Breaking News
  • చిత్తూరు: పలమనేరు మండలం మండిపేటలో ఎనుగుల విధ్వంసం. పంటపొలాలపై దాడి, కొబ్బరి చెట్లు ధ్వంసం. పశువులపైనా దాడి చేసిన గజరాజులు. దూడ మృతి, మరో ఆవుకు తీవ్ర గాయాలు. భయాందోళనలో రైతులు.
  • ప.గో: భీమడోలు మండలం పొలసానిపల్లిలో హత్యాయత్నం. భర్తను చంపేందుకు యత్నించిన భార్య. కూరలో సైనైడ్‌ కలిపి భర్తకు వడ్డించిన భార్య. పోలీసులకు ఫిర్యాదు చేసిన బాధితుడు గురునాథ్‌. భార్య రాణి, కొడుకు సహా మరోముగ్గురిపై కేసు నమోదు.
  • హైదరాబాద్‌: పంజాగుట్టలో దొంగల బీభత్సం. అర్ధరాత్రి ముగ్గురు మహిళలు ఉన్న ఇంటిలోకి ప్రవేశించిన దొంగలు. తీవ్రంగా ప్రతిఘటించిన మహిళలు. ఓ మహిళపై సుత్తితో దాడి చేసిన దొంగ. మహిళకు తీవ్ర గాయాలు, ఆస్పత్రికి తరలింపు. సీసీ ఫుటేజ్‌ ఆధారంగా దర్యాప్తు చేస్తున్న పోలీసులు.
  • సెల్ఫ్‌ డిసిప్లేన్‌ లేకపోవడంతో ప్రమాదాలు జరుగుతున్నాయి. ఫైన్‌లు వేసినంత మాత్రానా మార్పు రాదు. వాహనదారులు స్వీయ క్రమశిక్షణ అలవర్చుకోవాలి. బయోడైవర్సిటీ ప్రమాదం తర్వాత అనేక చర్యలు చేపట్టాం. వాహనదారుల్లో మార్పు రాకుంటే నిర్దిష్ట వేగాన్ని కఠినంగా అమలు చేస్తాం. వాహనదారులు సర్కస్‌ ఫీట్లు చేస్తున్నారు కాబట్టి ప్రమాదాలు జరుగుతున్నాయి. నిబంధనలు పాటించేవారు కూడా నష్టపోతున్నారు -టీవీ9తో ట్రాఫిక్‌ డీసీపీ విజయ్‌కుమార్‌.
  • ఖమ్మం కలెక్టరేట్‌ దగ్గర ఉద్రిక్తత. రెండు రోజుల క్రితం అదృశ్యమైన హాస్టల్‌ విద్యార్థి మృతదేహం లభ్యం. గోపాలపురం దగ్గర ఎన్‌ఎస్పీ కాలువలో మృతదేహం గుర్తింపు. మృతదేహంతో కలెక్టరేట్‌ దగ్గర బంధువుల ఆందోళన.
  • అమరావతి: ఐటీ దాడుల పూర్తి పంచనామా రిపోర్ట్‌ విడుదల. భారీగా డైరీలు, రిజిస్టర్‌లు స్వాధీనం చేసుకున్నట్టు వెల్లడించిన ఐటీశాఖ. కొన్ని విలువైన డాక్యుమెంట్లు సీజ్‌. ఏవీ సుబ్బారెడ్డికి చెందిన లాకర్లు సీజ్‌ చేసినట్టు పంచనామాలో వెల్లడి.

మద్యం మత్తులో యువతి బీభత్సం.. కానిస్టేబుల్‌ను కొరికి..

Woman attack cops in Hyderabad, మద్యం మత్తులో యువతి బీభత్సం.. కానిస్టేబుల్‌ను కొరికి..

హైదరాబాద్‌ బంజరాహిల్స్ పోలీస్ స్టేషన్‌లో ఓ యువతి బీభత్సం సృష్టించింది. మహిళా ఎస్సైతో పాటు.. ఇద్దరు కానిస్టేబుల్స్‌పై దాడికి దిగింది. బంజరాహిల్స్‌లోని జహీరా నగర్ ప్రాంతంలో మద్యం మత్తులో లీసా అనే ఓ యువతి పడి ఉండటాన్ని పోలీసులు గమనించారు. దీంతో ఆమెను పోలీసులు స్టేషన్‌కు తీసుకొచ్చారు. అయితే మద్యం మత్తుదిగిన తర్వాత సదరు యువతి పోలీసులతో వాగ్వాదానికి దిగింది. పారిపోయేందుకు ప్రయత్నించింది. ఈ క్రమంలో మహిళా పోలీసులు ఆమెను అడ్డుకున్నారు. దీంతో ఆ యువతి పోలీసులను అసభ్య పదజాలంతో దూషిస్తూ.. ముగ్గురు కానిస్టేబుల్స్‌పై దాడికి దిగింది. అడ్డొచ్చిన ఓ మహిళా కానిస్టేబుల్ చేతిని కొరికింది. మరో కానిస్టేబుల్ చున్నీ లాగేసి.. మెడపై రక్కింది. ఆ యువతి వివరాలు అడిగి తెలుసుకునేందుకు ప్రయత్నించగా.. అంతు చూస్తానంటూ పోలీసులకే వార్నింగ్‌ ఇచ్చింది. ఎట్టకేలకు మిగతా పోలీసులు ఆ యువతిని పట్టుకుని కూర్చొబెట్టారు. చివరకు ఆ యువతి నాగాలాండ్‌కు వాసురాలిగా గుర్తించారు. నగరంలో మాదాపూర్‌లోని ఓ ఐటీ కంపెనీలో ఉద్యోగం చేస్తున్నట్లు గుర్తించారు.

Related Tags