Breaking News
  • విశాఖ: బ్లూఫ్రాగ్‌ టెక్నాలజీస్‌పై కొనసాగుతున్న సీఐడీ విచారణ. 8 సర్వర్లకు చెందిన డేటాను సేకరించిన అధికారులు. డేటాను విశ్లేషిస్తున్న సీఐడీ అధికారులు. ప్రభుత్వ ఇసుక పోర్టల్‌ను హ్యాక్‌ చేసి.. కృత్రిమ కొరత సృష్టించినట్టు బ్లూఫ్రాగ్‌పై అభియోగాలు.
  • హైదరాబాద్‌: అధికారులతో రైల్వే సేఫ్టీ కమిషనర్‌ భేటీ. కాచిగూడ రైలు ప్రమాదంపై చర్చ. ప్రకాశం జిల్లా: ఒంగోలులో మనబడి నాడు-నేడు కార్యక్రమం ప్రారంభం. కార్యక్రమాన్ని ప్రారంభించిన సీఎం జగన్. వివిధ శాఖలు ఏర్పాటు చేసిన స్టాళ్లను పరిశీలించిన జగన్‌.
  • ప.గో: యలమంచిలి మండలం కాజ గ్రామంలో రోడ్డుప్రమాదం. అదుపుతప్పి పంట కాలువలోకి దూసుకెళ్లిన కారు. దంపతులకు తీవ్రగాయాలు, ఆస్పత్రికి తరలింపు.
  • అనంతపురం: కల్యాణదుర్గంలో కాలువలోకి దూసుకెళ్లిన కాలేజ్‌ బస్సు. ప్రమాద సమయంలో బస్సులో 48 మంది విద్యార్థులు. విద్యార్థులకు తృటిలో తప్పిన ముప్పు. డ్రైవర్‌ నిర్లక్ష్యమే కారణమంటున్న విద్యార్థుల తల్లిదండ్రులు.
  • భూపాలపల్లిలో కొనసాగుతున్న బంద్‌. ఆర్టీసీ డ్రైవర్‌ నరేష్‌ ఆత్మహత్యకు నిరసనగా బంద్‌. డిపోల్లోనే నిలిచిపోయిన ఆర్టీసీ బస్సులు.
  • అమరావతి: మంగళగిరి జనసేన కార్యాలయంలో బాలల దినోత్సవం. పాల్గొన్న జనసేన అధ్యక్షుడు పవన్‌కల్యాణ్‌. పిల్లలకు పుస్తకాలను పంపిణీ చేసిన పవన్‌కల్యాణ్‌.
  • హైదరాబాద్‌: కూకట్‌పల్లిలో నియోజకవర్గంలో మంత్రి కేటీఆర్‌ పర్యటన. పలు అభివృద్ధి కార్యక్రమాలను ప్రారంభించిన కేటీఆర్‌. కూకట్‌పల్లిలో ఇండోర్‌ స్టేడియం ప్రారంభం. మల్టీపర్పస్‌ స్పోర్ట్స్ కాంప్లెక్స్‌ను.. పిల్లలతో కలిసి ప్రారంభించిన మంత్రి కేటీఆర్‌. డబుల్ బెడ్‌రూమ్ కాంప్లెక్స్‌ను ప్రారంభించిన కేటీఆర్. అధికారిక కార్యక్రమాల్లో ఫ్లెక్సీలపై కేటీఆర్‌ వార్నింగ్‌. ఫ్లెక్సీలు తొలగిస్తేనే కార్యక్రమానికి వస్తానన్న కేటీఆర్‌. కేటీఆర్‌ ఫ్లెక్సీలు తొలగించిన సిబ్బంది.

శ్రుతీ ఆశలు నెరవేరుతాయా..!

తండ్రికి తగ్గ వారసురాలిగా సినీ ఇండస్ట్రీలో మంచి పేరునే సాధించుకుంది లోకనాయకుడు తనయ శ్రుతీ హాసన్. కేవలం హీరోయిన్‌గానే కాదు సింగర్‌, మ్యూజిక్ డైరక్టర్‌గా ఆమె అందరినీ ఆకట్టుకుంది. అంతేకాదు మంచి పర్‌ఫార్మెన్స్‌తో పలు హిట్లను కూడా ఖాతాలో వేసుకుంది. అయితే కెరీర్ పీక్ స్టేజ్‌లో ఉన్నప్పుడే ఇటాలియన్‌కు చెందిన మైఖేల్‌తో ప్రేమలో పడటంతో సినిమాలకు దూరమైంది. ఇలా దాదాపుగా రెండు సంవత్సరాలుగా ప్రేక్షకులను పలకరించలేదు ఈ బ్యూటీ. కాగా ఇటీవలే శ్రుతీకి, మైఖేల్‌తో బ్రేకప్ అవ్వడంతో.. ఇప్పుడు సినిమాలపై మళ్లీ ఫోకస్ పెట్టింది. అప్పటిలా కాకుండా తనకు మంచి ప్రాధాన్యత ఉన్న సినిమాలనే ఎంచుకుంటోందట.

ఈ క్రమంలో ఇప్పుడు శ్రుతీహాసన్ చేతిలో మూడు సినిమాలు ఉన్నాయి. అందులో కోలీవుడ్‌లో విజయ్ సేతపతి ‘లాభం’, హిందీలో ‘పవర్’.. తెలుగులో రవితేజ 66వ చిత్రం. వీటిలో పవర్ షూటింగ్ పూర్తి అవ్వగా.. లాభం చిత్రీకరణ శరవేగంగా జరుగుతోంది. ఇక ఈ మూవీ షూటింగ్‌లో శ్రుతీహాసన్ అదరగొట్టేసిందట. ఈ విషయాన్ని చిత్ర యూనిట్ ఇటీవల వెల్లడించింది. శ్రుతీ హాసన్ హార్డ్ వర్క్‌కు హ్యాట్సాఫ్ అంటూ దర్శకుడు కూడా కితాబిచ్చాడు. ఇక రవితేజ చిత్రం త్వరలో ప్రారంభం కానుంది. వీటితో పాటు మరో హాలీవుడ్ ప్రాజెక్ట్‌లోనూ భాగం కాబోతోంది శ్రుతీ. ప్రముఖ డిస్నీ సంస్థ తెరకెక్కించిన ‘ఫ్రోజెన్ 2’ను ఇండియాలోని కొన్ని భాషల్లో విడుదల కాబోతోంది. ఈ నేపథ్యంలో ఈ మూవీలోని ఎల్సా కారెక్టర్‌కు తమిళ్‌లో డబ్బింగ్ చెప్పబోతోంది శ్రుతీ. వీటన్నింటిని బట్టి చూస్తుంటే శ్రుతీ మళ్లీ బిజీ అయినట్లు అర్థమవుతున్నా.. మునుపటి స్థానాన్ని సంపాదించుకోగలదా..? అన్నది కాస్త అనుమానంగా మారింది. ఎందుకంటే ప్రతి ఇండస్ట్రీల్లోనూ కొత్త హీరోయిన్లు పుట్టుకొస్తున్న ఈ కాలంలో.. దర్శకనిర్మాతలు మొదట వారికే ప్రాముఖ్యతను ఇస్తున్నారు. దీంతో ఇన్ని రోజులు టాప్ హీరోయిన్లుగా పేరొందిన కాజల్, తమన్నా, అనుష్క, సమంత లాంటి హీరోయిన్లకు అప్పటిలాగా స్టార్ హీరోల సరసన నటించే ఆఫర్లు రావడం లేదు. అలాగే ఇంకా ప్రభాస్ నటించాల్సిన టాప్ హీరోల లిస్ట్‌ కూడా బాగానే ఉంది. ఇలాంటి నేపథ్యంలో శ్రుతీ రీ ఎంట్రీ కెరీర్ ఎలా ఉండబోతోంది..? ఇంతవరకు నటించని టాప్ హీరోలతో ఇప్పుడైనా ఆమె నటిస్తుందా..? ఈ ప్రశ్నలన్నింటికి సమాధానం కావాలంటే కొద్ది రోజులు ఆగాల్సిందే.