డేటింగ్​లో​ ఉన్న‌ప్పుడు బర్త్​డే గిఫ్ట్​గా ట్వింకిల్ కు అక్ష‌య్ ఏమిచ్చాడో తెల్సా..

సెలిబ్రిటీ​ కపుల్స్​ తమ భాగస్వామి బ‌ర్త్ డే వేడుక‌ల‌ను చాలా గ్రాండ్ గా ప్లాన్ చేస్తారు. ఖ‌రీదైన గిఫ్ట్స్ ఇచ్చి ఆశ్చ‌ర్య‌ప‌రుస్తారు. కానీ బాలీవుడ్ కిలాడీ హీరో​ అక్షయ్​కుమార్ మాత్రం తన భార్య ట్వింకిల్ ఖన్నాతో డేటింగ్​లో ఉన్న‌ప్పుడు..బ‌ర్త్ డే సంద‌ర్భంగా​ పేపర్​ వెయిట్​ను గిఫ్టుగా ఇచ్చార‌ట‌. తాజాగా ప్రముఖ నిర్మాత క‌రణ్​ జోహార్​తో ఇంటర్వ్యూలో అక్షయ్​-ట్వింకిల్​ ఈ విషయాన్ని వెల్ల‌డించారు. ట్వింకిల్​ ఖన్నా చేతి వేలికి ఉన్న డైమండ్​ రింగ్​ వెనుక ఉన్న స్టోరీ చెప్పాలని కరణ్..​ ట్వింకిల్​ను కోరారు. దీంతో ఆమె ఈ పేపర్​వెయిట్​ ఫ్లాష్​బ్యాక్​ను రివీల్ చేశారు.

“మేము డేటింగ్​లో​ ఉన్న స‌మయంలో నా ఫ‌స్ట్ బ‌ర్త్ డేకు అక్షయ్​ పేపర్​ వెయిట్​ను గిఫ్టుగా ఇచ్చాడు. అతను దాన్ని ఎందుకు ఇచ్చాడో తెలీదు. కానీ అది చాలా నచ్చింది. అప్పుడే ఏదో ఒక రోజు నాకు డైమండ్​ రింగ్​ గిఫ్టుగా ఇవ్వాల‌ని కోరా. దీంతో నాకు ఈ డైమండ్ రింగ్ కానుకగా ఇచ్చాడు” అని ట్వింకిల్​ ఖన్నా పేర్కొన్నారు.

ఆ త‌ర్వాత మాట్లాడిన అక్ష‌య్..అస‌లు ట్వింకిల్​ ఖన్నా పుట్టినరోజు తన‌కు గుర్తులేద‌ని తెలిపారు. స‌డ‌న్ గా ఐడియా వ‌చ్చేస‌రికి బయటికి వెళ్లి గిఫ్ట్ కొనేంత టైమ్ లేక ఇంట్లోనే ఉన్న పేపర్​ వెయిట్​ను కానుకగా ఇచ్చినట్లు వివ‌రించారు.