Kabul Blast: కాబుల్లో కారు బాంబు పేలుడు.. ఆఫ్గనిస్థాన్ రక్షణ మంత్రి నివాసానికి సమీపంలో.. – Watch Video
ఆఫ్ఘన్ రాజధాని కాబూల్ లో నిన్న రాత్రి రక్షణ శాఖ మంత్రి బిస్మిల్లా మహమ్మది నివాసం వద్ద కారు బాంబు పేలింది. గ్రీన్ జోన్ గా పరిగణిస్తున్న ఈ ప్రాంతంలో ఆఫ్ఘన్ మాజీ ఉపాధ్యక్షుడు మార్షల్ అబ్దుల్ రషీద్ నివాస భవనం కూడా ఉంది. కారు బాంబు పేలుడులో
ఆఫ్ఘన్ రాజధాని కాబూల్ లో నిన్న రాత్రి రక్షణ శాఖ మంత్రి బిస్మిల్లా మహమ్మది నివాసం వద్ద కారు బాంబు పేలింది. గ్రీన్ జోన్ గా పరిగణిస్తున్న ఈ ప్రాంతంలో ఆఫ్ఘన్ మాజీ ఉపాధ్యక్షుడు మార్షల్ అబ్దుల్ రషీద్ నివాస భవనం కూడా ఉంది. కారు బాంబు పేలుడులో ఎవరూ గాయపడలేదని, అలాగే ఎవరూ ఆందోళన చెందవలసిన పని లేదని బిస్మిల్లా మహ్మదీ చెబుతున్నప్పటికీ ఈ పేలుడులో ఇందుకు సూత్రధారులైన ముగ్గురితో సహా ఆరుగురు మరణించినట్టు సిఎన్ఎఎన్ వార్తా సంస్థ తెలిపింది. ఈ ఘటనకు తమదే బాధ్యత అని ఇప్పటివరకు ఏ గ్రోపు ప్రకటించుకోలేదు. అయితే తాలిబన్లే ఇందుకు కారకులై ఉంటారని భావిస్తున్నారు. ఆఫ్ఘన్ లో తాలిబన్లు ఇప్పటికే 223 జిల్లాలను తమ హస్తగతం చేసుకున్నారు. పైగా 34 రాష్ట్ర రాజధానులకు గాను 17 ప్రావిన్సులను వశపరచుకున్నారు. తమ దేశం నుంచి అమెరికా బలగాలను త్వరితగతిన ఉపసంహరిస్తున్నారని ఆఫ్ఘన్ అధ్యక్షుడు అష్రాఫ్ ఘని ఆరోపించారు. బలగాలు మరి కొంత కాలం ఉండాలని ఆయన కోరుతున్నారు. తాలిబన్లపై పోరులో తమకు అంతా సహకరించాలని ఆయన అభ్యర్థించారు.
అటు.రక్షణ మంత్రి నివాసం వద్ద కారు బాంబు పేలిన సమయంలో కాబూల్ వీధుల్లో ఆఫ్ఘన్ దళాలకు మద్దతుగా వేలాది ప్రజలు..’అల్లాహో అక్బర్’ అని నినాదాలు చేస్తూ భారీ ప్రదర్శన నిర్వహించారు. తాము ఆఫ్ఘన్ దళాల వెంటే అంటూ అనేకమంది స్లొగన్స్ ఇచ్చినట్టు ఒకరు ట్వీట్ చేస్తూ అందుకు సంబంధించిన వీడియోను కూడా రిలీజ్ చేశారు.
In one corner the site of a terrorist attack and on the other people marching and chanting Alla O Akbar in support of Afghan Security forces. #Kabul pic.twitter.com/T1zyR1Vl17
— Ahmad Mukhtar (@AhMukhtar) August 3, 2021
మరిన్ని ఇక్కడ చూడండి : ఛాయ్ అమ్మిన ఎమ్మెల్యే…ఒక్క ఛాయ్ 15 లక్షలు.. మీకు కావాలా..? ఎందుకో తెలుసా.?:MLA sold by Chai Video.
పాపం వధువును కష్టపెట్టిన వరుడు..! రోడ్డుపైనే వరమాల సందడి.. చివరకి ఎం అయ్యింది..:Bride Viral Video