Breaking News
  • ఎల్ 1 గా షాపూర్జీ-పల్లొంజీ: సనీకృత కొత్త సచివాలయం నిర్మాణానికి టెండర్లు ఖరారు. బిడ్లలో ఎల్ 1 గా నిలిచి నిర్మాణం పనుల టెండర్ ను చేజిక్కించుకున్న ప్రముఖ నిర్మాణ సంస్థ షాపూర్జీ-పల్లొంజీ. 12 నెలలలోపు నిర్మాణం పనులు పూర్తి చేయాలనే కచ్ఛితమైన నిబంధనను పెట్టిన ప్రభుత్వం. టెండర్లు ఖరారైన నేపథ్యంలో ప్రభుత్వం - షాపూర్జీ-పల్లొంజీ సంస్థల మధ్య అగ్రిమెంట్. త్వరలో నిర్మాణ పనులు ప్రారంభం. చివరివరకు బరిలో నిలిచిన మరో ప్రముఖ నిర్మాణ సంస్థ ఎల్ అండ్ టీ.
  • స్థానిక ఎన్నికల నిర్వహణకు అభ్యంతరం తెలిపిన ఏపీ అధికారులు. ఈసీతో సీఎస్‌ నీలంసాహ్ని, పంచాయతీరాజ్‌ కమిషనర్‌ గిరిజాశంకర్‌ భేటీ. ఎన్నికల నిర్వహణ కష్టమని ఎస్‌ఈసీకి స్పష్టం చేసిన ఏపీ అధికారులు. రాష్ట్రంలో కరోనా పరిస్థితులు వివరిస్తూ నివేదిక. కరోనా నియంత్రణకు ప్రభుత్వం అన్ని చర్యలు తీసుకుంటోంది. కానీ పరిస్థితి ఇంకా అదుపులోకి రాలేదు. అధికారులు, ఉద్యోగులు కూడా కరోనా బారిన పడ్డారు. 11 వేల మందికిపైగా పోలీసులు కరోనా బారిన పడ్డారు. ఎన్నికల నిర్వహణకు అనుకూల పరిస్థితులు రాగానే.. సమాచారమిస్తామని ఎస్‌ఈసీకి ఏపీ అధికారుల నివేదిక.
  • కామారెడ్డి జిల్లా: జిల్లా పరిధిలోని అడ్లూర్ గ్రామంలో పాత కక్షలతో ఒకే కుటుంబానికి చెందిన ఇరు వర్గాల దాడి. తన పొలంలో మరో కుటుంబానికి చెందిన వారు గేదెలు మేపుతున్నారని దాడి. ఇదే క్రమంలో ఇరు కుటుంబాల మధ్య ఘర్షణ, పలువురికి గాయాలు. పోలీస్ స్టేషన్ లో ఇరు కుటుంబ సభ్యుల పిర్యాదు.
  • అమరావతి: అనంతపురం పోలీసులను అభినందించిన డీజీపీ సవాంగ్. కిడ్నాపర్ల చెర నుంచి వైద్యుడిని కాపాడిన అనంతపురం పోలీసులు. నేరాల నియంత్రణలో ఏపీ పోలీసుల పనితీరుకు ఈ ఘటన ఒక ఉదాహరణ. ప్రజల రక్షణ కోసం ఏపీ పోలీసులు నిరంతరం శ్రమిస్తూనే ఉంటారు. -ఏపీ డీజీపీ గౌతమ్‌ సవాంగ్.
  • కరీంనగర్‌: జమ్మికుంట మండలంలో మంత్రి ఈటల పర్యటన. జగయ్యపల్లెలో వరి ధాన్యం కొనుగోలు కేంద్రాలు ప్రారంభం. రైతు తెచ్చిన ధాన్యాన్ని ఇబ్బందులు పెట్టకుండా దిగుమతి చేసుకోవాలి. రైతులు, మిల్లుల యజమాన్యాలు పరస్పరం సహకరించుకోవాలి. రైతులను ఇబ్బందులకు గురిచేస్తే చర్యలు తప్పవు-ఈటల.
  • హైదరాబాద్‌: గాంధీనగర్‌ పీఎస్‌లో ఏసీబీ సోదాలు. రూ.30 వేలు లంచం తీసుకుంటూ ఏసీబీకి పట్టుబడ్డ ఎస్సై లక్ష్మీనారాయణ.
  • వికారాబాద్:దామగూడెంలో ఫామ్ హౌజ్‌ను పరిశీలించిన డీఎస్పీ శ్రీనివాస్‌. నిర్వాహకుల నుండి వివరాలు సేకరించిన పోలీసులు. ఆవుపై కాల్పులు జరిపిన ప్రదేశాన్ని పరిశీలించిన పోలీసులు. గోమాతపై కాల్పుల వెనుక కుట్ర కోణం ఉందంటూ స్వామీజీల ఆగ్రహం. రెండు రోజుల్లో నిందితుడిని అదుపులోకి తీసుకుంటామని డీఎస్పీ హామీ.
  • జగిత్యాల: యువతి హత్య కేసులో ముగ్గురికి జీవితఖైదు. ముగ్గురికి జీవితఖైదు విధించిన జగిత్యాల జిల్లా అదనపు కోర్టు. 2015లో ఎన్గుమట్లలో మౌనశ్రీని హత్యచేసిన కుటుంబం.

ఏజెన్సీలో పేలిన నాటు తుపాకీ..గిరిజన యువకుడు మృతి

విశాఖ ఏజెన్సీ డుంబ్రిగుడ మండలంలో నాటుతుపాకీ కాల్పులు కలకలం రేపాయి. ఈ కాల్పుల్లో సుమారు 24 ఏళ్ల యువకుడు ప్రాణాలు కోల్పోయాడు. జరిగిన ఘటనతో ఏజెన్సీ పోలీసు యంత్రాంగం అప్రమత్తం అయ్యింది. పరిసర పోలీస్ స్టేషన్లను అలర్ట్ చేశారు పోలీసులు.

wild-boar killed by poacher’s bullets in Vizag Agency, ఏజెన్సీలో పేలిన నాటు తుపాకీ..గిరిజన యువకుడు మృతి

విశాఖ ఏజెన్సీ ప్రాంతంలో వన్యప్రాణుల కోసం వేటగాళ్లు ఉచ్చులు ఏర్పాటు చేస్తుంటారు. మరికొన్ని సమయాల్లో కొందరు తుపాకులతో వేటాడుతుంటారు. నాటు తుపాకులతో అడవి జంతువుల కోసం వేటాడే క్రమంలో జరిపిన కాల్పుల్లో స్థానిక గిరిజన యువకుడు ప్రాణాలు కోల్పోయాడు.

విశాఖ ఏజెన్సీ డుంబ్రిగుడ మండలం గదబగలుగులో నాటు తుపాకీ కాల్పులకు బలరాం అనే గిరిజన యువకుడు మృతిచెందాడు. వన్యప్రాణుల వేటకోసం 20 మంది గిరిజనులు వెళ్లి కొండపై గుంపులుగా విడిపోయారు. అయితే, అడవి పంది నెపంతో..ఓ బృందం కాల్పులు జరపడంతో అక్కడే ఉన్న మరో గ్రూప్‌కు చెందిన బలరాం అనే గిరిజనుడు బుల్లెటు్ల తగిలి ప్రాణాలు కోల్పోయాడు. అయితే, ఈ ఘటన జరిగిన వెంటనే పోలీసులు అలర్ట్ అయ్యారు. అన్ని పోలీస్ స్టేషన్లను అప్రమత్తం చేశారు.

ఏజెన్సీ ప్రాంతాల్లో వన్యప్రాణుల వేట సాగిస్తున్న వారిపై ఆరా తీశారు. వారంతా ఎంతకాలం నుండి వేటసాగిస్తున్నారనే విషయాలను తెలుసుకున్నారు. మరోవైపు గిరిజన యువకులకు నాటు తుపాకులు ఎక్కడి నుంచి వచ్చాయనే దానిపై కూడా ఆరా తీయటం మొదలు పెట్టారు. ఈ క్రమంలోనే గిరిజనులకు పలు సూచనలు చేశారు. నాటు తుపాకులు వినియోగించడం నేరమంటున్న అధికారులు..ఒకవేళ ఎవరిదగ్గరైనా నాటు తుపాకులుంటే సంబంధిత పోలీస్ స్టేషన్లలో వాటిని డిపాజిట్ చేయాలని సూచించారు. లేదంటే చట్టపరమైన చర్యలు తప్పవని డీఎస్పీ హెచ్చరించారు. ఈ ఘటనలో మరణించిన బలరాం కుటుంబ సభ్యులు కన్నీరు మున్నీరు విలపిస్తున్నారు.

Related Tags