వెళ్లడానికి తెల్లవారుజామున 2 గంటలకు సైకిల్ మీద బయలు దేరినప్పుడు తనకు అంతగా నొప్పులు రాలేదని.. అయితే కొంత దూరం వెళ్లిన నొప్పుల తీవ్రత పెరిగిందని చెప్పారు. ఆసుపత్రికి వెళ్లిన గంటకే తనకు వైద్యులు డెలివరీ చేశారని చెప్పారు. తనకు పాప పుట్టగానే.. తను సైకిల్ మీద ఆసుపత్రికి వెళ్లిన విషయాన్ని ఫోటోలతో సహా.. జూలీ తన ఫేస్బుక్ ఖాతాలో పోస్ట్ చేశారు.
అంతేకాదు ఇప్పుడు తాను తన బిడ్డ ఇద్దరం ఆరోగ్యంగా క్షేమంగా ఉన్నామని.. పాపా తన తండ్రి ఒడిలో హాయిగా నిద్రపోతుందని ఫోటోలను షేర్ చేస్తూ.. క్యాప్షన్ కూడా ఇచ్చారు. జెంటర్ పోస్ట్కి నెటిజన్ల నుండి శుభాకాంక్షల వర్షం కురుస్తోంది. కొంతమంది పాపా పుట్టినందుకు సంతోషం వ్యక్తం చేయగా, మరికొందరు సైక్లింగ్ నుండి వ్యాయామం చేయడం వల్ల డెలివరీ సమయంలో చాలా ఎక్కువ ప్రయోజనకరంగా ఉంటుందని సూచించారు. అయితే జూలీ ప్రసవం కోసం సైకిల్పై ఆసుపత్రికి వెళ్లడం ఇదే మొదటిసారి కాదు. మూడు సంవత్సరాల క్రితం, జూలీ మొదటి డెలివరీ సమయంలో కూడా ఆక్లాండ్ ఆసుపత్రికి సైకిల్ తొక్కుకునే వెళ్లారు.
అయితే న్యూజిలాండ్ లోని రాజకీయ నాయకులు ఇలా సాధారణ జీవితం గడపడం సర్వసాధారణం. న్యూజిలాండ్ ప్రధాని జాకిందా ఆర్డెన్ తన మూడు నెలల చిన్నారితో సహా ఐక్యరాజ్య సమితి మీటింగ్ కు వెళ్లారు. అప్పుడు తన బేబీకి పాలు ఇచ్చారు. అప్పట్లో ఆ విషయం సంచలనంగా మారిన సంగతి తెలిసిందే.
Also Read: హఠాత్తుగా గోర్లమీద తెల్ల మచ్చలు ఏర్పడ్డాయా.. వెంటనే వైద్యులను సంప్రదించడం మంచిదంటున్న నిపుణులు