COP26 Summit: కాలుష్యం నివారణకు సంఘటిత పోరాటమే పరిష్కారం.. కాప్-26 సదస్సులో ప్రధాని మోడీ
COP26 Summit: భారత ప్రధాన మంత్రి నరేంద్ర మోడీ గ్లాస్గోలో జరగనున్న కాన్ఫరెన్స్ ఆఫ్ పార్టీస్(‘కాప్26’) సదస్సులో పాల్గొన్నారు. రోజురోజుకూ పెరుగుతున్న..
COP26 Summit: భారత ప్రధాన మంత్రి నరేంద్ర మోడీ గ్లాస్గోలో జరగనున్న కాన్ఫరెన్స్ ఆఫ్ పార్టీస్(‘కాప్26’) సదస్సులో పాల్గొన్నారు. రోజురోజుకూ పెరుగుతున్న ప్రతికూల వాతావరణ పరిస్థితులపై ఈ సదస్సు జరగనుంది. ఈ సదస్సులో 120 దేశాల ప్రభుత్వాధినేతలు పాల్గొననున్నారు. ప్రధాని మోదీ యూకే పర్యటన రెండు రోజుల పాటు కొనసాగనుంది. అయితే బ్రిటన్ ప్రధాని బోరిస్ జాన్సన్తో భారత ప్రధాని నరేంద్ర మోదీ సమావేశం కానున్నారు. గ్లాస్కో విమానాశ్రయంలో ప్రధాని మోదీకి ఘన స్వాగతం లభించింది. అక్కడి ప్రవాస భారతీయులు ఆయనకు హర్షధ్వానాలతో స్వాగతం పలికారు.
ఈ సందర్భంగా ప్రధాని మోదీ ప్రసంగించారు. భారతదేశంలో మాదిరిగానే చాలా అభివృద్ధి చెందుతున్న దేశాలలో వాతావరణ మార్పులు, వ్యవసాయ రంగానికి పెద్ద సవాలుగా మారిందన్నారు. కాలుష్య నివారణకు సంఘటిత పోరాటమే పరిష్కారమని అన్నారు. సంఘటిత చర్యలతోనే కాలుష్య నియంత్రణ సాధ్యమన్నారు. పర్యావరణ పరిరక్షణే మనందరి లక్ష్యం కావాలని అభిప్రాయపడ్డారు. అకాల వర్షాలు, వరదలు, తుఫాన్ల కారణంగా తరచూ పంటలు దెబ్బతింటున్నాయని అన్నారు. 2030 నాటికి భారతదేశంలో 50 శాతం వరకు ఇంధన అవసరాలకు పునరుత్పాదక శక్తిని ఉపయోగిస్తుందని అన్నారు. రాబోయే తరానికి సమస్యలపై అవగాహన కల్పించడానికి పాఠశాల సిలబస్లో వాతావరణ మార్పులకు అనుకూల విధానాలను చేర్చాల్సిన అవసరం ఉందన్నారు.
వాతావరణ మార్పులో జీవన శైలి ప్రధాన పాత్ర పోషిస్తుందని నేడు ప్రపంచం మొత్తం అంగీకరిస్తోందని, పర్యావరణ పరిరక్షణ కోసం మనమందరం కలిసికట్టుగా ఒక ఉద్యమంలా మారి ముందుకు తీసుకెళ్లాల్సిన అవసరం ఎంతైనా ఉందని మోదీ వ్యాఖ్యానించారు.
World today admits that lifestyle has a major role in climate change. I propose one word movement before all of you. This word is LIFE which means Lifestyle for Environment. Today, it’s needed that all of us come together & take forward LIFE as a movement: PM Modi at #COP26 pic.twitter.com/nXoBV8StUy
— ANI (@ANI) November 1, 2021
Delivering the National Statement at the @COP26 Summit in Glasgow. https://t.co/SdKi5LBQNM
— Narendra Modi (@narendramodi) November 1, 2021
ఇవి కూడా చదవండి: