వాతావరణం మారినా కోవిడ్- 19 వ్యాప్తి ఆగదట

వేడి వాతావరణం ఉన్నా.. లేక క్లైమెట్ మారి తేమతో కూడిన వాతావరణం ఉన్నా కరోనా వైరస్ వ్యాప్తిని ఆపజాలమని పరిశోధకులు చెబుతున్నారు. మనుషుల్లో రోగ నిరోధక శక్తి అయినా పెరగాలి.. లేదా ఈ వైరస్ ని నిర్మూలించే ‘సమర్థమైన’ వ్యాక్సీన్ అయినా రావాలి.. అంతే తప్ప.. క్లైమేట్ లో మార్పుల కారణంగా ఈ వైరస్ మహమ్మారి తగ్గుతుందనుకోవడం అపోహే అని ప్రిన్స్ టన్ యూనివర్సిటీ రీసెర్చర్లు స్పష్టం చేశారు. ప్రపంచ జనాభాపై ఈ వైరస్ తీవ్ర ప్రభావం చూపుతూనే ఉంటుంది అని వారు హెచ్చరించారు. ప్రస్తుత ఇన్ఫెక్షన్ రేటులో లోకల్ క్లైమాటిక్ కండిషన్స్ విషయానికే వస్తే.. ఎలాంటి మార్పులు కనిపించడం లేదని వీరు పేర్కొన్నారు. ప్రపంచ వ్యాప్తంగా వేర్వేరు వాతావరణ పరిస్థితుల్లో ఈ కరోనా వైరస్ ఎలా ‘రెస్పాండ్’ అవుతుందో తెలుసుకునేందుకు  వీరు ప్రత్యేక సాధనాలను వాడారు. లోగడ ఈ విధమైన సీజనల్ వైరస్ లయిన ఇన్ ఫ్లు యెంజా వైరస్. హ్యూమన్ కరోనా వైరస్, హెచ్ యు 1, హ్యూమన్ కరోనా వైరస్ ఓసీ 43 లకు సంబంధించిన డేటా ఆధారంగా తమ స్టడీని ఈ పరిశోధకులు రూపొందించారు.