Cigarettes Ban: ఆ దేశంలో ఇక సిగరెట్లు బంద్.. స్మోకింగ్పై జీవితకాల నిషేధానికి ప్లాన్.. ఎక్కడంటే..?
No Smoking: యువత భవిష్యత్తు కోసం.. ఆ దేశం కీలక నిర్ణయం తీసుకుంది. ధూమపానం, సిగరెట్ల విక్రయాలపై కఠిన ఆంక్షలు విధిస్తూ ఉత్తర్వులు జారీ చేసింది. యువత భవిష్యత్తును తీర్చిదిద్దేందుకు
No Smoking: యువత భవిష్యత్తు కోసం.. ఆ దేశం కీలక నిర్ణయం తీసుకుంది. ధూమపానం, సిగరెట్ల విక్రయాలపై కఠిన ఆంక్షలు విధిస్తూ ఉత్తర్వులు జారీ చేసింది. యువత భవిష్యత్తును తీర్చిదిద్దేందుకు న్యూజిలాండ్ ప్రభుత్వం ధూమపానం, సిగరేట్ల విక్రయాలపై కీలక నిర్ణయం తీసుకుంది. 2027 వరకు దేశాన్ని ధూమపాన రహితంగా మార్చేందుకు చర్యలు తీసుకుంది. పొగతాగేవారి కనీస అర్హతను పెంచే ప్రతిపాదనలను తీసుకుచ్చింది. ఒక్కో సంవత్సరం కనీస అర్హత వయస్సును పెంచుతామని ప్రభుత్వం స్పష్టంచేసింది. ఈ ప్రతిపాదన ఆధారంగా విశ్లేషించిన న్యూజిలాండ్.. ఇలా చేయడం వల్ల పొగతాగే వారి సంఖ్య క్రమంగా తగ్గుతుందని వెల్లడించింది. ధూమపానం చేసేందుకు యువతకు ఉండాల్సిన కనీస వయసును ఏటా పొడగించనున్నట్లు న్యూజిలాండ్ ప్రభుత్వం గురువారం కీలక ప్రకటన చేసింది. ప్రస్తుతం న్యూజిలాండ్ 18 ఏళ్లలోపు వారికి పొగాకు అమ్మకాలను నిషేధించింది. అయితే.. వచ్చే ఏడాది నుంచి క్రమంగా అర్హతను తగ్గించనున్నట్లు వెల్లడించింది. దీంతో ఆరేండ్ల తర్వాత 14 ఏళ్ల వయస్సు గల 50 లక్షల మంది జీవితంలో వెలుగులు నింపనున్నామని.. ఇలా సిగరెట్లను కొనుగోలు చేయకుండా నిబంధనలు అమల్లోకి తీసుకురానున్నట్లు వెల్లడించింది.
తాజాగా ఈ నిర్ణయం తీసుకొని.. పొగాకు పరిశ్రమపై కఠిన ఆంక్షలు విధిస్తున్న దేశాల్లో ఒకటిగా నిలిచింది. సుధీర్ఘ కాలంలో ధూమపానాన్ని అడ్డుకునేందుకు ఈ ప్రయత్నాలు చేస్తున్నట్లు న్యూజిలాండ్ వెల్లడించింది. దీంతోపాటు నికోటిన్ లెవెల్స్ తగ్గించిన పొగాకు ఉత్పత్తులు మాత్రమే విక్రయించాలని.. రిటైల్ వ్యాపారులకు సూచించింది. యువత సిగరెట్లు తాగకుండా చూడాలనేదే తమ కోరికని ప్రభుత్వం తెలిపింది. యువతకు సిగరెట్లు సరఫరా చేసినా, విక్రయించిన నేరంగా పరిగణిస్తామని న్యూజిలాండ్ ఆరోగ్య శాఖ సహాయ మంత్రి ఆయేషా వెర్రాల్ వెల్లడించారు. వీటిల్లో కొత్తదనమంటూ ఏం లేదని దేశంలో
స్మోకింగ్ ఐదు శాతంలోపు దిగి వచ్చేందుకు దశాబ్దాల పాటు ఆంక్షలు కొనసాగుతాయని స్పష్టంచేశారు. ప్రస్తుతం న్యూజిలాండ్లో 15ఏళ్లు దాటిన వారు 11.6 శాతం మంది స్మోకింగ్ చేస్తున్నారని పేర్కొన్నారు. యువజనుల్లో స్మోకింగ్ 29 శాతంగా ఉందని.. సూధీర్ఘంగా పొగాకును నిషేధించడమే తమ పని అని పేర్కొన్నారు. పొగాకు ఉత్పత్తుల నిషేధ బిల్లులపై మావోరీ హెల్త్ టాస్క్ఫోర్స్తో ప్రభుత్వం సంప్రదింపులు జరుపుతుందని వెల్లడించారు. ఈ మేరకు వచ్చే ఏడాది పార్లమెంట్లో బిల్లును ప్రవేశ పెట్టనున్నట్లు వెల్లడించారు.
2024 నుంచి దశల వారీగా ఆంక్షలను అమల్లోకి తీసుకురానున్నట్లు న్యూజిలాండ్ ప్రభుత్వం తెలిపింది. 2027 నాటికి న్యూజిలాండ్ను స్మోక్ ఫ్రీ జనరేషన్గా తీర్చిదిద్దనున్నట్లు న్యూజిలాండ్ పేర్కొంది. ప్రస్తుతం న్యూజిలాండ్లో ఏటా ఐదు వేల మంది ధూమపానంతో మరణిస్తున్నారని, 18 ఏళ్లలోపు వారిలో ప్రతి ఐదుగురిలో నలుగురు స్మోకింగ్ చేస్తున్నారని తెలిపింది.
Also Read: