French President: ప్రజలను ఉద్దేశించి మాట్లాడుతున్న అధ్యక్షుడు.. దూసుకొచ్చిన కోడిగుడ్డు
ఫ్రెంచ్ అధ్యక్షుడు ఇమ్మాన్యుయేల్ మాక్రాన్పై దాడి జరిగింది. నాలుగు నెలల కాలంలో ఇది రెండో దాడి కావడం విశేషం...
ఫ్రెంచ్ అధ్యక్షుడు ఇమ్మాన్యుయేల్ మాక్రాన్పై దాడి జరిగింది. నాలుగు నెలల కాలంలో ఇది రెండో దాడి కావడం విశేషం. లియాన్ పర్యటనలో ఉన్న మాక్రాన్పై సోమవారం సాయంత్రం ఒక వ్యక్తి కోడిగుడ్డుతో దాడి చేశాడు. అది మాక్రాన్ ఎడమ భుజానికి తగిలింది. అప్రమత్తమైన భద్రతా దళాలు ఆయనను క్షేమంగా పక్కకు తీసుకెళ్లాయి. నిరసనకారుడు “వివే లా విప్లవం” (విప్లవం దీర్ఘకాలం జీవించండి) అని నినాదాలు చేశాడు. అతడిని స్థానిక పోలీసులు అదుపులోకి తీసుకున్నారు. యాన్ పర్యటనలో ఫ్రెంచ్ గ్యాస్ట్రోనమీని ప్రోత్సహించేందుకు ఇమ్మాన్యుయేల్ మాక్రాన్ వచ్చారు.
ఈ సందర్భంలో సందర్శకుల్లో నుంచి ఒక వ్యక్తి ఉన్నట్టుండి ఒక్కసారిగా మాక్రాన్పైకి కోడిగుడ్డు విసిరాడు. గుడ్డు మాక్రాన్ భుజానికి తాకి కింద పడిపోయింది. అప్రమత్తమైన అంగరక్షకులు.. మాక్రాన్ను పక్కకు తీసుకెళ్లారు. అతడు ఏమైనా చెప్పదలుచుకుంటే అతన్ని తన వద్దకు రానివ్వండి అని మాక్రాన్ చెప్పారు. తర్వాత కొన్ని ఫొటోల్లో అతడు నేల మీద పడిపోయినట్లు కనిపించాడు. సంఘటన జరిగినప్పుడు అంతర్జాతీయ క్యాటరింగ్, హాస్పిటాలిటీ ఫెయిర్కు హాజరైన మాక్రాన్.. అక్కడ గుమిగూడిన తన మద్దతుదారులతో మాట్లాడుతున్నారు. గత జూన్లో దక్షిణ ఫ్రాన్స్లో వాక్ అబౌట్ సమయంలో ఒక వ్యక్తి మాక్రాన్ చెప్పదెబ్బ కొట్టాడు. ఆ వ్యక్తి నాలుగు నెలల జైలు శిక్ష విధించారు. అనుభవించాడు.
#French president #Macron was hit with an egg while he was visiting #Lyon. ????pic.twitter.com/ZhjJaGOsZV
— Auron (@auron83591234) September 27, 2021
Read Also… Bathukamma in UK: అక్టోబర్ 10న లండన్లో మెగా బతుకమ్మ వేడుకలు.. పోస్టర్ ఆవిష్కరించిన ఎమ్మెల్సీ కవిత