మీరు వృద్దాప్యంలో ఉన్నారా… అయితే మద్యపానం మీకు మంచిదే..

మద్యపానం అనడంతోనే ఆరోగ్యానికి హానీకరం అని అందరూ అభిప్రాయపడతారు. అయితే ఇది అందరికీ కాదు.. కొందరికి మాత్రమే.. అలా అని అన్ని వయస్సుల వారికి కాదు.. ఓ వయస్సులో ఉన్నవారికే.. ఓ వయస్సులో ఉన్నవారికి మద్యం తాగడం ఆరోగ్యదాయకమని తేలింది. మద్యపానంపై పరిశోధన చేపట్టిన మంచెస్టర్ లోని బోస్టన్ మెడికల్ బృందం ఈ విషయాన్ని తెలిపింది.

యూఎస్ లో పరిశోధన చేపట్టిన వైద్య బృందం మద్యపానం ఏటా 1500 మరణాలను నిరోధిస్తుందని తేల్చారు. వీరు అన్ని వయస్సుల వారిపై ప్రత్యేకంగా పరిశోధనలు చేపట్టారు. ముఖ్యంగా 20 నుంచి 49 ఏళ్లలోపు మద్యం సేవించే వారిని పరిశీలించారు. అలాగే 65 వయస్సు దాటిన వృద్ధులపై కూడా పరిశోధనలు చేపట్టారు. బోస్టింగ్ వైద్యం బృందంలోని డాక్టర్ నైమీ మద్యపానం గురించి పలు ఆసక్తికరమైన విషయాలను తెలిపారు. పదేళ్ల క్రితం వరకు మద్యపానం ఆరోగ్యానికి మంచిదే అన్న అభిప్రాయం ఉండేదని తెలిపారు. అయితే తాను చేపట్టిన పరిశోధనలో అల్కాహాల్ అనేది ఓ వయస్సు వారికే ఆరోగ్యమని తేలిందని పేర్కొన్నారు. ముఖ్యంగా 20 నుంచి 49 ఏళ్లలోపు ఉన్న వారు మద్యం సేవించడం ద్వారా బ్రెస్ట్ క్యాన్సర్, గ్యాస్ట్రిటిస్, లివర్ క్యాన్సర్, వంటి రోగాల బారిన పడుతున్నారని తెలిపారు. అంతేకాదు వీరిలో దాదాపు 40 నుంచి 50 శాతం మంది ఈ రోగాలతో మరణిస్తున్నారన్నారు.

యూఎస్ లో 2006-10 మధ్య మరణించిన వారిలో దాదపు 36శాతం అల్కాహాల్ ప్రభావంతో మరణించిన వారేనని తేలింది. ఈ చనిపోయిన 36శాతం మందిలో దాదపు లివర్ క్యాన్సర్, ప్యాంక్రియాటైటిస్ వంటి రోగాలతోనే అని తేలింది. అయితే ఈ వయస్సులో ఉన్న వారు కేవలం 4.5శాతం మంది మాత్రమే ఆరోగ్యంగా ఉంటున్నారని తేలింది. అది కూడా వారు తీసుకునే మద్యం మోతాదుగా ఉండడమే కారణమని డాక్టర్ నైమీ తెలిపారు.

మద్యం సేవిస్తున్న 65 ఏళ్ల వారిపై జరిపిన పరిశోధనలో పలు ఆసక్తి కర విషయాలు బయటపడ్డాయి. వృద్దాప్య దశలో రోజుకు ఓ పెగ్గు మద్యం సేవించే వారు ఆరోగ్యంగా ఉంటున్నట్లు తెలిపారు. అంతేకాదు ఆ వయస్సులో రోజుకు కాస్త మద్యం సేవిచడం ద్వారా వారి జీవితకాలం కూడా పెరుగుతోందని తెలిపారు. ఆ వయస్సులో సాధారణ రోగాలు వీరి దరిచేరవని డాక్టర్ నైమీ అన్నారు. మొత్తానికి బోస్టన్ వైద్య బృందానికి చెందిన డాక్టర్ నైమీ చెప్పిన ప్రకారం 50ఏళ్లలోపు ఉన్నవారు మద్యం సేవించడం అనారోగ్యానికి దారితీస్తోందని.. అదే 65ఏళ్లపై బడ్డ వారు మద్య సేవించడం ఆరోగ్యదాయకమని అన్నారు. అంతే కాదు ఈ వయస్సులో ఉన్నవారు మితంగా మద్యం సేవించడం ద్వారా రోగాల బారిన పడుకుండా ఉంటారని డాక్టర్ నైమీ పేర్కొన్నారు.