Breaking News
  • అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
  • బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
  • అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
  • కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్‌, ట్రక్‌ స్వాధీనం.
  • చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.

పెళ్లయిన వారానికే విష ప్రయోగం.. ఏమైందంటే..!

Wife attempts to kill her husband after one week of marriage in Kurnool, పెళ్లయిన వారానికే విష ప్రయోగం.. ఏమైందంటే..!

పెళ్లి అయి వారం రోజులు కూడా గడవకముందే భర్తకు.. విషం ఇచ్చింది భార్య. వారి వైవాహిక బంధానికి ఏడు రోజుల్లోనే స్వస్తి పలికింది. కాళ్ల పారాణి ఆరకముందే భర్తను చంపే ప్రయత్నం చేసింది. ఈ ఘటన కర్నూలు జిల్లాలో చోటుచేసుకుంది.

వివరాల్లోకి వెళ్తే.. కర్నూలు జిల్లా తుగ్గలి మండలం జొన్నగిరికి చెందిన లింగమయ్యకి 10 రోజుల క్రితం.. మదనంతపురం గ్రామానికి చెందిన అమ్మాయితో వివాహం అయ్యింది. పెళ్లిలోని కొన్ని కార్యక్రమాల అనంతరం.. పెళ్లి కూతురు.. వాళ్ల ఇంటికి వెళ్లింది. ఆమెను చూడటానికి అత్తవారింటికి వచ్చిన లింగమయ్యకు పాలల్లో విషం కలిపి భార్య ఇవ్వడంతో.. అపస్మారక స్థితికి వెళ్లాడు. లింగమయ్యని.. గుత్తి ప్రభుత్వ ఆస్పత్రికి సోదరుడు తరలించాడు. పరిస్థితి విషమంగా ఉండటంతో.. అక్కడి నుంచి  మెరుగైన చికిత్స కోసం అనంతపురం ఆస్పత్రికి తరలించినట్టు తెలిసింది. కేసును జొన్నగిరి పోలీస్‌ స్టేషన్‌కి.. గుత్తి పోలీసులు బదలాయించారు.