Breaking News
  • ఢిల్లీ: భారత్ లో విజృంభిస్తున్న కరోనా వైరస్. ఒక లక్ష 82 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 182143. దేశ వ్యాప్తంగా యాక్టీవ్ కేసులు: 89995. కరోనా నుంచి డిశ్చార్జ్ అయిన బాధితులు: 86984. దేశం మొత్తం కరోనా తో మృతుల సంఖ్య : 5164. కేంద్ర ఆరోగ్య మంత్రిత్వ శాఖ.
  • ఆదిలాబాద్: తెలంగాణ పై మిడతల ప్రభావం లేదు. రైతులు అందోళన చెందాల్సిన అవసరం లేదు. మిడుతలు దిశను‌ మార్చుకున్నాయి. తెలంగాణలో మిడతల వచ్చాయనే ప్రచారం అబద్ధం. మిడుతల వల్ల తెలంగాణ కు ముప్పు లేదు. మిడతలు దాడి చేస్తే ఎదుర్కోవడానికి సర్వసన్నద్దంగా ఉన్నాం. రైతులు భయబ్రాంతులు గురయ్యేలా, నష్టపోయేల అసత్య వార్తలు రాయవద్దని కోరుతున్నాం. మహారాష్ట్ర లో ఉ‌న్న మిడతలు తెలంగాణ లో ఉన్నట్లుగా చూపుతున్నారు ఇది అబద్దం.. రైతులు నమ్మవద్దని కోరుతున్నాం. - రెహ్మన్, సునిత శాస్త్రవేత్తలు మిడుతల పై సర్కార్ నియమించిన హైపవర్ కమీటి సభ్యులు
  • చిత్తూరు జిల్లా : ఆంధ్ర తమిళనాడు సరిహద్దుల్లో మిడతల దండు. అయితే ఇవి మహారాష్ట్రనుంచి వచ్చిన మిడతల దండు కాదంటున్న అధికారులు. కుప్పం సరిహద్దులోని తమిళనాడు వేపనపల్లి లో ప్రత్యక్షమైన మిడతల దండు. రాత్రికి రాత్రే పంటలు నాశనం చేస్తున్న మిడతలు. పచ్చగా కనిపించిన ప్రతి చెట్టుని తినేస్తున్న మిడతలు. అరటి చెట్లను వదలని మిడతలు. రంగంలోకి దిగిన అధికారులు..మిడతల పై ఫెర్టిలైజర్స్ చల్లి తరిమి కొట్టే ప్రయత్నం.
  • విశాఖ: మావొయిస్ట్ ఈస్ట్ డివిజన్ కార్యదర్శి అరుణ పేరుతో లేఖ విడుదల. మావోయిస్టులపై పోలీసులు దుశ్ప్రచారం అపాలి. మన్యంలో మావోయిస్టులు కరోనా వ్యాపిస్తున్నారని పోలీసులు తప్పుడు ప్రచారం చేస్తున్నారు. కూంబింగ్ పేరుతో గిరిజన గూడేల్లో భయాందోళనలకు గురిచేస్తున్నారు. మన్యంలో ఈపీడీసీఎల్ అధికారులు అవినీతికి పాల్ఫడుతున్నారు. పెదబయలు ఏఈ సోమరాజు, పాడేరు ఏడీఈ భాస్కరరావు అవినీతిపై విచారణ జరపాలి. ఉద్యోగాలు పేరుతో తీసుకున్న లంచాలను తిరిగి వసూళ్ళు చేయాలి. లేఖలో పేర్కొన్న మావోయిస్టులు.
  • రుతుపవనాలు ఇంకా కేరళ తీరానికి తాకలేదు. దీని పై మేము క్రమం తప్పకుండా మానిటరింగ్ చేస్తున్నాం. జూన్ 1 నుండి పరిస్థితులు అనుకూలంగా ఉంటాయని అనుకుంటున్నాం. ఆగ్నేయ అరేబియా సముద్రం, లక్షద్వీప్ సమీపంలో ఈ రోజు అల్ప పీడనం ఏర్పడింది. జూన్ 2 కి తుఫానుగా మారుతుందని మేము అనుకుంటున్నాం. జూన్ 3 సాయంత్రం నాటికి గుజరాత్ ,ఉత్తర మహారాష్ట్ర తీరం వైపుకు చేరుకుంటుంది. మృత్యుంజయ్ మోహపాత్రా, ఢిల్లీ IMD.
  • జమ్మూ కాశ్మీర్‌లో సీనియర్ ఐఎఎస్ అధికారి కి కరోనా పాజిటివ్‌. ఆయనతో పాటు సమావేశానికి హాజరైన పలువురు అధికారులు,వైద్యులను హోమ్ క్వారంటైన్ లో వెళ్లాలని సూచన.
  • మొబైల్ సేవల కోసం 11 అంకెల నంబరింగ్ ప్లాన్‌ను ట్రాయ్ సిఫారసు చేసినట్లు కొన్ని మీడియా సంస్థల లో వార్తలు వచ్చాయి. TRAI సిఫారసు ప్రకారం,దేశం లో 10-అంకెల నెంబర్ కొనసాగుతుంది. మేము 11-అంకెల నంబరింగ్ ప్లాన్‌కు మార్చడాన్ని ఖండిస్తున్నాం. టెలికాం రెగ్యులేటరీ అథారిటీ ఆఫ్ ఇండియా.

శ్రీవారి స‌న్నిధిలో వ‌న్య‌మృగాలు…ఈ చిత్రం ఎప్పుడైనా చూశారా ?!

వేలాది మంది భక్తులతో కిటకిటలాడుతూ క‌నిపించే శ్రీవారి ఆలయం నిర్మానుష్యంగా ద‌ర్శ‌న‌మిస్తోంది. భ‌క్తుల‌కు బ‌దులు ఇప్పుడు తిరుమల వీధుల్లో వన్యమృగాలు సంచ‌రిస్తున్నాయి.
wild animals coming road tirupati, శ్రీవారి స‌న్నిధిలో వ‌న్య‌మృగాలు…ఈ చిత్రం ఎప్పుడైనా చూశారా ?!
లాక్‌డౌన్ ఎఫెక్ట్‌:
ఎక్క‌డో చైనాలో పుట్టిన మ‌హ‌మ్మారి క‌రోనా ప్ర‌పంచ‌దేశాల‌ను వ‌ణికిస్తోంది. భార‌త్‌లోనూ ప్ర‌తాపం చూపిస్తోంది. చిన్నాపెద్ద‌, పేద, ధ‌నిక అనే బేదం లేకుండా అంద‌రినీ ప‌ట్టి పీడిస్తోంది. ఆఖ‌రుకు దేవుళ్ల‌ను కూడా క‌రోనా వెంటాడుతోంది. కోవిడ్ ధాటికి ఏకంగా క‌లియుగ వైకుంఠం తిరుమ‌ల తిరుప‌తి క్షేత్రంలోని శ్రీనివాసుడు కూడా త‌లుపులు మూసుకున్నాడు. లాక్‌డౌన్ ఎఫెక్ట్‌తో శ్రీవారి ద‌ర్శ‌నం లేని తిరుమ‌ల బోసిపోయింది. 24 గంటలపాటు గోవిందుడి నామస్మరణతో మారుమోగిపోవాల్సిన తిరుమల గిరులు నిశ్శబ్దంగా మారిపోయాయి. వేలాది మంది భక్తులతో కిటకిటలాడుతూ క‌నిపించే శ్రీవారి ఆలయం నిర్మానుష్యంగా మారింది. దీంతో తిరుమల వీధుల్లో వన్యమృగాలు సంచ‌రిస్తున్నాయి.
తిరుమ‌ల వీధుల్లో వ‌న్య‌మృగాలు:
తిరుమ‌ల వీధుల్లో వ‌న్య‌మృగాలు యథేచ్ఛగా సంచరిస్తున్నాయి. లాక్ డౌన్ కారణంగా తిరుమల దాదాపు నిర్మానుష్యంగా మారడంతో వన్యమృగాలు తిరుమల వీధుల్లోకి వచ్చేస్తున్నాయి. ముఖ్యంగా రెండు ఘాట్ రోడ్ల‌లో చిరుత‌ల సంచారం పెరిగింది.దీంతో స్థానికులు, టిటిడి  సిబ్బంది తీవ్ర భయాందోళనలకు గుర‌వుతున్నారు. శ్రీవారి సేవాసదన్, కల్యాణ వేదిక మ్యూజియం పరిసరాల్లో ఎలుగు బంట్లు, చిరుతలు సంచరిస్తున్నట్లు అటవీ అధికారులు గుర్తించారు. అలాగే బాలాజీ నగర్ ప్రాంతంలో చిరుతలు, అడవి పందుల సంచారాన్ని గుర్తించారు. ఇక ఘాట్ రోడ్డులో అయితే చిరుతల సంచారం విపరీతంగా పెరిగింది. పాపవినాశనం ప్రాంతంలో ఏనుగులు సంచరిస్తున్నాయి.   జింకలు, కణితి, దుప్పుల సంచారం అయితే చెప్పనక్కర్లేదు.
128 ఏళ్ల క్రితం :
128 ఏళ్ల క్రితం మాత్రం ఒకసారి రెండు రోజుల పాటు గుడి మూతపడిన సమయంలో ఇలాంటి పరిస్థితి కనిపించింది. అప్పట్లో ఆలయం చుట్టూ దట్టమైన అటవీ ప్రాంతం కావడం, శ్రీవారి ఆలయం మాత్రమే తిరుమలలో ఉండడంతో ఉదయం తిరుపతి నుంచి గుర్రాలపై అర్చకులు తిరుమలకు చేరుకునేవారు. సంధ్యా సమయం మొదలు కాకముందే తిరుపతికి తిరుగు ప్రయాణం అయ్యేవారు. 1900 సంవ‌త్స‌రం తర్వాత నుంచి తిరుమలకు భక్తుల రాక క్రమంగా పెరుగుతూ రావడంతో వన్యమృగాలు జనసంచారంలోకి రాడం  క్రమంగా తగ్గిపోతూ వచ్చింది. ఇప్పుడు ఏకంగా రెండు వారాలుగా ఆలయం మూత, ఘాట్‌రోడ్లపై రాకపోకల నిషేధంతో ఒక్కసారిగా నిశ్శబ్దం ఆవరించింది. దీంతో వన్యమృగాలు స్వేచ్ఛగా తిరుమల వీధుల్లోకి ఘాట్‌ రోడ్లపైకి వచ్చేశాయి.

Related Tags