Breaking News
  • వెదర్ రిపోర్ట్: తెలంగాణలో ఈరోజు, రేపు అతి భారీ వర్షాలు. ఉత్తర కోస్తా ఒరిస్సా, గ్యాంగేటిక్ పశ్చిమ బెంగాల్ పరిసర ప్రాంతాల్లో కొనసాగుతున్న అల్పపీడనం. దీనికి అనుబంధంగా 7.6 కి.మీ ఎత్తు వరకు కొనసాగుతున్న ఉపరితల ఆవర్తనం. రాగల 24 గంటల్లో ఇది మరింత బలపడే అవకాశం. భారతదేశం మీదుగా 5.8కి.మీ నుంచి 7.6 కి.మీ మధ్య ఏర్పడిన తూర్పు- పశ్చిమ shear జోన్. ఈరోజు అక్కడక్కడ ఉరుములు, మెరుపులతో పాటు తేలికపాటి వర్షాలు. ఈరోజు, రేపు ఆదిలాబాద్, నిర్మల్ ,కొమురం భీం- ఆసిఫాబాద్ ,మంచిర్యాల, నిజామాబాద్ ,జగిత్యాల, రాజన్న సిరిసిల్ల, పెద్దపల్లి, కరీంనగర్ ,జయశంకర్ భూపాలపల్లి ,ములుగు, వరంగల్ పట్టణ, గ్రామీణ, భద్రాద్రి కొత్తగూడెం, ఖమ్మం, నల్గొండ ,సూర్యాపేట జిల్లాలో భారీ అతి భారీ వర్షాలు. -వాతావరణ శాఖ సీనియర్ సైంటిస్ట్ రాజారావు.
  • అమీన్ పూర్ కేసును పర్యవేక్షించాలని ఉమెన్స్ సెక్యూరిటీ వింగ్ అడిషనల్ డీజీ స్వాతి లాక్ర కు డిజిపి అదేశం. కేసు విచారణ కొరకు ప్రత్యేక అధికారిని నియమించాలని ఆదేశం. కేసుకు సంబంధించి ఎప్పటికప్పుడు పర్యవేక్షించాలన్న డీజీపీ మహేందర్ రెడ్డి. కేసు నమోదు అయినప్పటి నుంచి నిందితుల అరెస్ట్ వరకు వివరాలు తేప్పించుకున్న స్వాతి లక్రా. ఉమెన్స్ సెక్యూరిటీ వింగ్ నుంచి ప్రత్యేక అధికారిని నియమించిన స్వాతి లక్రా. నిందితుల అరెస్టు, trails, కేసు విచారణ వరకు ప్రత్యేక దృష్టి పెట్టి నున్న స్వాతి లక్రా.
  • నల్గొండ ఎస్పీ రంగనాథ్ కు డీఐజి గా పదోన్నతి ఇస్తూ ప్రభుత్వం ఉత్తర్వులు . డీఐజి హోదాలో నల్గొండ ఎస్పీ గా పనిచేయనున్న రంగనాథ్.
  • విజయవాడ: ప్రకాశం బ్యారేజి కి భారీగా వరద నీరు. 70 గేట్లు అడుగు మేర ఎత్తివేత. ప్రకాశం బ్యారేజి కి ఇన్ ఫ్లో 70 వేల క్యూసెక్కులు. ఔట్ ఫ్లో 50750 క్యూసెక్కులు.. తాగు సాగు నీరు కోసం 10800 క్యూసెక్కులు ఈస్ట్ కెనాల్, వెస్ట్ కెనాల్ ద్వారా విడుదల. రెండు రోజుకు పాటు వరద ప్రవాహం ఉంటుందని అంటున్న అధికారులు. దిగువ ప్రాంత ప్రజలు అప్రమత్తంగా ఉండాలని సూచన.
  • తిరుపతి: కరోనా తో మృతి చెందిన వ్యక్తి మృతదేహానికి అంత్యక్రియలు చేసిన ఎమ్మెల్యే. గోవిందదామంలో దహనక్రియలు నిర్వహించిన ఎమ్మెల్యే భూమన కరుణాకర్ రెడ్డి, నగరపాలక సంస్థ కమిషనర్ గిరీష. కోవిడ్ వల్ల చనిపోయిన వారికి వైరస్ 6 గంటల పైనే ఉండదని ప్రజలకి అవగాహన కల్పించెందుకు ఇలా అంత్యక్రియలు చేశామన్న ఎమ్మెల్యే. కరోనా వైరస్ తో చనిపోయిన వారు దహన క్రియలకు కుటుంబ సభ్యులు రాకపోవడం చాలా బాధించిందన్న ఎమ్మెల్యే.
  • విజయవాడ రమేష్ ఆసుపత్రికోవిడ్ కేర్ సెంటర్ అగ్నిప్రమాద ఘటనలో ముగిసిన డాక్టర్ మమత విచారణ ఆరుగంటలపాటు పలు ప్రశ్నలపై డాక్టర్ మమతను ప్రశ్నించిన ఏసీపీ సూర్యచంద్రరావు మృతుల బంధువుల ఆరోపణల పై డాక్టర్ మమత నుంచి వివరాలు సేకరించిన పోలీసులు కోవిడ్ కేర్ సెంటర్ లో రమేష్ ఆసుపత్రి వసూలు చేస్తున్న ఫీజులపై వాస్తవాలు రాబట్టే ప్రయత్నం చేసిన పోలీసులు నోటీసులు ఇవ్వటం తో విచారణకు హాజరు అయ్యాను -డాక్టర్ మమత పోలీసులు అడిగిన ప్రశ్నలన్నింటికీ సమాధానం చెప్పాను -డాక్టర్ మమత నన్ను పోలీసులు ఎలాంటి ఇబ్బంది పెట్టలేదు -డాక్టర్ మమత

హిట్లు బోలెడు.. కానీ టాప్ లిస్ట్‌లో లేడేం..!

Why Mickey J Meyer still not in the top list?, హిట్లు బోలెడు.. కానీ టాప్ లిస్ట్‌లో లేడేం..!

మెగా ప్రిన్స్ వరుణ్ తేజ్ నటించిన ‘గద్దలకొండ గణేష్’ బాక్సాఫీస్ వద్ద దూసుకుపోతోంది. తమిళ్‌లో విజయం సాధించిన ‘జిగర్తాండ’ రీమేక్‌ను తెలుగు నేటివిటీకి తగ్గట్లుగా అద్భుతంగా తెరకెక్కించాడు హరీశ్ శంకర్. ఇక ఈ మూవీకి వరుణ్ తేజ్ యాక్టింగ్ మెయిన్ అస్సెట్. విలన్ పాత్రలో వరుణ్ అదరగొట్టేశాడు. ముఖ్యంగా కొన్ని సన్నివేశాల్లో ఈ పాత్రను అతడు తప్ప మరెవరు చేయలేరు అన్న విధంగా ఆకట్టుకున్నాడు వరుణ్. అలాగే ఈ చిత్రానికి మరో ప్లస్ బ్యాక్‌గ్రౌండ్ మ్యూజిక్. ఇంతవరకు డీసెంట్ సినిమాలకు మాత్రమే ఎక్కువగా సంగీతం అందిస్తూ వచ్చిన మిక్కీ జే మేయర్.. ‘గద్దలకొండ గణేష్‌’ వంటి కమర్షియల్ చిత్రానికి అదిరిపోయే మాస్ బ్యాక్‌ గ్రౌండ్‌ స్కోర్‌ను ఇచ్చాడు. దీంతో విమర్శకుల ప్రశంసలు సంపాదించుకున్నాడు ఈ సంగీత దర్శకుడు.

ఇక గద్దలకొండ గణేష్ సక్సెస్‌తో ఈ ఏడాది రెండో విజయాన్ని తన ఖాతాలో వేసుకున్నాడు మిక్కీ. కాగా ‘పోతే పోని’ అనే చిత్రంతో టాలీవుడ్‌కు పరిచయమైన మిక్కీ జే మేయర్.. ‘హ్యాపీ డేస్‌’ విజయంతో అందరి నోళ్లలో నానాడు. ఆ తరువాత ‘కొత్త బంగారు లోకం’, ‘లీడర్’, ‘సీతమ్మ వాకిట్లో సిరిమల్లె చెట్టు’, ‘సుబ్రమణ్యం ఫర్ సేల్’, ‘అఆ’, ‘శతమానం భవితి’ వంటి సినిమాల సక్సెస్‌లను తన ఖాతాలో వేసుకున్నాడు. ఇక గతేడాది వచ్చిన ‘మహానటి’తో మొదటిసారి ఓ భారీ కమర్షియల్ హిట్‌ను సాధించాడు మిక్కీ. అంతేకాదు ఇప్పటి వరకు 31 సినిమాలకు మాత్రమే సంగీతం అందించిన ఈ టాలెంటెడ్ మ్యూజిక్ డైరక్టర్.. మూడు నంది అవార్డులు, రెండు ఫిలింఫేర్ అవార్డులతో మరికొన్ని అవార్డులను సొంతం చేసుకున్నాడు.

అయితే ఇన్ని విజయాలున్నా మిక్కీ జే మేయర్ మాత్రం టాలీవుడ్‌లో టాప్ మ్యూజిక్ డైరక్టర్ లిస్ట్‌లో లేకపోవడం గమనర్హం. టాప్ మ్యూజిక్‌ డైరక్టర్‌ల లిస్ట్‌లో మొదటి వరుసలో ఎవరున్నారు అంటే.. కీరవాణి, మణిశర్మ, దేవీ శ్రీ ప్రసాద్, థమన్‌ల పేర్లే ఎక్కువగా వినిపిస్తాయి. అందుకే భారీ బడ్జెట్ చిత్రాలను తీయాలనుకునే దర్శకనిర్మాతలు మొదట కీరవాణి, దేవీ, థమన్‌ల సంప్రదిస్తున్నారు. వీరి సంగీతంపై కొన్ని విమర్శలు ఉన్నా.. మాస్‌లో వీరికి క్రేజ్ ఉండటంతో.. టాప్ హీరోలు సైతం మొదట వీరినే రెఫర్ చేస్తున్నారు. ఇక మిక్కీ విషయానికి వస్తే.. ఇప్పటివరకు మహేష్‌బాబు, వెంకటేష్ మినహా ఏ టాప్ హీరో సినిమాకు ఆయన సంగీతాన్ని అందించలేదు. ఇక ఆయన చేసిన కథలన్నీ కూడా క్లాస్ టచ్‌తోనే ఉండగా.. మాస్ సబ్జెక్ట్‌లకు దూరంగా ఉంటారనేది ఫిలింనగర్ టాక్. ఈ క్రమంలోనే మిక్కీ జే మేయర్‌ను భారీ బడ్జెట్ చిత్రాల కోసం, టాప్ హీరోల కోసం తీసుకోలేదన్నది కొందరి అభిప్రాయం. అందుకే ఆయన టాప్ లిస్ట్‌లో లేడని కొందరు అంటున్నారు. ఇక ఇప్పుడు గద్దలకొండ గణేష్‌తో మాస్ హిట్ కొట్టాడు కాబట్టి.. భవిష్యత్‌లో మరిన్ని విజయాలు సొంతం చేసుకొని టాప్ లిస్ట్‌లో చేరుతాడేమో చూడాలి.

Related Tags