అరుదైన ఘటన: కాళ్లు, చేతులు లేకుండానే బిడ్డ జ‌న‌నం
ఇంట్లోనే సుఖప్రసవం జరిగిన ఓ మహిళ కాళ్లు చేతులు లేని బిడ్డకు జన్మనిచ్చింది. కాళ్లు, చేతులు లేకుండా ఉన్నబిడ్డను చూసి స్థానికులు ఖంగుతిన్నారు. ఈ స‌మ‌స్య త‌ప్ప బిడ్డ‌లో ఎలాంటి ఇత‌ర స‌మ‌స్య‌లు లేవ‌ని వైద్యులు స్ప‌ష్టం చేశారు.ఈ అరుదైన ఘటన..
మధ్యప్రదేశ్‌లో వింత సంఘటన చోటు చేసుకుంది. ఇంట్లోనే సుఖప్రసవం జరిగిన ఓ మహిళ కాళ్లు చేతులు లేని బిడ్డకు జన్మనిచ్చింది. కాళ్లు, చేతులు లేకుండా ఉన్నబిడ్డను చూసి స్థానికులు ఖంగుతిన్నారు. ఈ అరుదైన ఘటన మధ్యప్రదేశ్‌ రాష్ట్రం సిరోంజ్‌లోని స‌కా గ్రామంలో చోటు చేసుకుంది. జూన్ రెండో వారంలో నెల‌లు నిండిన ఓ మహిళకు..జూన్ 26న పురిటి నొప్పులు వ‌చ్చాయి. ఇంట్లోనే సాధారణ ప్రసవం అయ్యింది. ప‌సికందు కాళ్లు, చేతులు లేకుండానే పుట్టింది.
దీంతో ఆ చిన్నారిని రాజీవ్ గాంధీ స్మృతి ఆస్ప‌త్రికి తీసుకెళ్లి వైద్యులకు చూపించగా..వారు ఆ పుట్టిన బిడ్డకు పలు రకాల టెస్టులు చేశారు. ఆటోసోమ‌ల్ రిసెసివ్ అనే రుగ్మ‌త వ‌ల్ల పిల్ల‌లు ఈ విధంగా జ‌న్మిస్తార‌ని అక్కడి వైద్యులు తెలిపారు. పిల్ల‌లు ఇలా పుట్టడానికి కారణం టెట్రా అమెలియా అంటార‌ని చెప్పారు. ఈ స‌మ‌స్య త‌ప్ప బిడ్డ‌లో ఎలాంటి ఇత‌ర స‌మ‌స్య‌లు లేవ‌ని వైద్యులు స్ప‌ష్టం చేశారు. ప్ర‌తి ల‌క్ష మంది శిశువుల్లో ఒక‌రు ఇలాంటి స‌మ‌స్య‌తో పుడతారని భోపాల్ సీఎంహెచ్వో, పిల్ల‌ల డాక్ట‌ర్ ప్ర‌భాక‌ర్ తివారి వెల్లడించారు.
