Breaking News
  • అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
  • బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
  • అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
  • కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్‌, ట్రక్‌ స్వాధీనం.
  • చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.

ఒంటరి మహిళపై కిరోసిన్‌ దాడి

Woman Attacked with Kerosene in Khammam District, ఒంటరి మహిళపై కిరోసిన్‌ దాడి
మహిళలపై జరుగుతున్న దాడులు అంతకంతకు పెరిగిపోతున్నాయి. ప్రతిరోజూ ఎక్కడో ఓ చోట ఆడవారిపై యాసిడ్‌, కిరోసిన్‌, పెట్రోల్‌ దాడులు జరుగుతూనే ఉన్నాయి. కారణం ఏదైనప్పటికీ మహిళలు మాత్రం సమిదలవుతూనే ఉన్నారు.  తాజాగా ఖమ్మం జిల్లాలోనూ దారుణ సంఘటన చోటుచేసుకుంది. అనూష అనే మహిళపై ఓ దుండగుడు  కిరోసిన్‌ పోసి నిప్పంటించాడు.  వివరాలు పరిశీలించగా…ఖమ్మం నగరంలోని దానవాయిగూడెంలో ఒంటరిగా జీవనం సాగిస్తున్న అనూష అనే మహిళపై వెంకటేశ్వర్లు అనే వ్యక్తి కిరోసిన్ పోసి నిప్పంటించాడు. అనూష గట్టిగా  కేకలు వేయడంతో స్థానికులు స్పందించి ఆమెను కాపాడే ప్రయత్నం చేశారు. స్వల్ప గాయాలతో బయటపడ్డ ఆమెను ప్రభుత్వ ఆస్పత్రికి తరలించి చికిత్స అందజేస్తున్నారు. స్థానికంగా ఈ ఘటన తీవ్ర కలకలం రేపింది. బాధితురాలి ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేపట్టారు.
Woman Attacked with Kerosene in Khammam District, ఒంటరి మహిళపై కిరోసిన్‌ దాడి