Breaking News
  • ఆల్ టైమ్ రికార్డ్సు స`ష్టిస్తున్న గోల్డ్ , సిల్వర్ . 10 గ్రాముల బంగారం రూ 58,330 . కేజీ వెండి రూ 78,300. ఈ వారంలోనే మూడు సార్లు పెరిగిన బంగారం ధర . ప్రతిసారీ 8వందల నుంచి వేయి పెరిగిన గోల్డు. 65 వేలకు చేరుకుంటుందంటున్న మార్కెట్ అంచనాలు.
  • ప్రముఖ మాజీ క్రికెటర్ సచిన్ టెండూల్కర్ పై అసభ్యకరంగా సోషల్ మీడియాలో పోస్ట్ పెట్టిన వ్యక్తి అరెస్ట్.. పిడుగురాళ్ల మండలం చెందిన వందనపు నాగారాజు ఈ నెల 2వ తారీఖున క్రికెటర్ సచిన్ టెండూల్కర్ పై సోషల్ మీడియాలో అసభ్యకరంగా పోస్ట్ ముంబైలో కేసు నమోదు. ఐపీ అడ్రస్ పిడుగురాళ్ల గా గుర్తింపు. పోస్ట్ పెట్టిన వ్యక్తి ని అదుపులోకి తీసుకున్న ముంబై పోలీసులు.
  • టీవీ9 తో ఎ పి జైళ్ల శాఖ ఐ జి జయవర్ధన్.. ఆంధ్రప్రదేశ్ రాష్ట్ర వ్యాప్తంగా అన్ని జైళ్లలో ఉన్న ఖైదీలకు కరోనా టెస్టులు చేయిస్తున్నాం. ఇప్పటివరకు రాష్ట్రవ్యాప్తంగా 420 మంది ఖైదీలకు, 60 మంది స్టాఫ్ కు కరోనా పాజిటివ్ వచ్చింది. నిన్న ఒక్కరోజే రాజమండ్రి సెంట్రల్ జైలు లో 245 మందికి పాజిటివ్ వచ్చింది. రాజమండ్రి సెంట్రల్ జైల్ లోనే ఐసోలేషన్ సెంటర్ ని ఏర్పాటు చేశాం. పాజిటివ్ వచ్చినవాళ్ళల్లో ఎక్కువశాతం మైల్డ్ కేసులు ఉన్నాయి. రాష్ట్ర వ్యాప్తంగా ఉన్న అన్ని జైళ్లకు అప్రమత్తత చేశాం. ఐసోలేషన్ సెంటర్ నుంచి ఖైదీల పారిపోవడానికి ప్రయత్నిస్తే శిక్షలు కఠినంగా ఉంటాయి. ఖైదీలకు నాణ్యమైన ఆహారాన్ని వైద్య సౌకర్యాన్ని అందిస్తూ డాక్టర్ల పర్యవేక్షణ చేస్తున్నాం. పాజిటివ్ వచ్చిన ఖైదీల వివరాలు కుటుంబ సభ్యులకు సమాచారం అందిస్తున్నాము. ఖైదీల కుటుంబ సభ్యులు ఆందోళన చెందాల్సిన అవసరం లేదు.
  • అనంతపురం కన్సెప్ట్ సిటీ కన్సల్టెంట్ గా CBRE సౌత్ ఆసియా ప్రైవేట్ లిమిటెడ్ . భవిష్యత్ వ్యాపార అవసరాల కోసం రాష్ట్రం లో 3 కాన్సెప్ట్ సిటీలు ప్లాన్ చేసిన సర్కార్ . అనంతపురం కాన్సెప్ట్ సిటీకి కాన్సెప్టువల్ ప్లాన్, ఫీజబిలిటి రిపోర్ట్, బిజినెస్ స్ట్రాటజీ, ఫైనాన్సియల్ మోడల్ ప్రణాళిక సిద్దం చేసి అమలు చేయనున్న CBRE. ఇందుకోసం దాదాపు 85 లక్షల రూపాయలకు పరిపాలన అనుమతులు మంజూరు.
  • తమిళనాడు లో ఘోర రోడ్డు ప్రమాదం. కోయిఅంబత్తూర్ లోని ఆనకట్ట రహదారిలో చెట్టుని డీ కొట్టిన కారు . కారులో ప్రయాణిస్తున్న యువకులలో నలుగురు మృతి , ఒకరి పరిస్థితి విషమం . కారు అతివేగం గా నడపడం ప్రమాదానికి కారణం . ఫ్రెండ్స్ పుట్టినరోజు వేడుకలు వెళ్లివస్తుండగా జరిగిన ఘటన.
  • దేశవ్యాప్తంగా పాజిటివిటీ రేటు 8.87శాతం, రాష్ట్రంలో పాజిటివిటీ రేటు 8.56శాతం, కర్ణాటకలో 9.88శాతం, తమిళనాడులో 9.26శాతం, మహారాష్ట్రలో 19.36శాతం, ఢిల్లీలో 12.75శాతం. మరణాల రేటు దేశంలో 2.07శాతం, ఏపీలో 0.89శాతం. కర్ణాటకలో 1.85శాతం, కర్ణాటకలో 1.85శాతం, తమిళనాడులో 1.63శాతం, మహారాష్ట్రలో 3.52శాతం. ప్రతి పదిలక్షల మందిలో 43,059 మందికి పరీక్షలు. శ్రీకాకుళం, కర్నూలు, కడప, కృష్ణా, నెల్లూరు, పశ్చిమగోదావరి, చిత్తూరులో రాష్ట్రం సగటుకన్నా ఎక్కువ పరీక్షలు.
  • ఈఎస్ఐ స్కామ్ లో అరెస్టైన ఏపీ సచివాలయ ఉద్యోగి మురళీ మోహన్ ను సస్పెండ్ చేసిన ప్రభుత్వం . గత నెల 10 తేదీన సచివాలయంలో మురళీ మోహన్ ను అరెస్ట్ చేసిన ఏసీబీ. కార్మిక శాఖ మాజీ మంత్రికి వ్యక్తిగత కార్యదర్శిగా పనిచేసిన కాలంలో ఈఎస్ఐ కుంభకోణంలో మురళీ పాత్ర ఉందని ఏసీబీ అభియోగం. అరెస్టైన నాటి నుంచి సస్పెన్షన్ ఉత్తర్వులు అమల్లోకి వస్తాయని ఆదేశాలు. ప్రస్తుతం పట్టణాభివృద్ధి శాఖలో సెక్షన్ ఆఫీసరుగా విధులు నిర్వహిస్తోన్న మురళీ మోహన్.
  • భూముల విలువలు భారీగా పెరుగుతున్న నేపథ్యంలో జిల్లాలోని సబ్ రిజిస్ట్రార్ కార్యాలయాల్లో రిజిస్ట్రేషన్ల సందడి . భుాముల విలువ పె౦పు అమలులోకి వస్తే భార౦ పడుతుందని ము౦దుగానే రిజిస్ట్రేషన్ లు వెలుతోన్న జిల్లా వాసులు.

అసెంబ్లీ ఛాన్స్ మిస్.. లోక్‌సభ సస్పెన్స్

Lok Sabha ELections, అసెంబ్లీ ఛాన్స్ మిస్.. లోక్‌సభ సస్పెన్స్

గత ఏడాది చివర్లో జరిగిన తెలంగాణ అసెంబ్లీ ఫలితాల్లో టీఆర్ఎస్ పార్టీ ఘన విజయం సాధించింది. ఊహించని దాని కంటే ఎక్కువ సీట్లనే సొంతం చేసుకొని, రెండోసారి సీఎం పీఠాన్ని సొంతం చేసుకున్నారు కేసీఆర్. కాగా ఆ ఎన్నికల్లో కాంగ్రెస్, బీజేపీలో పేరు మోసిన నాయకులు సైతం ఓడిపోయారు. అయితే వారిలో కొంతమంది తాజాగా జరిగిన లోక్‌సభ బరిలో నిలిచారు. మరి ఈ ఎన్నికల్లోనైనా వారు గెలుస్తారా..? అన్న విషయంపై రాజకీయవర్గాల్లో చర్చ జరుగుతోంది.

రేవంత్ రెడ్డి:
కొడంగల్‌లో ఓటమి ఎరగని నాయకుడిగా పేరొందిన రేవంత్ రెడ్డికి.. అసెంబ్లీ ఎన్నికల ఫలితాలు గట్టి షాక్‌ను ఇచ్చారు. ఆ ఎన్నికల్లో కాంగ్రెస్‌ తీర్థం పుచ్చుకొని ఆ పార్టీ నుంచి పోటీ చేసిన రేవంత్‌కు.. సొంత నియోజకవర్గంలో మొదటిసారి వ్యతిరేకత వచ్చింది. దీంతో ఈ ఎన్నికల్లో ఎంపీగా మల్కాజ్‌గిరి నుంచి అదృష్టం పరీక్షించుకుంటున్నారు రేవంత్. హైదరాబాద్‌ను దేశానికి రెండో రాజధానిగా ప్రకటించాలని లోక్‌సభలో అడుగుపెట్టగానే ప్రైవేట్ బిల్లను పెడతానంటూ ప్రముఖంగా హామీ ఇచ్చి అందర్నీ ఆలోచింపజేశారు రేవంత్. మరి ఎంపీగా రేవంత్ గెలుస్తారో..? లేదో..? అన్నది కొన్ని గంటల్లో తేలనుంది.

కిషన్ రెడ్డి:
తెలంగాణ బీజేపీలో కీలకమైన వ్యక్తుల్లో ఒకరైన కిషన్ రెడ్డికి అసెంబ్లీ ఎన్నికలు మొండిచేయి చూపాయి. అంబర్‌పేట్ నుంచి ఆయన ఓడిపోయారు. తాజాగా సికింద్రాబాద్ నుంచి ఎంపీ బరిలో పోటీ చేశారు కిషన్ రెడ్డి. ఇక్కడ ఆయన గెలిస్తే కేంద్రంలో మంత్రి పదవి దక్కుతుందంటూ జోరుగా ప్రచారం జరుగుతుండగా.. ఆయనకు ఈ ఎన్నికలు కీలకంగా మారాయి.

రామచంద్రరావు:
అసెంబ్లీ ఎన్నికల్లో పోటీ చేసి ఓడిన ముఖ్య నేతలలో రామచంద్రరావు ఒకరు. మల్కాజ్‌గిరి అసెంబ్లీ స్థానం నుంచి ఎమ్మెల్యేగా పోటి చేసిన ఆయన అక్కడి నుంచి ఓడిపోయారు. ఇప్పుడు అదే నియోజకవర్గం నుంచి ఆయన ఎంపీగా బరిలో ఉన్నారు. మరి ఈ ఎన్నికల్లో ఆయన విజయం సాధిస్తారో..? లేదో..? చూడాలి.

ఫిరోజ్ ఖాన్:
హైదరాబాద్ లోక్‌సభ స్థానంలో ఎంఐఎం హవాకు అడ్డుకట్ట వేసేలా కాంగ్రెస్ పార్టీ మహమ్మద్ ఫిరోజ్‌ఖాన్‌ను బరిలోకి దింపింది. అసెంబ్లీ ఎన్నికల్లో ఆయన నాంపల్లి నుంచి కాంగ్రెస్ తరపున పోటీ చేసి రెండో స్థానంలో నిలిచారు. గెలుపు కోసం చెమటోడ్చారు. దీంతో ఆయన మజ్లిస్ జోరుకు అడ్డుకట్ట వేయగలా..? అంటూ అందరూ ఆసక్తిగా అటువైపు చూస్తున్నారు.

Related Tags