Breaking News
  • కరోనా నుంచి బయటపడిన చైనా, ఇప్పుడు యూరప్‌ దేశాలకు కిట్లను, మాస్క్‌లను పంపిస్తోంది. అయితే వాటిలో నాణ్యత లేదని కొన్ని దేశాలు ఆరోపిస్తున్నాయి. పరికరాలను తిప్పి పంపిస్తున్నాయి. ఈ సంక్షోభాన్ని, చైనా తన ప్రభావాన్ని విస్తరించుకోవడానికి వాడుకుంటోందన్న విమర్శలూ వినిపిస్తున్నాయి.
  • ఆంధ్రప్రదేశ్‌లో కరోనా భూతం విస్తరిస్తోంది. ఏపీలో ఉన్న 13 జిల్లాలలో 11 జిల్లాలను కరోనా కమ్మేసింది. నిజాముద్దీన్‌ జమాత్‌ లింకులతో చిన్న పట్టణాలు, పల్లెలకు కూడా వ్యాపించింది కరోనా.. కొత్త కేసులన్నింటికీ ఢిల్లీ లింకులుండటం ఆందోళన కలిగిస్తోంది.
  • కరోనాపై యుద్ధం చేస్తున్న భారత్‌కు ప్రపంచబ్యాంకు భారీ సాయాన్ని అందించింది. భారత్‌తో పాటు కరోనాను ఎదుర్కొంటున్న పలు దేశాలకు ప్రపంచబ్యాంకు ఆర్ధిక సాయాన్ని ప్రకటించింది. కరోనాను తీవ్రంగా ప్రతిఘటిస్తున్న భారత్‌కు ఒక బిలియన్‌ డాలర్ల భారీ ఆర్ధిక సాయాన్ని ప్రకటించింది ప్రపంచబ్యాంక్‌..
  • ఉమ్మడి ఆదిలాబాద్‌ జిల్లాలో ఆశా వర్కర్లు ఇంటింటి సర్వే చేస్తున్నారు. ఇది గందరగోళానికి దారి తీస్తోంది. ఢిల్లీ నుంచి వచ్చిన వ్యక్తి ఇంటికి వెళ్లారు ఆశావర్కర్లు. సర్వే కోసమని వెళ్లిన ఆశా వర్కర్లను దుర్భాషలాడటమే కాకుండా వారిపై దాడికి ప్రయత్నించారు
  • అమరావతి ఏపీ ప్రభుత్వం కీలక నిర్ణయం ఎస్మా పరిధిలోకి ప్రభుత్వ, ప్రైవేట్‌ వైద్య సర్వీసులు. 6 నెలల పాటు ఎస్మా పరిధిలోకి తెస్తూ జీవో కూడా విడుదల. ఈ చట్టం కింద పనిచేయడానికి నిరాకరించిన వారిని శిక్షించే అధికారం ప్రభుత్వానికి ఉందంటూ జీవో జారీ.

కరోనా కలకలం.. వారంతా ఎక్కడకు వెళ్లారు..!

Coronavirus live updates, కరోనా కలకలం.. వారంతా ఎక్కడకు వెళ్లారు..!

కరోనా మహమ్మారి డ్రాగన్ కంట్రీ చైనాను ఉక్కిరిబిక్కిరి చేస్తోంది. ఈ వ్యాధి బారిన పడి.. మరణించిన వారి సంఖ్య ఇప్పటికే 800 దాటేసింది.. మరో 37వేల మందికి ఈ వ్యాధి లక్షణాలు ఉన్నాయి. జనాభా ఎక్కువగా ఉన్న దేశం కావడంతో ఈ వ్యాధి వేగంగా విస్తరిస్తోంది. ఈ క్రమంలో చైనా అధికారులు చాలా జాగ్రత్తలు తీసుకుంటున్నారు. దేశం సరిహద్దులను మూసేయడంతో పాటు రాకపోకలపై ఆంక్షలు విధించారు. అయితే కరోనా ప్రభావం చైనాలోని వుహాన్ ప్రదేశంలో ఎక్కువగా ఉండగా.. ఈ వైరస్ విస్తరిస్తోన్న క్రమంలోనే ఈ ప్రాంతం నుంచి దాదాపు 5 మిలియన్ల మంది జనం బయటికి వెళ్లినట్లు ఓ రిపోర్టులో తేలింది. దీంతో వారంతా ఎక్కడికి వెళ్లారో తెలుసుకునేందుకు బైడూ అనే మ్యాపింగ్‌ సంస్థ నడుం కట్టింది.

లొకేషన్‌ ఆధారంగా జనం ఎక్కడి నుంచి ఎక్కడికి వెళ్లారనే వివరాలు వారు తెలుసుకుంటున్నరు. వెళ్లిన వారిలో 14 శాతం చుట్టుపక్కల ఉన్న హెనాన్‌, హునాన్‌, అన్హుయి, జియాంగ్సి ప్రాంతాలకు వెళ్లారని బైడూ ప్రకటించింది. మరికొంత మంది తమ లొకేషన్‌ వివరాలు సరిగా వెల్లడించకపోవడంతో కొంత సమస్య ఏర్పడింది. కాగా చాలా ఏళ్లుగా చైనాలో వ్యాధుల వ్యాప్తిని గుర్తించేందుకు ఈ మ్యాపింగ్‌ వ్యవస్థను వినియోగిస్తున్నారు. ఇదిలా ఉంటే మరోవైపు కరోనా వ్యాప్తిపై హాంకాంగ్ యూనివర్సిటీ శాస్త్రవేత్తలు స్పందించారు. చైనా ఇప్పుడు పెద్ద సవాల్‌ను ఎదుర్కొంటోంది. సెంట్రల్ చైనాతో పాటు వుహాన్ నుంచి చాలామంది బయటకు వెళ్లారు. వాళ్లందరినీ గుర్తిస్తేనే సమస్య ఓ కొలిక్కి వస్తుంది అని అంటున్నారు.

Related Tags