Jackie Chan: మనసులో మాట చెప్పేసిన జాకీ చాన్.. కమ్యూనిస్టు పార్టీలో చేరాలని ఉందంటూ…
Jackie Chan: ప్రపంచవ్యాప్తంగా ఎంతో మందిని అభిమానులను సంపాదించుకున్న జాకీ చాన్ తాజాగా తన మనసులో మాటను బయటపెట్టారు. తనకు కమ్యూనిస్టు పార్టీ ఆఫ్ చైనాలో (సీపీసీ) చేరాలని ఉందని చెప్పుకొచ్చారు....
Jackie Chan: ప్రపంచవ్యాప్తంగా ఎంతో మందిని అభిమానులను సంపాదించుకున్న జాకీ చాన్ తాజాగా తన మనసులో మాటను బయటపెట్టారు. తనకు కమ్యూనిస్టు పార్టీ ఆఫ్ చైనాలో (సీపీసీ) చేరాలని ఉందని చెప్పుకొచ్చారు. జులై 1న సీపీసీ వందేళ్లు పూర్తి చేసుకున్న సందర్భంగా ఆ దేశ అధ్యక్షుడు జీ జిన్పింగ్ ప్రసంగం చేశారు. ఈ ప్రసంగంపై జులై 6న దేశ సినీ ప్రముఖులు ఓ చర్చా కార్యక్రామన్ని నిర్వహించారు. ఈ కార్యక్రమానికి చైనా ఫిలిం అసోసియేషన్ ఉపాధ్యక్షుడిగా ఉన్న జాకీచాన్ కూడా హాజరయ్యారు. ఈ సందర్భంగానే జాకీచాన్ ఈ వ్యాఖ్యలు చేశారు.
ఈ విషయాన్ని చైనా అధికారిక పత్రిక గ్లోబల్ టైమ్స్ తెలిపింది. ఈ చర్చలో జాకీచాన్ మాట్లాడుతూ. ‘కమ్యూనిస్టు పార్టీ ఆఫ్ చైనా గొప్పతనం కళ్ల ముందే కనిపిస్తోంది. ఈ పార్టీ ఏది చెప్పినా కచ్చితంగా చేస్తుంది. కేవలం కొన్ని దశాబ్దాల కాలంలోనే సాధ్యం చేసి చూపించింది. నేను సీపీసీలో సభ్యుణ్ని కావాలనుకుంటున్నాను’ అంటూ చెప్పుకొచ్చారని గ్లోబల్ టైమ్స్ తెలిపింది. ఇదిలా ఉంటే జాకీచాన్ ప్రస్తుతం హాంకాంగ్లో నివనిస్తున్నారు. గతంలో హాంకాంగ్లో చెలరేగి ప్రజాస్వామ్యవాదుల నిరసనలను అణిచిచేయడానికి సీపీసీ తీసుకున్న చర్యలను జాకీచాన్ సమర్థించారు. ఆ సమయంలో జాకీచాన్ తీవ్ర విమర్శలు ఎదుర్కొవాల్సి వచ్చింది. ఇక తనదైన యాక్షన్తో మార్షల్ ఆర్ట్స్ను ప్రపంచానికి పరియం చేశారు జాకీచాన్. కేవలం చైనాలోనే కాకుండా ప్రపంచంలోని చాలా దేశాల్లో జాకీచాన్ అభిమానులను సంపాదించుకున్నారు. ప్రస్తుతం సినిమాలకు దూరంగా ఉంటోన్న జాకీ చాన్ సోషల్ మీడియాలో మాత్రం యాక్టివ్గా ఉంటూ అభిమానులతో నిత్యం టచ్లో ఉంటున్నారు. ఈ క్రమంలోనే గత ఏప్రిల్ 7న 67వ పడిలోకి అడుగు పెట్టారు జాకీచాన్. ఈ సందర్భంగా తన శిష్యులతో కలిసి దిగిన ఓ గ్రూప్ ఫొటోను ఇన్స్టాగ్రామ్లో పోస్ట్ చేశారు. ఈ సందర్భంగా ప్రపంచవ్యాప్తంగా జాకీచాన్ అభిమానులు ఆయనకు పెద్ద ఎత్తున జన్మదిన శుభాకాంక్షలు తెలిపారు.
View this post on Instagram
Also Read: GoldFish: సరస్సులను నాశనం చేస్తున్న గోల్డ్ ఫిష్.. వాటిని చెరువులలో వదలవద్దని అధికారుల వేడికోలు!
Renu Desai: అతను నా వెనకుంటే.. ఈ ప్రపంచంలో ఏదీ నన్ను బాధించదు. ఆసక్తికర పోస్ట్ చేసిన రేణు దేశాయ్.
US Heatwave: నిప్పుల కొలిమిలా కాలిఫోర్నియా.. వేడి గాలులు, వడగాడ్పులతో అమెరికా సతమతం..