Covid -19 latest news: నెల రోజుల వ్యవధిలో రెండో సారి కరోనా
కరోనా వైరస్... ఎక్కడ చూసినా..ఎక్కడ విన్నా దీనికి సంబంధించిన వార్తలే. చిన్నా పెద్ద అనే తేడా లేకుండా అందరూ వైరస్ బారినపడుతున్నారు. తాజాగా, కరోనా వైరస్ బారినపడి కోలుకున్న వారికి రెండోసారి కోవిడ్-19 నిర్ధారణ అవుతున్న కేసులు వెలుగుచూస్తున్నాయి.
కరోనా వైరస్… ఎక్కడ చూసినా..ఎక్కడ విన్నా దీనికి సంబంధించిన వార్తలే. చిన్నా పెద్ద అనే తేడా లేకుండా అందరూ వైరస్ బారినపడుతున్నారు. మహమ్మారి ధాటికి పిట్టల్లా ప్రాణాలు పోతున్నాయి. అంతేకాదు. మరోవైపు చాలా మందికి అసలు వైరస్ సోకినట్లు తెలియను కూడా తెలియటం లేదు. ఎలాంటి లక్షణాలూ లేకుండానే కరోనా వచ్చిపోవచ్చు అంటూ డబ్ల్యూహెచ్‌వో చెబుతోంది. ఇకపోతే, తాజాగా, కరోనా వైరస్ బారినపడి కోలుకున్న వారికి రెండోసారి కోవిడ్-19 నిర్ధారణ అవుతున్న కేసులు వెలుగుచూస్తున్నాయి. మనదేశంలో తొలిసారిగా బెంగళూరుకు చెందిన ఓ మహిళకు నెలరోజుల వ్యవధిలోనే రెండోసారి కరోనా సోకడం కలకలం రేపుతోంది.
బెంగళూరులో ఓ మహిళ నెల రోజుల వ్యవధిలో రెండోసారి కరోనా బారిన పడింది. నగరానికి చెందిన 27 ఏళ్ల మహిళ కరోనా లక్షణాలతో జులై మొదటి వారంలో ఆసుపత్రిలో చేరింది. ఆమెకు నిర్వహించిన పరీక్షల్లో వైరస్ సోకినట్టు నిర్ధారణ అయింది. చికిత్స అనంతరం నిర్వహించిన పరీక్షల్లో నెగటివ్ రావడంతో అదే నెల 24న ఆమె డిశ్చార్జ్ అయ్యింది. కానీ నెల రోజుల తర్వాత ఆమెకు మరోసారి కరోనా సోకింది. దేశంలోనే రెండోసారి కరోనా సోకిన తొలి వ్యక్తి ఆమే. నెల రోజుల వ్యవధిలోనే రెండో సారి కరోనా సోకిన కేసు బయటపడటంతో వైద్య వర్గాల్లో ఆందోళన వ్యక్తమవుతోంది. ఇలా రెండో సారి కరోనా సోకిన కేసులు నెదర్లాండ్స్, బెల్జియంలలో ఎక్కువగా నమోదయ్యాయి.
