China: మా అంతర్గత విషయాల్లో జోక్యం చేసుకోవద్దు.. అమెరికాకు చైనా వార్నింగ్
తమను తక్కువ అంచనా వేయవద్దని అమెరికాను చైనా(China) హెచ్చరించింది. తైవాన్ పై చైనా దాడి చేస్తే ఆ దేశానికి రక్షణగా ఉంటామని అమెరికా(America) అధ్యక్షుడు బైడెన్ చేసిన వ్యాఖ్యలపై డ్రాగన్ కంట్రీ ఘాటుగా స్పందించింది. తైవాన్ విషయంలో....
తమను తక్కువ అంచనా వేయవద్దని అమెరికాను చైనా(China) హెచ్చరించింది. తైవాన్ పై చైనా దాడి చేస్తే ఆ దేశానికి రక్షణగా ఉంటామని అమెరికా(America) అధ్యక్షుడు బైడెన్ చేసిన వ్యాఖ్యలపై డ్రాగన్ కంట్రీ ఘాటుగా స్పందించింది. తైవాన్ విషయంలో బైడెన్ చేసిన వ్యాఖ్యలపై చైనా విదేశాంగశాఖ మంత్రి వాంగ్ యి తీవ్ర ఆగ్రహం వ్యక్తం చేశారు. ఈ వ్యవహారం చైనా సార్వభౌమాధికారం, అంతర్గత సమగ్రతకు సంబంధించినదని, ఎవరూ ఇందులో జోక్యం చేసుకోవాల్సిన అవసరం లేదని స్పష్టం చేశారు. ఈ విషయంలో రాజీపడే అవకాశమే లేదని పేర్కొన్నారు. తైవాన్(Taiwan)ను చైనా బలవంతంగా ఆక్రమించుకునేందుకు ప్రయత్నిస్తే తాము తైవాన్ కు రక్షణ కల్పిస్తామని యూఎస్ ప్రెసిడెంట్ జో బైడెన్ చేసిన వ్యాఖ్యలపై చైనా ఈ మేరకు స్పందించింది. అంతేగాక ప్రమాదంతో చైనా ఆటలాడుతోందని బైడెన్ అన్నారు. తైవాన్ను తమ భూభాగంగా పరిగణిస్తోన్న చైనా.. ఆ ప్రాంతాన్ని స్వాధీనం చేసుకోవడానికి ఇటీవల ప్రయత్నాలు ముమ్మరం చేసింది. మరోవైపు.. క్వాడ్ కూటమిలోని జపాన్, భారత్, ఆస్ట్రేలియా నాయకులతో బైడెన్ మంగళవారం భేటీ కానున్నారు. ఇక చైనా తైవాన్పై దాడి చేసే అవకాశాలున్న నేపథ్యంలో తమ సైనిక సంబంధాలను బలోపేతం చేయడంపై బైడెన్తో చర్చించినున్నట్టు జపాన్ ప్రధాని కిషిడా వ్యాఖ్యానించారు.
అంతే కాక తైవాన్ విషయంలో చైనా కవ్వింపు చర్యలకు పాల్పడితే ఉక్రెయిన్లో ఏం జరిగిందో తెలుసుకోవాలని బైడెన్ హితవు పలికారు. ఉక్రెయిన్లో జరుగుతున్న అకృత్యాలకు పుతిన్ మూల్యం చెల్లించుకోవాల్సి ఉంటుందని హెచ్చరించారు. రష్యా సుదీర్ఘ కాలం ఆ మూల్యాన్ని చెల్లించుకుంటుందని వ్యాఖ్యానించారు. అయితే, ఉక్రెయిన్లో రష్యా దాడులు చేస్తున్న సమయంలో చైనాకు పుతిన్కు ప్రత్యక్షంగా సపోర్ట్ చేసిన విషయం తెలిసిందే. రష్యాకు ఆర్థికంగా, ఆయుధాలను కూడా అందించినట్టు వార్తలూ వెలువడ్డాయి.
మరిన్ని అంతర్జాతీయం వార్తల కోసం ఈ లింక్ క్లిక్ చేయండి
ఇవీ చదవండి
Black cold coffee Benefits: బ్లాక్ కాఫీతో నిజంగా బరువు తగ్గవచ్చా.. అసలు నిజం తెలుసుకోండి..
MLC Anantha Babu: అనంతబాబు అంతులేని కథలు.. రంగు రాళ్ల నుంచి డెడ్ బాడీ డోర్ డెలివరీ దాకా..