Breaking News
  • హైదరాబాద్‌: జూబ్లీహిల్స్‌లో కేటీఆర్‌ పర్యటన. జలమండలి రెయిన్‌ వాటర్‌ హార్వెస్టింగ్‌ థీమ్‌ పార్క్‌ సందర్శన. నీటి సంరక్షణ పద్ధతులను పరిశీలించిన మంత్రి కేటీఆర్‌. జలమండలి సిబ్బంది కోసం ప్రత్యేక యూనిఫామ్‌ ఆవిష్కరించిన కేటీఆర్.
  • ఒక్కొక్కటిగా బయటకు వస్తున్న రేవంత్‌రెడ్డి భూ బాధితులు. రాజేంద్రనగర్‌ ఆర్డీవో ఆఫీసుకు క్యూకడుతున్న బాధితులు. గోపన్‌పల్లిలోని 127, 128 సర్వే నెంబర్లతో పాటు... మరో భూమిని కబ్జాచేశారని ఆరోపణలు. 124 సర్వే నెంబర్‌ భూమిని కూడా కబ్జా చేశారని ఆరోపణ. 124 సర్వేనెంబర్‌లోని రెండెకరాల భూమిని కబ్జా చేశారంటున్న బాధితులు. రేవంత్‌రెడ్డి, కొండల్‌రెడ్డి అనుచరులు కబ్జాచేశారని ఆర్డీవోకు ఫిర్యాదు.
  • పోలవరంలో ముగిసిన సీఎం జగన్‌ పర్యటన. రెండు గంటల పాటు అధికారులతో సమీక్షించిన సీఎం.
  • చిత్తూరు: గంగవరం మండలం పత్తికొండలో చెట్టుకు ఉరేసుకుని పదో తరగతి విద్యార్థి సుధీర్‌ ఆత్మహత్య.
  • సుగాలి ప్రీతి కేసును సీబీఐకి అప్పగించడం పట్ల జనసేన హర్షం. సీఎం జగన్‌, వైసీపీ ప్రభుత్వానికి అభినందనలు తెలిపిన పవన్‌ కల్యాణ్‌.
  • ఈ ఏడాది తొలిసారి భారీ నష్టాల్లో స్టాక్‌మార్కెట్లు. 1,448 పాయింట్లు నష్టపోయి 38,297 దగ్గర ముగిసిన సెన్సెక్స్‌. 431 పాయింట్లు నష్టపోయి 11,201 దగ్గర ముగిసిన నిఫ్టీ.

కొల్లేరు సరస్సు ఏదీ..? కనిపించట్లేదు..!

, కొల్లేరు సరస్సు ఏదీ..? కనిపించట్లేదు..!

కొల్లేరు సరస్సు… ప్రకృతి ప్రసాదించిన మరో ప్రపంచం. భువిలో కొలువైన మరో భూతల స్వర్గం. అక్కడి ప్రతిదృశ్యం ఓ కావ్యం. అయితే.. ఇదంతా ఒక్కప్పటి మాట.. వేలాది రకాల జీవజాతులకు ఆలవాలమైన కృష్ణా జిల్లాలోని ఈ అద్భుత జీవావరణం ప్రస్తుతం కాలుష్య కాసారంగా మారుతోంది.

ప్రకృతి అందాలతో, అలసిన మనసులకు ఆహ్లాదాన్ని అందించే విదేశీ పక్షుల కిలకిలరావాలతో కళకళలాడే కొల్లేరు సరస్సు కరిగిపోతోంది. భవిష్యత్తులో కానరానంటూ కన్నీరు పెడుతోంది. ఖండాంతరాలు దాటి వొచ్చే విదేశీ అతిథులతో సందడి సందడిగా ఉండే కొల్లేరు సరస్సు ఇప్పుడు ఎడారిలా.. బురద నేలలా దర్శనమిస్తోంది. జనజీవితాలతో ముడిపడిన కొల్లేరు ఇప్పుడు తన ఉనికినే క్రమంగా కోల్పోతోంది. ఇక భవిష్యత్తులో ఎప్పుడూ కనిపించబోనంటూ హెచ్చరిస్తోంది.

ఒకప్పుడు దోసిళ్లతో కొల్లేటి నీటిని తాగేవారు. అదే అమృతమని భావించేవారు. కానీ ఇప్పుడు ఆ నీరే విషతుల్యమని భయపడుతున్నారు. అక్వాతోపాటు స్థానిక పరిశ్రమల నుంచి వచ్చే వ్యర్థాలు, ఇళ్ల నుంచి వస్తున్న మురుగు నీరు ఇలా అన్నీ కలసి కొల్లేటిని కాలుష్య సరస్సుగా మార్చేస్తున్నాయి. ఆసియాలోనే అతిపెద్ద మంచినీటి సరస్సుగా పేరుగాంచిన కొల్లేరు నేడు అంతరించిపోతోంది. ఒకప్పుడు పవిత్రతకు మారుపేరైన సరస్సు.. ఇప్పుడు ప్రాణాంతకంగా మారుతోంది. ఆ నీటిలో వేలు ముంచినా వ్యాధులు వస్తాయనే భయం ప్రజల్లో కలుగుతోంది. లక్షకుపైగా ఎకరాల్లో వ్యాపించి ఉన్న ఈ సరస్సు అంతరించిపోవటం ఆందోళనకు గురిచేస్తోంది. సరికొత్త ప్రభుత్వమైనా దీనిపై శ్రద్ధ వహిస్తుందనే ఆశ ప్రజల్లో కలుగుతోంది.

Related Tags