బుర్జ్ ఖలీఫాపై న్యూజిలాండ్ ప్రధాని ఫోటో ప్రదర్శన

దుబాయి : న్యూజిలాండ్ ప్రధాని జకిండా ఆర్డెన్ ఫోటోను ప్రపంచంలోనే అత్యంత పొడవైన బిల్డింగ్ బుర్జ్ ఖలీఫాపై ప్రదర్శించారు. దుబాయ్ రూలర్ షేక్ మహమ్మద్ బిన్ రషిత్ న్యూజిలాండ్ ప్రధానికి ఈ గౌరవాన్ని అందించారు. మార్చి 15న న్యూజిలాండ్‌లోని మసీదుల్లో జరిగిన కాల్పుల్లో 50 మంది దాకా మరణించిన సంగతి తెలిసిందే. అయితే.. జకిండా ఆర్డెన్.. మరణించిన ముస్లింల కుటుంబాలను ఆదుకోవడం.. వాళ్లకు మద్దతుగా నిలవడంతో ఆమెను షేక్ మహమ్మద్ ప్రశంసించారు. ఈ సందర్భంగా ఆయన ట్విట్టర్‌లో న్యూజిలాండ్ ప్రధానిని పొగుడుతూ ట్వీట్ కూడా చేశారు. తాజాగా ఆమె ముస్లింలకు అండగా నిలవడం.. బాధితులను పరామర్శించడం, మారణహోమం తర్వాత ఎటువంటి అసాధారణ పరిస్థితులు రాకుండా ఆమె చేసిన ప్రయత్నాలను మెచ్చుకుంటూ.. ఆమె బాధితులను పరామర్శిస్తున్నప్పటి ఫోటోను ఆమెకు గౌరవంగా బుర్జ్ ఖలీఫాపై ప్రదర్శించారు. ఆమె ఫోటోపైన ఇంగ్లీష్, అరబిక్‌లో పీస్ అని రాశారు.

New Zealand today fell silent in honour of the mosque attacks’ martyrs. Thank you PM @jacindaardern and New Zealand for your sincere empathy and support that has won the respect of 1.5 billion Muslims after the terrorist attack that shook the Muslim community around the world. pic.twitter.com/9LDvH0ybhD

— HH Sheikh Mohammed (@HHShkMohd) March 22, 2019