Breaking News
  • కరీంనగర్‌: హుజూరాబాద్‌ ప్రభుత్వ ఆస్పత్రిలో టిక్‌టాక్‌ కలకలం. ఆపరేషన్‌ థియేటర్‌లో టిక్‌టాక్‌ చేసిన వైద్యులు. రోగికి ఆపరేషన్‌ చేస్తూ టిక్‌టాక్‌ చేసిన వైద్యుడు శ్రీకాంత్, బృందం. సోషల్‌మీడియాలో వైరలైన వీడియో. వైద్యుల తీరుపై మండిపడుతున్న స్థానికులు.
  • సికింద్రాబాద్‌లో అఖిల భారత పోలీస్‌ బ్యాండ్‌ పోటీల ముగింపు వేడుకలు. హాజరైన ఉపరాష్ట్రపతి వెంకయ్యనాయుడు.
  • యాదాద్రి:సర్నేనిగూడెం సర్పంచ్ కుటుంబాన్నిపరామర్శించిన కోమటిరెడ్డి. రూ.50 వేలు ఆర్థిక సాయాన్ని అందజేసిన ఎంపీ కోమటిరెడ్డి. సర్పంచ్‌ కుటుంబానికి నా ప్రగాఢ నానుభూతి తెలియజేస్తున్నా. సర్పంచ్‌ కుటుంబానికి రూ.25 లక్షల ఆర్థిక సాయం ప్రకటించాలి. నావంతుగా సర్పంచ్‌ కుటుంబాన్ని ఆదుకుంటా. ఈ విషయాన్ని సీఎం దృష్టికి తీసుకెళ్తా-ఎంపీ కోమటిరెడ్డి వెంకట్‌రెడ్డి.
  • నిజామాబాద్‌: ఎడపల్లిలో ప్రేమజంట ఆత్మహత్యాయత్నం. పురుగుల మందుతాగి ఆత్మహత్యకు యత్నించిన ప్రేమజంట. పరిస్థితి విషమం, ఆస్పత్రికి తరలింపు.
  • ఢిల్లీ: జస్టిస్ ధర్మాధికారి నేతృత్వంలో ఏపీ, టీఎస్ అధికారుల భేటీ. విద్యుత్‌ ఉద్యోగుల విభజన సమస్యలపై సమావేశమైన అధికారులు. ఉదయం అధికారులు, ఉద్యోగుల అభ్యంతరాలు స్వీకరించిన ధర్మాధికారి. ధర్మాధికారి నివేదిక ప్రకారం 655 మంది ఉద్యోగులు.. తమకు భారమవుతున్నారని చెప్పిన ఏపీ డిస్కంలు. కమిటీ నివేదికతో సమస్యలున్నాయన్న టీఎస్ జెన్‌కో, ట్రాన్స్‌కో సీఎండీ. ఉద్యోగుల సమస్య శాంతియుతంగా పరిష్కారమయ్యేందుకే.. నివేదికను అంగీకరిచామన్న తెలంగాణ సీఎండీ ప్రభాకర్‌రావు. విధుల్లోకి చేర్చుకోనందు వల్ల ఇబ్బందులు పడుతున్నట్టు.. ధర్మాధికారికి తెలిపిన ఏపీకి కేటాయించిన ఉద్యోగులు. సమస్యకుపరిష్కారం నివేదిక నుంచి తెచ్చేలా ప్రయత్నిద్ధాం-ధర్మాధికారి. సమస్యను మొదటికితెచ్చి ఉద్యోగుల విభజనను జఠిలం చేయొద్దు-ధర్మాధికారి.

వారిని కలిసిన చిరు.. కేసీఆర్‌ను మరిచారా..!

Chiranjeevi skips KCR, వారిని కలిసిన చిరు.. కేసీఆర్‌ను మరిచారా..!

మెగాస్టార్ చిరంజీవి ఇంకా సైరా విజయోత్సవాల్లో మునిగి తేలుతున్నారు. ఆయన డ్రీమ్ ప్రాజెక్ట్‌గా తెరకెక్కిన ఈ చిత్రం ఇంకా థియేటర్లలో సందడి చేస్తోంది. ఈ క్రమంలో తన సినిమాను తానే ప్రమోట్ చేసుకుంటున్నారు మెగాస్టార్. ఈ నేపథ్యంలో ఆ మధ్యన తెలంగాణ గవర్నర్ తమిళసై సౌందర్‌రాజన్‌ను కలిసిన చిరు.. సినిమాను చూడాలని విఙ్ఞప్తి చేశారు. ఆయన కోరిక మేరకు తమిళసై కూడా కుటుంబంతో ఈ సినిమాను వీక్షించి.. ‘‘సైరా ఒక అద్భుతం.. చిరంజీవి గారూ మీరు నిజంగా చాలా గ్రేట్’’ అంటూ కామెంట్లు చేశారు. ఇక ఆ తరువాత ఏపీ సీఎం జగన్ మోహన్ రెడ్డిని కూడా తాజాగా కలిశారు చిరు. సతీసమేతంగా తాడేపల్లికి వెళ్లిన ఆయన.. జగన్‌ను కలిసి సైరాను వీక్షించమని కోరారు. ఈ సందర్భంగా జగన్ కూడా సానుకూలత చూపినట్లు తెలుస్తోంది. అయితే ఇప్పుడు కేసీఆర్ సంగతేంటని కొందరిలో అనుమానాలు వ్యక్తమవుతున్నాయి.

కాగా చిరు, కేసీఆర్ కుటుంబాల మధ్య ముందు నుంచి మంచి సాన్నిహిత్యం ఉంది. ముఖ్యంగా కేటీఆర్, రామ్ చరణ్‌లు మంచి స్నేహితులు. ఈ క్రమంలోనే చెర్రీ నటించిన ధ్రువ, వినయ విధేయ రామ చిత్రాల ఆడియో ఫంక్షన్‌లకు ముఖ్య అతిథిగా విచ్చేసిన కేటీఆర్.. చెర్రీపై ప్రశంసలు కూడా కురిపించాడు. సినిమా, రాజకీయాలకు అతీతంగా వీరిద్దరి స్నేహం కొనసాగుతూ వస్తోంది. ఈ నేపథ్యంలోనే ఈ రెండు కుటుంబాల మధ్య కూడా మంచి సంబంధం కంటిన్యూ అవుతోంది. అంతేకాదు ఇటీవల జరిగిన సైరా ఆడియో వేడుకకు కూడా కేటీఆర్‌ ముఖ్య అతిథిగా రాబోతున్నట్లు చిత్రయూనిట్ ప్రకటించింది. అయితే కొన్ని కారణాల వలన తాను ఈ కార్యక్రమానికి రాలేకపోతున్నానని కేటీఆర్ సోషల్ మీడియాలో వెల్లడించారు. ఇక ఇదిలా ఉంటే సైరాను వీక్షించవల్సిందిగా ఇంతవరకు చిరు తెలంగాణ ముఖ్యమంత్రి కేసీఆర్‌ను ఆహ్వానించకపోవడం ఆశ్చర్యంగా ఉంది. మరోవైపు వీలు చూసుకొని అప్పుడప్పుడు సినిమాలను చూసే కేటీఆర్ కూడా ఇప్పటివరకు.. తన ఫ్రెండ్ చెర్రీ నిర్మించిన సైరాను చూడకపోవడం గమనార్హం. అయితే సైరాకు ఏపీలో స్పెషల్ షోలకు జగన్ ప్రభుత్వం గ్రీన్ సిగ్నల్ ఇచ్చింది. కానీ తెలంగాణలో ప్రత్యేక షోలకు అనుమతి లభించలేదు. ఈ నేపథ్యంలోనే చిరు, కేసీఆర్‌ను కలవలేదన్నది కారణంగా భావిస్తున్నారు. మరోవైపు చిరుకు బంధువైన కొండా విశ్వేశ్వర్ రెడ్డి టీఆర్‌ఎస్‌ను వీడిన తరువాతి నుంచి ఈ ఇరు కుటుంబాల మధ్య సాన్నిహిత్యం తగ్గుతూ వస్తోందన్నది ఇన్నర్ టాక్. అయితే రాష్ట్రంలో ఆర్టీసీ సమ్మె కొనసాగుతూ.. అనిశ్చిత పరిస్థితులు నెలకొన్నందు వల్లనే చిరు ఇంకా కేసీఆర్‌ను కలవలేదన్న టాక్ కూడా వినిపిస్తోంది.

Related Tags