Breaking News
  • నల్గొండ: చండూరు డాన్‌బాస్కో కాలేజీలో విద్యార్థి ఆత్మహత్య. ఉరివేసుకొని ఆత్మహత్య చేసుకున్న ఫస్టియర్‌ విద్యార్థి ప్రకాష్‌. ప్రకాష్‌ ఆత్మహత్యకు ప్రేమ వ్యవహారమే కారణమని అనుమానం. ప్రకాష్‌ స్వస్థలం గుంటూరు జిల్లా .
  • ప.గో: సంజీవయ్య నగర్‌లో కొండచిలువ కలకలం. నివాసాల మధ్యకు వచ్చిన 8 అడుగుల కొండచిలువ. భయబ్రాంతులకు గురైన స్థానికులు కొండచిలువను కొట్టి చంపిన స్థానికులు.
  • ప.గో: పెనుమంట్ర మండలం మార్టేరులో కిసాన్‌ మేళా. కిసాన్‌ మేళాలో పాల్గొన్న వ్యవసాయ మంత్రి కన్నబాబు. మాది రైతు పక్షపాత ప్రభుత్వం-మంత్రి కన్నబాబు. 44 లక్షల రైతు కుటుంబాలకు రైతుభరోసా వర్తింపు. రూ.3లక్షల రుణం తీసుకున్న రైతులకు వడ్డీ లేదు-కన్నబాబు. చిరుధాన్యాలు పండించే రైతులను ప్రోత్సహించేందుకు. త్వరలోనే విధివిధానాలు ప్రకటిస్తాం-మంత్రి కన్నబాబు
  • సంగారెడ్డి: జిల్లాలో పలు అభివృద్ధి పనులకు హరీష్‌రావు శంకుస్థాపన. జోగిపేట, ఆందోల్‌లో రూ.10కోట్ల పనులకు శంకుస్థాపన చేసిన హరీష్‌. మున్సిపాల్టీ ఎన్నికల్లో టీఆర్ఎస్‌ విజయం ఖాయం-మంత్రి హరీష్‌రావు. కాళేశ్వరం, మల్లన్న సాగర్‌ నీళ్లతో సింగూర్‌ను నింపుతాం-హరీష్‌. సాగుకోసం సింగూర్‌ నీరు మెదక్ జిల్లాకు దక్కేలా ప్రణాళికలు రచిస్తాం. సింగూర్‌లో నీళ్లు లేకపోవడంతో ప్రత్యామ్నాయ ఏర్పాటు చేస్తాం. అదనంగా నిధులు ఇవ్వాలని సీఎం అధికారులను ఆదేశించారు-హరీష్‌రావు.
  • తెలంగాణ భవన్‌లో ముగిసిన టీఆర్‌ఎస్‌పీపీ సమావేశం కాళేశ్వరం ప్రాజెక్ట్‌కు జాతీయహోదాపై పోరాడుతాం-ఎంపీ నామా. రాష్ట్రంలో అన్ని ప్రాజెక్ట్‌లకు నిధులు కోరుతాం-ఎంపీ నామా. కాళేశ్వరంపై సుప్రీంకోర్టులో ఏపీ అఫిడవిట్‌ దాఖలు చేయడంపై సీఎం కేసీఆర్‌ స్పందించారు-ఎంపీ నామా నాగేశ్వరరావు. బయ్యారం స్టీల్‌ప్లాంట్‌తో పాటు 30 అంశాలపై చర్చించాం . హామీల సాధన కోసం కేంద్రంపై ఒత్తిడి తెస్తాం-నామా నాగేశ్వరరావు. మిషన్‌ భగీరథ పథకానికి కేంద్రాన్ని నిధులు కోరుతాం-ఎంపీ నామా.
  • హైదరాబాద్‌: టీఆర్‌ఎస్‌ ఎంపీలకు కేటీఆర్‌ దిశానిర్దేశం. పార్లమెంట్ సమావేశాల్లో విభజన హామీలు పెండింగ్‌ సమస్యలను లేవనెత్తాలని కేటీఆర్‌ ఆదేశం. బడ్జెట్‌లో తెలంగాణకు దక్కాల్సిన అంశాలు, ప్రాజెక్టులు నిధులపై ఇప్పటి నుంచే పనిచేయాలని ఎంపీలకు సూచన. గణాంకాలతో ఎంపీలకు సమగ్ర సమాచారం అందించాలన్న కేటీఆర్‌. దేశ రాజధానిలో అన్ని హంగులతో పార్టీ కార్యాలయం నిర్మిస్తాం. పార్టీ ఆఫీస్‌ నిర్మాణ ప్రక్రియను వేగవంతం చేస్తామన్న కేటీఆర్‌.
  • తిరుమలలో పెరిగిన భక్తుల రద్దీ శ్రీవారి ఉచిత దర్శనానికి 12 గంటల సమయం ఈరోజు శ్రీవారి హుండీ ఆదాయం రూ.2.88కోట్లు

జగన్‌ విషయంలో చిరు సలహా.. అందుకే పవన్ సైలెంట్ అయ్యారా..!

ఈ ఎన్నికల్లో ఓటమిని ఎదుర్కొన్నప్పటికీ.. ప్రజల తరఫున తన గొంతును వినిపిస్తూ వస్తున్నారు జనసేన అధినేత పవన్ కల్యాణ్. ముఖ్యంగా ఏపీ ప్రభుత్వ వైఫల్యాలపై సోషల్ మీడియాలో జనసేన పార్టీకి చెందిన శతఘ్నిటీమ్ ‘వైఎస్ జగన్ ఫెయిల్డ్ సీఎం’ అనే క్యాంపైయిన్‌నే నడిపింది. ఈ క్రమంలో అప్పట్లో ఆ పార్టీకి చెందిన ట్విట్టర్ ఖాతాలు సస్పెండ్ అవ్వడం.. దానిపై ఆ సంస్థను పవన్ ప్రశ్నించడం.. ఆ తరువాత ఆ ఖాతాలు మళ్లీ యాక్టివ్ అవ్వడం.. ఇలా వరుసగా జరిగాయి. ఇదిలా ఉంటే ఇటీవల జగన్‌ను మెగాస్టార్ చిరంజీవి కలవగా.. అప్పటి నుంచి పవన్ కల్యాణ్‌‌లో ఏదో మార్పు వచ్చినట్లుగా అభిప్రాయం వ్యక్తమవుతోంది.

అయితే జగన్ విషయంలో పవన్‌కు చిరంజీవి కొన్ని సలహాలు ఇచ్చినట్లు తెలుస్తోంది. దివంగత మాజీ ముఖ్యమంత్రి రాజశేఖర్ రెడ్డి తనయుడిగా రాజకీయాల్లోకి వచ్చినప్పటికీ.. జగన్ తన వైఖరితో ఇప్పుడు పరిపాలన చేస్తున్నారు. దీంతో రాజశేఖర్ రెడ్డి కంటే జగన్ పెద్ద మొండి ఘటం అని చంద్రబాబు సహా పలువురు రాజకీయ నాయకులు బహిరంగంగానే తమ అభిప్రాయాన్ని వెలిబుచ్చారు. ఇక వైఎస్సార్‌తో కలిసి పనిచేయనప్పటికీ.. చిరంజీవికి వైఎస్ గురించి బాగా తెలుసు. ఇక ఇప్పుడు జగన్‌ పరిపాలనపై ప్రతిపక్షాలు విమర్శలు చేస్తున్నప్పటికీ.. ప్రజల్లో మాత్రం అంత వ్యతిరేకత లేదు. ఇవన్నీ అంచనా వేసిన చిరంజీవి.. జగన్ విషయంలో పవన్‌కు కాస్త తగ్గి ఉండమని సలహా ఇచ్చినట్లు విశ్వసనీయ వర్గాల సమాచారం.

ఇదిలా ఉంటే ఇటీవల కాలంలో పవన్ కల్యాణ్ తెలంగాణపై దృష్టి పెట్టారు. ఆ మధ్య యురేనియం తవ్వకాలపై గళం విప్పిన జనసేనాని.. ఇప్పుడు ఆర్టీసీ యూనియన్‌కు మద్దతిస్తున్న విషయం తెలిసిందే.