వైట్హౌస్లో చిన్న పొరపాటు.. పెద్ద గందరగోళం..!
వైట్హౌస్ మీడియా కార్యదర్శి చేసిన ఒక పొరపాటు ఇప్పుడు అమెరికాలో చర్చనీయాంశమైంది. అమెరికా అధ్యక్షుడు డొనాల్డ్ ట్రంప్ ఇటీవల అమెరికా హెల్త్ అండ్ హ్యూమన్ సర్వీసెస్ (HHS) విభాగానికి తన మూడు నెలల వేతనాన్ని విరాళంగా ప్రకటించారు. దానికి సంబంధించి శుక్రవారం ప్రెస్ మీట్ ఏర్పాటు చేసిన వైట్హౌస్ మీడియా కార్యదర్శి కైలీ మెక్ ఎనానీ.. అధ్యక్షుడు ట్రంప్ HHS విభాగానికి మూడు నెలల వేతనాన్ని విరాళంగా ప్రకటించిన విషయాన్ని వెల్లడించారు. అనంతరం ఆమె ఒక చెక్ను […]
వైట్హౌస్ మీడియా కార్యదర్శి చేసిన ఒక పొరపాటు ఇప్పుడు అమెరికాలో చర్చనీయాంశమైంది. అమెరికా అధ్యక్షుడు డొనాల్డ్ ట్రంప్ ఇటీవల అమెరికా హెల్త్ అండ్ హ్యూమన్ సర్వీసెస్ (HHS) విభాగానికి తన మూడు నెలల వేతనాన్ని విరాళంగా ప్రకటించారు. దానికి సంబంధించి శుక్రవారం ప్రెస్ మీట్ ఏర్పాటు చేసిన వైట్హౌస్ మీడియా కార్యదర్శి కైలీ మెక్ ఎనానీ.. అధ్యక్షుడు ట్రంప్ HHS విభాగానికి మూడు నెలల వేతనాన్ని విరాళంగా ప్రకటించిన విషయాన్ని వెల్లడించారు. అనంతరం ఆమె ఒక చెక్ను మీడియాకు చూపించి ఆమె పొరపాటు చేశారు. ట్రంప్ మూడు నెలల వేతనానికి సంబంధించిన చెక్ను కాకుండా, లక్ష అమెరికన్ డాలర్ల నగదు రాసి ఉన్న మరో చెక్ను చూపించారు. అందులో అధ్యక్షుడి పేరు, సంతకం మాత్రమే కాకుండా ట్రంప్ చిరునామాతోపాటు పూర్తి వివరాలు ఉన్నాయి. ఇది ఇప్పుడు హాట్ టాఫిక్ గా మారింది. అగ్రరాజ్యధినేత ప్రైవేటు బ్యాంకు సమాచారం బయటకు పొక్కడం అంత మంచిది కాదంటున్నారు విమర్శకులు. అటు, మీడియా ప్రతినిధులు ట్రంప్ ఇచ్చిన విరాళం గురించి కాకుండా కైలీ పొరపాటు గురించి ఎక్కువగా ప్రచారం చేయడం ప్రస్తుతం చర్చనీయాంశంగా మారింది. కైలీ చేసింది చిన్నపొరపాటు మాత్రమేనని, దానికి ఇంత చర్చ అవసరం లేదంటున్నారు వైట్హౌస్ అధికారులు.