Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

పొలంలో వజ్రం: మహిళకు దక్కిన అదృష్టం

Woman Found Diamond in her Crop at Kurnool District, పొలంలో వజ్రం: మహిళకు దక్కిన అదృష్టం

ఓ మహిళకు తన సొంత పొలంలోనే అరుదైన వజ్రం లభించింది. ఆంధ్రప్రదేశ్ కర్నూలు జిల్లా పగిడిరాయి గ్రామానికి చెందిన మహిళకు తన పొలంలోనే వజ్రం లభించింది. ఇది దాదాపు ఆరు క్యారెట్ల బరువుందని సమాచారం. వజ్రం లభించిన అదే రోజు అర్థరాత్రి అనంతపురం జిల్లా.. గుత్తికి చెందిన బంగారు వ్యాపారులకు దాన్ని అమ్మేసింది. దీంతో.. ఈ వజ్రానికి వ్యాపారులు ఆమెకు రూ.4 లక్షల రూపాయలు, మూడు తులాల బంగారం ముట్టజెప్పినట్లు తెలుస్తోంది. ఈ ఏడాది రెండో సారి కర్నూలు జిల్లాలో కూలీలకు వజ్రాలు దొరికాయి. మొదటి వజ్రం రూ.13 లక్షలకు అమ్ముడుపోగా.. దాని తర్వాత ఇదే ఖరీదైందని స్థానికులు చెబుతున్నారు.